މިލާން (ޑިސެމްބަރު 12) - އޭސީ މިލާންގެ މެނޭޖްމަންޓްގެ އެޑްވައިޒަރެއްގެ ގޮތުގައި އެ ކްލަބުގެ ކުރީގެ ފޯވަޑް ޒްލަޓާން އިބްރަހިމޮވިޗް އެ ކްލަބާ އަލުން ގުޅިއްޖެ އެވެ.
މިދިޔަ ސީޒަނަށް ފަހު އިބްރަހިމޮވިޗް، 41، ކެރިއަރު ނިންމާލިއިރުވެސް އޭނާ ހުރީ މިލާންގަ އެވެ. އެކަމަކު, މިދިޔަ ސީޒަންގައި އަނިޔާގެ ގިނަ މައްސަލަތަކެއް އޭނާ އަށް ކުރިމަތިވިއެވެ.
މިލާން މިހާރު ހިންގަމުންދާ އެމެރިކާގެ އިންވެސްޓްމަންޓް ކުންފުންޏެއް ކަމަށްވާ ރެޑްބާޑް ކެޕިޓަން ޕާޓްނާސް އިން ހޯމަ ދުވަހު ނެރުނު ބަޔާނެއްގައި ބުނީ އިބްރަހިމޮވިޗްގެ މައިގަނޑު މަސައްކަތުގެ ތެރޭގައި ކުޅުންތެރިންގެ ޑިވެލޮޕްމަންޓާއި ހައި ޕާފޯމަންސް ޓްރެއިނިން އަދި މިލާންގެ ބައިނަލްއަޤްވަމީ ބްރާންޑް ފުޅާކޮށް، ވިޔަފާރި ކުރިއެރުވުން ހިމެނޭނެ ކަމަށެވެ.
މިލާންއާ ދެ ވަނަ ފަހަރަށް ގުޅުމަށް ފަހު، އެ ޓީމާ އެކު އިބްރަހިމޮވިޗް ވަނީ 2022 ވަނަ އަހަރުގެ އިޓާލިއަން ލީގު ކާމިޔާބުކޮށްފަ އެވެ.
ސްވިޑެންގައި އުފެދުނު އެންމެ މޮޅު ކުޅުންތެރިންގެ ތެރޭގައި ހިމެނޭ އިބްރަހޮމޮވިޗް ވަނީ އޭނާގެ ކެރިއަރުގައި މިލާންގެ އިތުރުން އިންޓަ މިލާނާއި ޔުވެންޓަސް އާއި ޕީއެސްޖީ އާއި ބާސެލޯނާ އަދި މެންޗެސްޓާ ޔުނައިޓަޑަށް ކުޅެފަ އެވެ.
