މަގާމުން ވަކި ކުރަން ހުށަހަޅާފައިވާ ގަރާރަށް ދިފާއުގައި ވާހަކަ ދައްކަވަމުން އީވާ އިސްތިއުފާ ދެއްވައިފި

ރައްޔިތުންގެ މަޖިލީހުގެ ނައިބުރައީސްގެ ހައިސިއްޔަތުން އީވާ މަޖިލީހުގެ ޖަލްސާއެއްގެ ރިޔާސަތު ބަލަހައްޓަވަނީ. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ ނައިބުރައީސްގެ ހައިސިއްޔަތުން އީވާ މަޖިލީހުގެ ޖަލްސާއެއްގެ ރިޔާސަތު ބަލަހައްޓަވަނީ. ފޮޓޯ: މަޖިލީހުގެ އިދާރާ

ރައްޔިިތުންގެ މަޖިލީހުގެ ނައިބުރައީސް މަގާމުން ވަކިކުރަން އެމްޑީޕީން ހުށަހެޅި ގަރާރު އިއްވުމުން، ދިފާއުގައި ވާހަކަ ދައްކަވައި ނިންމަވަައިލެއްވުމާ އެކު އެ މަގާމުން އީވާ އަބްދުﷲ އިސްތިއުފާ ދެއްވައިފި އެވެ.

އީވާގެ އިސްތިއުފާގެ ސިޓީ ރައްޔިތުންގެ މަޖިލީހަށް ލިބުމާއެކު އެ ސިޓީ ވަނީ މަޖިލީހުގެ ތަޅުމުގައި އިއްވައިފަ އެވެ. ސިޓީ ލިބުމާއެކު މަޖިލީހުގެ ރައީސް މުހައްމަދު އަސްލަމް ނިންމެވީ ގަރާރުގެ މައްސަލަ ކުރިއަށް ނުގެންދިއުމަށެވެ.

މަޖިލީހުގެ ނައިބުރައީސްކަމުން އީވާ ވަކިކުރަން އެމްޑީޕީގެ 50 މެމްބަރުން ސޮއިކުރައްވައި ހުށަހެޅުއްވި ގަރާރު މިއަދުގެ ޖަލްސާއަށް އެޖެންޑާކޮށް، އެ މައްސަލާގައި ޖަވާބުދާރީ ވާން ދިން ފުރުސަތުގައި އީވާ ވިދާޅުވީ އެމްޑީޕީން އޭނާއަށް ދެނީ "އެމްޑީޕީއަށް ވެރިކަން ގެއްލުމުގެ އަދަބު" ކަމަށެވެ.

"ހަގީގަތަކީ މަނިކުފާނު، ނާގާބިލު ކިބުވެރި ސަރުކާރަކާ ދިމާލަށް އަޅުގަނޑު، ނާގާބިލު ކިބުރުވެރި ސަރުކާރެކޭ ބުނީ. ހަގީގަތަކީ އެ ސަރުކާރުން މާބޮޑަށް އަޅުގަނޑާ ނުރުހުނީ. އަދި އަޅުގަނޑު ވެސް އެ ސަރުކާރާ މާބޮޑަށް ނުރުހުނީ. އެހެންވީމާ ސަރުކާރާ، އިއްޔެގެ ސަރުކާރާ، އެމްޑީޕީގެ ސަރުކާރާ އަޅުގަނޑު ނުރުހިގެން އަޅުގަނޑު ބަސް ބުނެގެން ހަގީގަތުގައި އަޅުގަނޑަށް ދޭ އަދަބުމީ،" އީވާ ވިދާޅުވި އެވެ.

އެމްޑީޕީ ސަރުކާރުން އީވާއާ ނުރުހުނީ އޭނާ ތުހުމަތުކުރެއްވި ގޮތުގައި އެ ސަރުކާރުގެ ބައެއް ކޮރަޕްޝަންތަކުގެ ވާހަކަ ދެއްކެވުމާއި އެ ސަރުކާރުން އެޅި ބައެއް ގޯސް ފިޔަވަޅުތަކަށް ފާޑުވިދާޅުވުމުންނެވެ.

"މިއީ ވެރިކަން ގެއްލުނީމާ އަޅުގަނޑަށް އަދަބު ދިނުން. ވެންޓިލޭޓަރުގެ ވާހަކަ ކޮވިޑްގެ ތެރޭގައި ދެއްކުމުން މި އަދަބު އަންނާނެކަން އެނގޭ ދައުލަތުގައި ބާކީ ކާޑުގެ ބާވަތްތަކާ މެދު ފިނޭންސް މިނިސްޓަރަށް ސުވާލު ކުރިން އެމްއެމްޕީއާރުސީ އަދި މަރާލި އެއްވެސް މީހެއްގެ މައްސަލަ މާލޭގެ އެއްވެސް ރައްޔިތަކަށް ގޯތި ދިނުމަށް އެއްވެސް މަސައްކަތެއް ނުކުރީމާ އެވާހަކަ ދެއްކީމާ،" އީވާ ވިދާޅުވި އެވެ.

"އެންމެ ބޮޑަށް ދެފުށް ފެންނަ މަޖިލީހަށް ހެދިން"

ނަވާރަ ވަނަ ރައްޔިތުންގެ މަޖިލީހުގައި ކުރައްވާފައިވާ ބައެއް މަސައްކަތްތަކާއި ގެންނެވި ބައެއް ބަދަލުތަކުގެ ވާހަކަ ވެސް އީވާ މިއަދު ދެއްކެވި އެވެ. އޭނާ ވިދާޅުވީ މިއީ އެންމެ ބޮޑަށް ދެފުށް ފެންނަ، މެމްބަރުންނަށް ހިނގާ ހަރަދު އެންމެ ކުޑަ މަޖިލީހަށް ހައްދަވާފައިވާނެ ކަމަށެވެ.

"މިހިނގާ ނަވާރަ ވަނަ ރައްޔިތުންގެ މަޖިލިސް، ރައީސް މުހައްމަދު ނަޝީދުގެ ރިޔާސަތުގައި އަދި އަޅުގަނޑުގެ ނައިބުކަމުގައި މި މަޖިލީހަކީ އެންމެ ޓްރާންސްޕޭރެންޓް މަޖިލިސަށް ހެދިއްޖެ. އަދި ރައްޔިތުންގެ މަޖިލީހުގެ މެމްބަރުންގެ ހަރަދު އެންމެ ކޮންޓްރޯލްކުރެވުނު މަޖިލީހަށް ހެދިއްޖެ،" އީވާ ވިދާޅުވި އެވެ.

މެމްބަރުންގެ ހަރަދު ކުޑަކުރަން އެޅުއްވި އެއް ފިޔަވަޅަކީ އޭނާ ވިދާޅުވި ގޮތުގައި މެމްބަރުންގެ ހާޒިރީ ބަލައި، ހާޒިރު ނުވާ ދުވަސްތަކަށް މުސާރައިން ކަނޑަށް ފެށުމެވެ.

މަޖިލީހުގެ ހިންގުން ރަނގަޅުކުރުމަށް ޓަކައި މުވައްޒަފުންނަށް އެންމެ ގިނައިން ތަމްރީނު ދީފައި ވާނީ މި މަޖިލީހުގައި ކަމަށް ވެސް އޭނާ ވިދާޅުވި އެވެ.

މަޖިލިހުގެ މިއަދުގެ ޖަލްސާއަށް އެޖެންޑާކޮށްފައި އޮތް ހަމަ އެކަނި ކަމަކީ ނައިބުރައީސް ކަމުން އީވާ ވަކިކުރުމުގެ ގަރާރުކަމަށް ވާތީ އޭނާ އިސްތިއުފާދެއްވުމުން ޖަލްސާ ނިންމައިލި އެވެ. އޭގެ ކުރިން އެމްޑީޕީގެ ބައެއް މެމްބަރުން، ނިޒާމާ ބެހޭ ނުކުތާއެއް ކަމަށް ވިދާޅުވެ ފުރުސަތު ހޯއްދަވައިގެން މަސައްކަތް ކުރެއްވީ އީވާ ދެއްކެވި ވާހަކަތަކަށް ރައްދު ދެއްވުމަށެވެ. އެހެން ނަމަވެސް ރިޔާސަަތުން މަޖިލީހުގެ ރައީސް މުހައްމަދު އަސްލަމް ވިދާޅުވީ އީވާ އިސްތިއުފާ ދެއްވުމުން ޖަލްސާ އިތުރަށް ކުރިއަށް ގެންދަން ނުޖެހޭނެ ކަމަށެވެ. އެހެން ވިދާޅުވެ ޖަލްސާ ނިންމަވައިލެއްވީ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox