މަސްވެރިކަން ޒަމާނީ ކުރަން ކޮލެޖެއް އުފައްދަން ނިންމަވައިފި

މަސްވެރިންގެ ދުވަހުގެ ޖަލްސާގައި ރައީސް މުއިއްޒު ވާހަކަ ދައްކަވަނީ. -- ފޮޓޯ: ރައީސް އޮފީސް

މަސްވެރިންގެ ދުވަހުގެ ޖަލްސާގައި ރައީސް މުއިއްޒު ވާހަކަ ދައްކަވަނީ. -- ފޮޓޯ: ރައީސް އޮފީސް

މަސްވެރިކަން ޒަމާނީކޮށް ކުރިއެރުވުމަށްޓަކައި ކޮލެޖެއް އުފައްދަން ނިންމަވާފައިވާ ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.

މަސްވެރިކަމުގެ ދުވަސް ފާހަގަކުރަން މިރޭ ދަރުބާރުގޭގައި ބޭއްވި ޖަލްސާގައި ރައީސް ޑރ. މުއިއްޒު ވިދާޅުވީ މަސްވެރިކަން ޒަމާނީކޮށް، މަސްވެރިންގެ ގަދަރު އުފުލައި، މަސްވެރިކަން ތިޔާގި ކުރުމަކީ ބޭނުންވާ ކަމެއް ކަމަށެވެ. އަދި މަސްވެރިކަން އިލްމުވެރިކުރުން މުހިންމުކަން ފާހަގަ ކުރެއްވި އެވެ.

އެކަމަށްޓަކައި މިއަދުގެ މަސްވެރިންގެ ތަޖުރިބާ އާއި މި ދާއިރާއިން ދުނިޔޭގައި ކުރިއަރާފައިވާ ފަންނިއްޔާތު ރާއްޖޭގެ މަސްވެރިކަމުގައި ޝާމިލުކުރުމަކީ ހުވަފެނެއް ކަމަށް ރައީސް މުއިއްޒު ވިދާޅުވި އެވެ.

Advertisement

"އިރާދަކުރެއްވިއްޔާ އެއީ އަޅުގަނޑުމެން ހާސިލު ކުރާނެ ހަގީގަތެއް،" އެ މަނިކުފާނު ވިދާޅުވި އެވެ.

އެކަން ހާސިލުކުރުމަށްޓަކައި ދިވެހިރާއްޖޭގެ ގައުމީ ޔުނިވާސިޓީއާ ގުޅިގެން ފުރަތަމަ ފިޝަރީޒް ކޮލެޖެއް ގާއިމު ވެގެން ދާނެ ކަމަށް ރައީސް މުއިއްޒު ވިދާޅުވި އެވެ. އެ ކޮލެޖު ގާއިމުކުރުމުގެ އިދާރީ މަސައްކަތް ސަރުކާރުގެ ފުރަތަމަ 14 ހަފުތާތެރޭގައި ކުރިޔަށް ގެންދާނެ އެވެ.

ރާއްޖޭގެ އެންމެ ޒަމާންވީ ސިނާއަތުގެ މުހިންމުކަން ފާހަގަ ކުރައްވައި ރައީސް މުއިއްޒު "ބައްޕަމެން ކަނޑުފަޅު ފީނައިގެން، މަންމަމެން މަސް ކައްކައި ރިހާކުރު ވިއްކައިގެން، ޝަކުވާއެއް ނެތި އުފުލި އެތައް ގިނަ ބުރައެއްގެ ނަތީޖާއަކީ ރާއްޖޭގައި އިލްމީ ގާބިލު ޖީލެއް އުފެދުން" ކަމަށެވެ. އެހެންވެ މަސްވެރިކަމަށް ސަރުކާރުން ތޫނު ލޮލެއް ދޭންޖެހޭކަން ފާހަގަ ކުރެއްވި އެވެ.

"މިއަދު ރާއްޖޭއާއި ރާއްޖޭން ބޭރުގައި މަތީ ތައުލީމު ލިބިގެން އެތައް އިލްމަކާއި ހުނަރަކަށް އަހުލުވެރިވެގެން ތިބި އެތައް ދިވެހި ދަރީންނަކީ ދިވެހި މަސްވެރިކަމުގެ ސަބަބުން އުފެދުނު އިލްމުވެރީން. އެއީ ދިވެހި މަސްވެރި މައިންބަފައިންގެ މަތިވެރި ގުރުބާނީގެ ސަބަބުން އެ ބޭފުޅުންނަށް ލިބިވަޑައިގަތް ކާމިޔާބީތަކެއް،" އެމަނިކުފާނު ވިދާޅުވި އެވެ.

"އެހެންކަމުން މަސްވެރިކަމަކީ ސަރުކާރުން އެ މަސައްކަތަކަށް ވަރަށް ތޫނު ލޮލެއް ދޭން ޖެހޭ މަސައްކަތެއް."

މެނިފެސްޓޯގައި ވެސް މަސްވެރިކަމަށް އިސްކަމެއް ދީފައިވަނީ އަދި ސަރުކާރުގެ މި ވޭތުވެދިޔަ ތިން ހަފުތާ ތެރޭގައި ވެސް މަސްވެރިކަމުގެ ދާއިރާއަށް ސަމާލުކަމެއް ސަރުކާރުން ދިނީ އެހެންވެ ކަމަށް ރައީސް މުއިއްޒު ވިދާޅުވި އެވެ.

"މި ދެތިން ހަފުތާގައި ވެސް މަސްވެރިންނަށް ވެފައިވާ ވައުދުތަކުގެ މަތިން ހަނދާން އެބަހުރި. ވައުދުތައް މަތިން ހަނދާން ނައްތާލާ މީހަކަށް ނުވާނެ،" އެ މަނިކުފާނު ވިދާޅުވި އެވެ.

ފުރަތަމަ ކުރެއްވި ރަސްމީ ދަތުރުގައި ވެސް ދިވެހި މަސްވެރިންނަށް ލާބަ ހޯދުމަށް މަޝްވަރާ ކުރެއްވި ކަމަށާއި ލަސްތަކެއް ނުވެ ދިވެހި އުފެއްދުންތަކަށް ތުރުކީގެ މާރުކޭޓުން ތަނަވަސް ޖާގަ ލިބިގެންދާނެ ކަމަށް ރައީސް މުއިއްޒު ވިދާޅުވި އެވެ.

އެ މަނިކުފާނު ވިދާޅުވީ މަސްވެރިންނަކީ އެ މަނިކުފާނަށް ވަރަށް މުހިންމު އަދި އަގުހުރި ބައެއް ކަމަށެވެ. "އެއީ ދިވެހި ކަނޑުފަޅުގެ އިލްމުވެރިން،" ކަމަށް އެ މަނިކުފާނު ވިދާޅުވި އެވެ

މަސް ދޯންޏެއް.
މަސް ދޯންޏެއް.

މަސް ދޯންޏެއް.

"ދިވެހި މަސްވެރިން ދަންނަ ބަޔަކަށް އަޅުގަނޑުމެން ވާނެ"

މި ސަރުކާރުން ދިވެހި މަސްވެރިން ދަންނާނެ ކަމާއި މަސްވެރިންގެ ކުރިއެރުމާއި ލާބައަށް މަސައްކަތް ކުރާނެ ބައެއްކަން ފާހަގަ ކުރެއްވުމުގެ ގޮތުން ރައީސް މުއިއްޒު ވިދާޅުވި އެއް ކަމަކީ މަސްވެރިންގެ ދަފުތަރު އުފެއްދުމެވެ.

އެ ދަފުތަރުގެ ސަބަބުން މާލީ އިގުތިސޯދީ ދަތިތައް ހައްލުވުމަށް ފަހިވެގެންދާނެ ކަމަށާއި، މަސްވެރިންނަށް ބޭންކިން ނިޒާމަށް ވަދެވި ލޯނާއި އެހެން ފަސޭހަތައް ހޯދޭނެ ކަމަށް ރައީސް މުއިއްޒު ވިދާޅުވި އެވެ. އެފަދަ ދަފުތަރެއް އޮތުމުން މަސްވެރިކަން "އަޑިއަޅާލާ ދުވަސްވަރު" ސަރުކާރުން މަސްވެރިންގެ އަތުގައި ހިފޭނެ ނިޒާމެއް ގާއިމު ކުރެވޭނެ ކަމަށް ވެސް އެ މަނިކުފާނު ވިދާޅުވި އެވެ.

މަހަށް އެކަށޭނަ އަގު ހޯދުމަކީ ވެސް މުހިންމު ކަމެއް ކަމަށް ރައީސް މުއިއްޒު ފާހަގަ ކުރެއްވި އެވެ. ދިވެހި މަހުގެ އުފެއްދުންތައް ޕްރޮމޯޓުކުރަން ވަކި އިދާރާއެއް އުފައްދަނީ އެ މަގުސަދުގައި ކަމަށާއި އެ އިދާރާއިން ދިވެހި މަހުގެ ހާއްސަ ބްރޭންޑެއް ތައާރަފު ކުރާނެ ކަމަށް ރައީސް ވިދާޅުވި އެވެ.

އޭރުން ރާއްޖެއަށާއި މަސްވެރިންނަށް ރީތި ނަން ލިބި، ނަފާ ވެސް އިތުރުވެގެން ދާނެކަން އެ މަނިކުފާނު ފާހަގަ ކުރެއްވި އެވެ.

ރައީސް މުއިއްޒު ވިދާޅުވީ އެންމެ ބޮޑު އިސްކަމެއް ދެއްވާ އެއް ކަމަކީ ރާއްޖޭން ބޭރުކުރާ ފިނިކުރި މަހުގެ މިންވަރު ދަށްކޮށް، އެހެން އުފެއްދުންތައް އިތުރުކުރުން ކަމަށެވެ. އަދި އެކްއާކަލްޗާ ތަރައްގީކޮށް، ރާއްޖޭގައި އެން ދިރުވައި އާލާ ކުރެވޭނެ އިތުރު ގޮތްތައް ވެސް ހޯދަމުން އަންނަ ކަމަށް އެ މަނިކުފާނު ފާހަގަ ކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox