އިޒްރޭލާއި އެމެރިކާ އަދި ހުޅަނގަށް ހޫތީންގެ އިންޒާރެއް

އިޒްރޭލާއި އެމެރިކާ އަދި ހުޅަނގަށް ހޫތީންގެ އިންޒާރެއް

ޔަމަނަށް އެެއްވެސް ފިޔަވަޅެއް ނުވަތަ ހަމަލާއެއް ދީފި ނަމަ އެކަމުގެ ނަތީޖާ ހިތި ވާނެ ކަމަށާއި އެކަމުގެ އަގު ދައްކަން މަޖުބޫރުވާނެ ކަމަށް ބުނެ އެމެރިކާ އާއި އިޒްރޭލުގެ އިތުރުން ހުޅަނގުގެ ގައުމުތަކަށް ހޫތީން އިންޒާރު ދީފި އެވެ.

ޔަމަނުގެ ބޮޑު ބައެއްގެ މައްޗަށް ވެރިކަން ކުރަމުން އަންނަ ހޫތީން ހުޅަނގަށް ވަރުގަދަ އިންޒާރެއް ދީފައި މިވަނީ ރަތް ކަނޑުން ދަތުރު ކުރާ އިޒްރޭލަށް ވާގިވެރިވާ ނުވަތަ އިޒްރޭލާ ގުޅުން އޮންނަ އުޅަނދުތައް ހިފަހައްޓައި، ހަމަލާދިނުމުގެ ސިލްސިލާއާ ގުޅިގެން ދުނިޔޭގެ އެންމެ ބޮޑު ދެ ޝިޕިން ލައިނުން އެ ސަރަހައްދުން ދަތުރު ކުރުން ވަގުތީ ގޮތުން ހުއްޓާލުމާއެކު އިޒްރޭލާއި އެމެރިކާއިން އެކަމާ ގުޅޭގޮތުން ވާހަކަދައްކާފައިވާ ދަނޑިވަޅެއްގަ އެވެ.

ބައިނަލްއަގުވާމީ ވިޔަފާރީގެ 40 އިންސައްތަ ކަނޑު ދަތުރުތައް ކުރާ ރަތް ކަނޑުން ކުރިމަތިވާ ހުސީންގެ ހަމަލާތަކާ ގުޅިގެން ދަތުރު ކުރުން ވަގުތީ ގޮތުން ހުއްޓާލާފައި ވަނީ ޑެންމާކުގެ މެއާސްކް ކުންފުންޏާއި ޖަރުމަނުގެ ހާޕަގް ލޮއީޑް ކުންފުނިންނެވެ. އެ ދެ ކުންފުނިން އެ ސަރަހައްދުން ދަތުރު ކުރުން ހުއްޓާލުމާ ގުޅިގެން އިޒްރޭލުން ބުނެފައި ވަނީ އެމެރިކާއާއި ދުނިޔޭގެ އެކި ގައުމުތަކާ ގުޅިގެން ރަތް ކަނޑުން ދަތުރު ކުރާ އުޅަނދުތަކަށް ކުރިމަތިވާ ނުރައްކަލާ ކުރިމަތިލުމަށް ތައްޔާރުވަމުން ދާ ކަމަށެވެ.

Advertisement

އެމެރިކާއިން ވެސް ވަނީ ވަނީ ހޫތީންގެ އަމަލުތަކަކީ ރަތް ކަނޑުން ދަތުރު ކުރުމުގެ މިނިވަން ކަމަށް ހުރަސްއެޅުން ކަމަށް ސިފަކޮށް އެކަމާ ދެކޮޅަށް ވާހަކަދައްކައިފަ އެވެ.

އެ ވާހަކަތަކަށް ރައްދުދީ ހޫތީންގެ އަންސާރުﷲ ޕޮލިޓިކަލް ބިއުރޯގެ މެންބަރު، އަލީ އަލް ގަހޫމް ވިދާޅުވީ ޔަމަނު އޮތީ ހުޅަނގާއި އިޒްރޭލު އަދި އެމެރިކާއިން ވެސް އަތުވެދާނެ ކޮންމެ ހަމަލާއަކަށް ދިފާއީ ގޮތުން ތައްޔާރަށް ކަމަށެވެ.

"އިޒްރޭލާއި އެމެރިކާއިން ނުވަތަ ހުޅަނގުން އަންނަ އެއްވެސް އިންޒާރަކާ ހެދި އަހަރުމެން، ހޫތީން ފަލަސްތީނު ދޫކޮށެއް ނުލާނަން،" ލުބުނާނުގެ އަލް މަޔާދީން ޓީވީއަށް ދެއްވި އިންޓަވިއުއެއްގައި އަލް ގަހޫމް ވިދާޅުވި އެވެ.

އިޒްރޭލަށް ވާގިވެރިވާ ނުވަތަ އިޒްރޭލަށް މުދާ އުފުލާ އެއްވެސް އުޅަނދަކަށް ރަތް ކަނޑުގައި އަމާން ކަމެއް ނޯންނާނެ ކަމަށް ބުނެ ހޫތީން ހަމަލާ ދޭން ފެށީ އިޒްރޭލުން ފަލަސްތީނުގައި ހިންގަމުން ގެންދާ ގަތުލުއާއްމުތަކާ ގުޅިގެންނެވެ. ހޫތީން ގެންދަނީ ބެލިސްޓިކް މިސައިލާއި ޑްރޯން ބޭނުން ކޮށްގެން އިޒްރޭލަށް ވެސް ހަމަލާތައް އަމާޒު ކުރަމުންނެވެ. ނަމަވެސް އަމަން ބެލެހެއްޓުމުގެ ނަމުގައި ރަތް ކަނޑުގައި ހަރަކާތްތެރިވަމުންދާ އެމެރިކާއާއި އިނގިރޭސިވިލާތުގެ އިތުރުން ފަރަންސޭސީވިލާތުގެ މަނަވަރުތަކުންނާއި އިން ވެގެން އޮންނަ ސައޫދީއަރަބިއްޔާއިން ވެސް ގެންދަނީ އިޒްރޭލަށް އަމާޒުކޮށް ހޫތީން ފޮނުވާ ހަމަލާތަކާއި ބައެއް ބޯޓުފަހަރަށް އަމާޒުކޮށް ދޭ ހަމަލާތައް ދިފާއީ މިސައިލު ބޭނުން ކޮށްގެން ހުއްޓުވުމަށް މަސައްކަތް ކުރަމުންނެވެ.

ހޫސިންނަކީ ބައިނަލްއަގުވާމީ ގޮތުން އެއްވެސް ގައުމަކުން ސަރުކާރެއްގެ ގޮތުގައި ބަލައިގަންނަ ބައެއް ނޫނެވެ. ނަމަވެސް ޔަމަނުގެ ދާހިލީ ހަނގުރާމައަށްފަހު ހޫތީން ގެންދަނީ އަމިއްލަ ދައުލަތެއް ގާއިމުކޮށް ޔަމަނުގެ ބޮޑު ބައެއްގެ މައްޗަށް ވެރިކަން ކުރަމުންނެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox