އެމްޑީޕީ އާއި ސަރުކާރާ ރުހިގެން ހުރި ނަމަ، ނައިބު ރައީސްގެ ގޮނޑިއެއް ނުގެއްލޭނެ: އީވާ

މެމްބަރު އީވާ، މަޖިލީހުގެ ނައިބު ރައީސްކަން ކުރަން ނާގާބިލް ކަމަށް ބުނެވޭނެ ބޭފުޅަކު މަޖިލީހުގައި ނެތްކަމަށް ވިދާޅުވި - ފޮޓޯ: މަޖިލިސް

މެމްބަރު އީވާ، މަޖިލީހުގެ ނައިބު ރައީސްކަން ކުރަން ނާގާބިލް ކަމަށް ބުނެވޭނެ ބޭފުޅަކު މަޖިލީހުގައި ނެތްކަމަށް ވިދާޅުވި - ފޮޓޯ: މަޖިލިސް

އެމްޑީޕީ އާއި އެމްޑީޕީ ސަރުކާރުގެ ކަންކަމާ ރުހިގެން ހުންނެވި ނަމަ، ރައްޔިތުންގެ މަޖިލީހުގެ ނައިބު ރައީސް ކަމުގެ ގޮނޑި ނުގެއްލުނީސް ކަމަށް ގަލޮޅު އުތުރު ދާއިރާގެ މެމްބަރު އީވާ އަބްދުﷲ މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި އީވާ ވަކިކުރުމަށް ގަރާރު ހުށަހަޅައި، އެ ގަރާރަށް ޖަވާބުދާރީ ވެވަޑައިގަންނަވަމުން ސަރުކާރަށް ބޮޑެތި ތުހުމަތު ތަކެއް އީވާ ކުރެއްވި އެވެ. އަދި އެމްޑީޕީ އާއި އެ ޕާޓީގެ ސަރުކާރު ދޫކޮށް، އިންސާފުގެ މަގަށް މަސައްކަތް ކުރުމަށް ނުކުންނެވީ ލިބޭނެ މާ މޮޅުތަކެއް ނެތްކަން އެނގިހުރެ ކަމަށް އީވާ ވިދާޅުވި އެވެ.

"އިންސާފުން އެއްކިބާ ވެގެންދާ ގަޑީ، ހައްޓަށް ފަސޭހަ ގޮތް ހަދައިގެން އިނުމަކީ އަޅުގަނޑަށް ފަސޭހަ ގޮތެއް ނޫން. ސުޕަ މެޖޯރިޓީއާއި އެމްޑީޕީ ދޫކޮށްލާފައި ނުކުތީ ވާނީ ކިހިނެއްކަން އެނގިތިބެ. ވަގުތީ ގޮތުން މާ މޮޅު ތަކެއް ނުވާނެކަން އެނގި ތިބެ. މި ދޫކޮށްލަނީ ބޮޑުސިންގާ ސަރުކާރެއްކަން، ސަރުކާރާ ގުޅިފައިވާ އާރާއި ބާރާއި، އެއާ ގުޅިފައިވާ ފުރިހަމަ އަގްލަބިއްޔަތު ދޫކޮށްލަނީކަން އެނގިހުރެ، ގަބޫލުނުކުރެވޭ ތަނެއްގައި ތާށިވެފައި ނުތިބެންވެގެން،" އީވާ ވިދާޅުވި އެވެ.

Advertisement

ކޮވިޑުގެ ބަލިމަޑުކަމުގެ ތެރޭގައި ވެންޓިލޭޓަރުން ކުރި ވައްކަމުގެ ވާހަކަ މަޖިލީހުގެ ތެރޭގައި ދައްކަން ފެށި ހިސާބުން، މި ދުވަސް އަންނާނެކަން އެނގިވަޑައިގެންނެވި ކަމަށް އީވާ ވިދާޅުވި އެވެ.

އީވާ ވިދާޅުވީ އޭނާ އަކީ މަޖިލީހުގެ ނައިބު ރައީސްކަން ކުރުމަށް ނާގާބިލް މީހެއްކަމަށް ބުނެވޭނެ އެއްވެސް ބޭފުޅަކު މަޖިލީހުގައި ނެތް ކަމަށެވެ. އަދި ސުޕްރީމް ކޯޓުގެ އަމުރަކާ ހިލާފުވެފައި ނުވާނެ ކަމަށާއި ރިޔާސަތު ބަލަހައްޓާފައި ވާނީ، އެކަން ކުރުމަށް މަޖިލީހުގެ އަމީން އާންމު އަންގަވައި އެކަމުގެ ސިޓީ ފޮނުއްވި ޖަލްސާތަކުގައި އެކަނި ކަމަށް އީވާ ވިދާޅުވި އެވެ.

"ރައީސްކަމުން ނަޝީދު ވަކިކުރުމަށް ސުޕްރީމް ކޯޓުގެ ހުކުމާ ހިލާފުވީ ކާކުކަން ތާރީހަށްޓަކައި ކޮންމެވެސް ދުވަހަކުން ހާމަވާނެ، ރައީސް ނަޝީދު ވަކިކުރުމުގެ ޖަލްސާ ކުރިއަށް ގެންދިޔައީ އަޅުގަނޑު މިތާ އިންދާ ގަވާއިދާ ހިލާފަށް އެހެން ބޭފުޅަކު ރިޔާސަތަށް އަރުވައިގެން،" އީވާ ތުހުމަތު ކުރެއްވި އެވެ.

އޭގެ އިތުރުން އީވާ ވިދާޅުވީ، އެމްޑީޕީ ސަރުކާރުގެ ވައުދުތަކާ އެއްގޮތަށް އެމްއެމްޕީއާރުސީ މައްސަލަ އާއި މަރާލި އެއްވެސް މީހެއްގެ މައްސަލަ ބަލާފައި ނުވާ ކަމަށެވެ. އަދި ވޯޓަށްޓަކައި ގާތް މީހުންގެ ޖިންސީ ގޯނާގެ މައްސަލަތައް އޮއްބާލި ކަމަށާއި ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ބޮން ހަމަލާއަށް ވެސް އިންސާފު ހޯދައިދީފައިނުވާ ކަމަށް އޭނާ ވިދާޅުވި އެވެ.

އީވާ އިސްތިއުފާ ސިޓީ ހުށަހެޅުއްވީ، އޭނާ ވަކި ކުރުމަށް ހުށަހެޅި ގަރާރަށް ޖަވާބުދާރީ ވެވަޑައިގަތުމަށް ފަހު އެވެ. އީވާ ވަކި ކުރުމުގެ ކުރިން، އަމިއްލައަށް އިސްތިއުފާ ދެއްވުމުން އެއީ އެކަން ކުރެވޭނެ ގޮތެއް ނޫން ކަމަށާއި އީވާގެ ތުހުމަތުތަކަށް ދިފާއުގައި ވާހަކަ ދައްކަން ބޭނުންވާ ކަމަށް ބުނެ ޖަލްސާ ނުނިންމުމަށް އެމްޑީޕީ މެމްބަރުން އެދުނެވެ. އެހެންނަމަވެސް، އެފަދަ އެއްވެސް މާއްދާއެއް މަޖިލީހުގެ ގަވާއިދުގައި ނެތް ކަމަށް ވިދާޅުވެ، މަޖިލީހުގެ ރައީސް އަސްލަމް ޖަލްސާ ނިންމަވާލެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox