ޕީއެންއެފް އެފެއްދުމުގެ ހުއްދަ ލިބުމާއެކު ލީޑަރުން ގޮވައިލެއްވީ އެއްވެސް ބަހާނާއެއް ނެތި ޔާމީން މިނިވަން ކުރަން

ޕީއެންއެފް އުފެއްދުމުގެ ހުއްދަ އިލެކްޝަންސް ކޮމިޝަނުން މިއަދު ދިނުމުން އެ ޕާޓީ އުފެއްދުގައި އިސްކޮށް އުޅުއްވާ ބޭފުޅުން މީޑިއާތަކަށް މައުލޫމާތު ދެއްވަނީ -- ފޮޓޯ: އަބްދުﷲ އިޔާން / އަދަދު

ޕީއެންއެފް އުފެއްދުމުގެ ހުއްދަ އިލެކްޝަންސް ކޮމިޝަނުން މިއަދު ދިނުމުން އެ ޕާޓީ އުފެއްދުގައި އިސްކޮށް އުޅުއްވާ ބޭފުޅުން މީޑިއާތަކަށް މައުލޫމާތު ދެއްވަނީ -- ފޮޓޯ: އަބްދުﷲ އިޔާން / އަދަދު

ރައީސް ޔާމީން އިސްވެ ހުންނަވައި އުފެއްދުމަށް މަސައްކަތް ކުރާ ޕީޕަލްސް ނެޝަނަލް ފުރަންޓު (ޕީއެންއެފް) އަށް އިލެކްޝަންސް ކޮމިޝަނުން ހުއްދަ ދިނުމާއެކު، އެއްވެސް ބަހަނާއެއް ނުދައްކައި ރައީސް ޔާމީން މިނިވަން ކުރަން އެ ހަރަކާތުގެ ލީޑަރުން ގޮވައިލައްވައިފި އެވެ.

ޕާޓީ އުފެއްދުމުގެ ހުއްދަ ދިނުމުން، އިލެކްޝަންސް ކޮމިޝަނުގެ ބޭރުގައި ހުންނަވައި ކުރީގެ މިނިސްޓަރު، މުހައްމަދު މަލީހު ޖަމާލު ވިދާޅުވީ ރައީސް ޔާމީނަކީ މިއަދު ވެސް އެންމެ ގިނަ ބަޔަކު އެންމެ އިހުތިރާމު ކުރާ، އެންމެ ގިނަ ބަޔަކު ތާއީދު ކުރާ އަދި އެންމެ ގިނަ ބައެއްގެ ލޯބި ލިބިފައިވާ ލީޑަރު ކަމަށެވެ.

ޔާމީން މިނިވަން ކުރުމުގެ މަސައްކަތަކީ އަލަށް އުފައްދާ އެކަމަކީ ސިޔާސީ ޕާޓީން ކުޑަކޮށް ނަގާނެ މަސައްކަތެއް ނޫން ކަމަށާއި ރައީސް ޔާމީން މިނިވަން ވުމަކީ އެއީ އެ ބޭފުޅުން އެދޭ އެދުން ކަމަށެވެ.

Advertisement

"ރައީސް ޔާމީން އެއްވެސް އިތުރު ބަހަނާއެއް ނެތި ވަގުތުން ވަގުތަށް މިނިވަން ކުރުމަށް ދިވެހި ދައުލަތަށް ހަރު އަޑުން އަޅުގަނޑުމެން ގޮވައިލަން،" މަލީހު ވިދާޅުވި އެވެ.

މަލީހަކީ އާ ޕާޓީ އުފެއްދުމުގެ މަސައްކަތުގައި އިސްކޮށް މަސައްކަތް ކުރައްވާ ބޭފުޅެކެވެ.

ޔާމީނުގެ އިސް ގާނޫނީ ވަކީލު، އަދި ކުރީގެ ނައިބުރައީސް މުހައްމަދު ޖަމީލު އަހުމަދު ވެސް ވިދާޅުވީ ޔާމީން މިނިވަން ކުރުމުގެ ޒިންމާ މިހާރު އެޅިފައި އޮތީ މިސަރުކާރުގެ އިސްވެރިންގެ ކޮނޑުގައި ކަމަށް ކަމަށެވެ. މި ސަރުކާރު ގެންނަން ރައްޔިތުން ވޯޓުލީ ޔާމީން މިނިވަން ކުރަން ކަމަށް ވިދާޅުވާ ވިދާޅުވުން ޖަމީލު މިއަދު ވެސް ތަކުރާރުކުރެއްވި އެވެ.

"އަޅުގަނޑުމެންގެ މިއަދު ވެސް އިލްތިމާސްއަކީ އަޅުގަނޑުމެން އެ ވަކާލާތު ކުރި ހަމަތަކުގެ މަތިން، ރައްޔިތުން ވޯޓުދެއްވައިފަ އޭ، އެހެންވީމާ ދެން ލަސްވެގެން ނުވާނެޔޭ، އިންސާފަށް ހުރަސް ނާޅުއްވާށޭ އެއްވެސް ބޭފުޅަކު، އެކަން ނިންމާލަދެއްވާށޭ، ހައްގެއް ނޫނޭ މިހައި ބޮޑު އަނިޔާއެއް ނުކުރައްވާށޭ،" ޖަމީލު ވިދާޅުވި އެވެ.

ޕީއެންއެފް އުފެއްދުމުގެ މަސައްކަތުގައި އިސްކޮށް އުޅުއްވާ ބޭފުޅުން ރައީސް ޔާމީން މިނިވަން ކުރުމަށް މިއަދު ގޮވާލާފައިވާއިރު، މި ސަރުކާރުން މިހައިތަނަށް ޔާމީން މިނިވަން ކުރުމަށް އެއްވެސް މަސައްކަތެއް ކުރައްވާފައި ނުވާ ކަމަށް މީގެ ކުރިން ޖަމީލު ވިދާޅުވެފައިވެ އެވެ.

މިހާރުގެ ރައީސް ޑރ. މުހައްމަދު މުއިއްޒު ރިޔާސީ ކެމްޕޭނު ތެރޭގައި ވަނީ ވެރިކަމަށް ވަޑައިގަންނަވާ ފުރަތަމަ ދުވަހު ވެސް ރައީސް ޔާމީން މިނިވަން ވާނެ ކަމަށް ވިދާޅުވެފަ އެވެ. ނަމަވެސް ރައީސް މުހައްމަދު މުއިއްޒު ވެރިކަމުގެ ހުވާ ކުރެއްވިތާ މިއަދަށް 12 ދުވަސް ވީއިރު، އަދިވެސް ރައީސް ޔާމީން ހުންނެވީ ޖަލު ހުކުމުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox