"އެންމެނަށް މީޑިއާނެޓް" ތީމުގެ ދަށުން މީޑިއާނެޓުން ސްރީ ލަންކާގައި ހާއްސަ އިވެންޓެއް ބާއްވަން ތައްޔާރުވެއްޖެ އެވެ.
މި އިވެންޓަކީ ލަންކާގައި ދިރިއުޅެމުންދާ ދިވެހިންނަށް ހާއްސަކޮށްގެން ބާއްވާ އެ ކުންފުނިން ބާއްވާ އިވެންޓެކެވެ.
ރާއްޖެއިން ބޭރުގައި ވެސް ދިވެހި ޗެނަލްތައް ފަސޭހަކަމާއެކު ބަލާލެވޭ ގޮތަށް މީޑިއާނެޓުން ތައާރަފުކޮށްފައިވާ "އެމް އެސް ގްލޯބަލް" ހިދުމަތައް ހާއްސަކޮށްގެން ބާއްވާ މި އިވެންޓް އޮންނާނީ ނޮވެމްބަރު 16، ގެ ހެނދުނު 10:00 ން ރޭގަނޑު 10:00 އަށް، ދިވެހިންގެ ތެރޭގައި މަގްބޫލު ކެފޭއެއް ކަމުގައިވާ ކޮލަމްބޯގެ ގުރުވަ ކެފޭގަ އެވެ.
މި އިވެންޓުގައި އެމް އެސް ގްލޯބަލް ހިދުމަތާއި ގުޅޭ މައުލޫމާތު ދިނުމާއ،ި ރަޖިސްޓްރޭޝަން ފުރިހަމަ ކުރުން ކުރިއަށް ދާނެ އެވެ. އަދި އިވެންޓް ކުރިއަށްދާއިރު ކެފޭގައި އެމް އެސް ގްލޯބަލް އެކްސްޕީރިއަންސް ކޮށްލުމުގެ ފުރުސަތު ވެސް ލިބޭނެކަމަށް މީޑިއާނެޓުން މައުލޫމާތުދެ އެވެ.
މީޑިއާނެޓުން ބުނީ މި އިވެންޓްގެ ރޭގަނޑު ދަންފަޅީގައި ލައިވް މިއުޒިކް ކުރިއަށްދާނެ ކަމަށެވެ. މި އިވެންޓަކީ ލަންކާގައި ދިރިއުޅޭ ގިނަ ދިވެހިންނަށް އެއްތަނަކުން ބައްދަލުކޮށްލާ ވަގުތުތަކެއް ހޭދަކޮށްލުމަށް ލިބިގެންދާނެ ފުރުސަތެކެވެ.
"އެމް އެސް ލައިޓް ގްލޯބަލް" ހިދުމަތް މެދުވެރިކޮށް ޓީވީ އިން އަދި "އެމް އެސް ޑިޖިޓަލް ގްލޯބަލް" ހިދުމަތް މެދުވެރިކޮށް ފޯނުން މީޑިއާނެޓުގެ ވީޑިއޯ ކްލަބްގެ ހިދުމަތުގައި ހިމެނޭ ދިވެހި ފިލްމާއި ސީރީޒް އަދި ދުނިޔޭގެ މަގްބޫލު ފިލްމުތަކާއި ސީރީޒްތައް ވެސް ބަލާލެވޭނެ އެވެ.
އެމް އެސް ގްލޯބަލް ހިދުމަތް ބޭނުންކުރުމަށް ބޭނުންވަނީ ހަމައެކަނި ރަނގަޅު އިންޓަނެޓް ކަނެކްޝަނެކެވެ. މީޑިއާނެޓު އެޕްލިކޭޝަން އެންޑްރޮއިޑް ޓީވީއަށް އިންސްޓޯލް ކޮށްލައިގެން މި އެޕްލިކޭޝަން ބޭނުންކުރެވޭއިރު، ޕްލޭ ސްޓޯ އަދި އެޕް ސްޓޯ އިން ފޯނަށް އިންސްޓޯލް ކުރެވޭނެ އެވެ.
އެމް އެސް ލައިޓް ގްލޯބަލް ޕެކޭޖުގެ އަގަކީ މަހަކަށް އެންމެ 199ރ. އެވެ. އަދި އެމް އެސް ޑިޖިޓަލް ގްލޯބަލް ޕެކޭޖުގެ އަގަކީ މަހަކަށް އެންމެ 74ރ. އެވެ މި ދެ ހިދުމަތަށް ހާއްސަ އަހަރީ ޕްލޭންތަކެއް މީޑިއާނެޓުންވަނީ ތައާރަފްކޮށްފަ އެވެ.
