އާބަންކޯގެ އިޖުތިމާއީ ޒިންމާގެ ދަށުން ރެހެންދި ސްކޫލުގެ ބޭރުގައި ބެލެނިވެރިންނާއި ދަރިވަރުން މަޑޮކޮށްލައިގެން ތިބޭނެ ކެނޮޕީއެއް ހެދުމުގެ މަސައްކަތް ފަށައިފި އެވެ.
ރެހެންދި ސްކޫލްގެ އެދުމުގެ މަތިން އެ ސްކޫލްގެ ބޭރުގައި ބެލެނިވެރިން އާންމުކޮށް މަޑޮކޮށްގެން ތިބޭ ސަރަހައްދު ހިޔާކުރަމުގެ މަސައްކަތް މިހާރު އާބަންކޯއިން ދަނީ ކުރަމުންނެވެ. މިއީ ސްކޫލަށް ދަރިވަރުން ގެންދިއުމަށާއި ބަލައިދާ ބެލެނިވެރިންނަށް މޫސުން ގޯސްވާ ދުވަސްތަކާއި ހޫނު ގަދަ ދުވަސްވަރު ހިޔަލުގައި މަޑުކޮށްލެވޭނެ ގޮތެއް ފަހިކޮށްދިނުމަށް ކުރިއަށްގެންދާ މަސައްކަތެއް ކަމަށް އާބަންކޯއިން ބުންޏެވެ.
އާބަންކޯ އިން ބުނީ ހުޅުމާލޭގައި ދިރިއުޅޭ ރައްޔިތުންނާއި، ހުޅުމާލޭގައި ގާއިމުކޮށްފައިވާ އެކި އޮފީސްތަކަށް ބޭނުންވާނެ ގިނަ ކަންތައްތަކެއް އެ ކުންފުނިން އަބަދުވެސް ކުރަމުންދާ ކަމަށެވެ.
އަދި, އެފަދަ ކަންކަން ކުރުމުގައި ހުޅުމާލޭގައި ހުންނަ ސްކޫލުތަކަށް އަބަދުވެސް ހާއްސަ އަހަންމިއްޔަތުކަމެއް ދީގެން ގިނަ މަސައްކަތްތަކެއް ކޮށްފައިވާނެ ކަމަށް ބުންޏެވެ.
އޭގެ އިތުރުން އާބަންކޯއަކީ އަބަދުވެސް ރައްޔިތުންގެ ލާބަ އާއި މަންފާ އަށް މަސައްކަތް ކުރަމުންދާ ކުންފުންޏެއް ކަމަށާއި އެކުންފުނިން ދެމުންގެންދާ ހިދުމަތްތަކުގެ އިތުރުން ހުޅުމާލޭގައި ގާއިމުކޮށްފައިވާ ސަރުކާރުގެ އެކި އޮފީސްތަކާއި، އަމިއްލަ ފަރާތްތަކުން ހިންގަމުން ގެންދާ ވިޔަފާރިތަކަށް ވެސް ހުރި އުނދަގޫތައް ބަލައި. އެކަންތައްތަކަށް ހައްލު ހޯދައިދިނުމުގެ މަސައްކަތް އަބަދުވެސް ކުރަމުން ގެންދާނެކަމުގެ ޔަޤީންކަން ދޭ ކަމަށްވެސް އެކުންފުނިން ބުންޏެވެ.
