އޫރީދޫގެ 5ޖީ ފައިބަރު އިންޓަނެޓު ޕެކޭޖަށް އަޕްގުރޭޑު ކޮށްލައިގެން ޕެރިހަށް ދިއުމުގެ ފުރުސަތު ލިބޭ ޕްރޮމޯޝަނެއް އުރީދޫއިން ފަށައިފި އެވެ.
އަންނަ މަހުގެ ނިޔަލަށް ކުރިއަށް ގެންދާ އެ ޕްރޮމޯޝަނުގެ މުއްދަތުގައި އަލަށް އުރީދޫ 5ޖީ ގެ ހިދުމަތަށް އަލަށް އެދޭ ފަރާތްތަކަށް ފޯރުކޮށްދޭ ރައުޓަރުން ވެސް 50 އިންސައްތައިގެ ޑިސްކައުންޓެއް ދިނުމަށް ނިންމާފައިވާ ކަމަށް އުރީދޫގެ މީޑިއާ އޮފިޝަލް ވިދާޅުވި އެވެ.
އުރީދު އެއާ ފައިބަރު ޕްލޭން އަޕްޑޭޓު ކޮށްލައިގެން ނުވަތަ އަލަށް 5ޖީ އެއާފައިބަރު ހިދުމަތް ހޯދަ ފަރާތްތަކަށް އޮޓަމެޓިކުން ބައިވެރިވެވޭ އެ ޕްރޮމޯޝަނުގައި ގުރުއަތުން ހޮވޭ ނަސީބުވެރި އެއް ފަރާތަކަށް ފްރާންސްގެ ޕެރިހަށް ގޮސް ޕާކް ޑެސް ޕްރިންސް ސްޓޭޑިއަމްގައި ޕީއެސްޖީއާއި ލިޔޯން ބައްދަލު ކުރާ މެޗު ބަލައިލުމުގެ ފުރުސަތު ލިބޭނެ އެވެ. މެޗު ބަލައިލުމުގެ އިތުރުން ނަސީބުވެރިޔާއަށް ޕެރިހުގައި ދެ ރެއާއި ތިން ދުވަހުގެ ފުލް ބޯޑު އެކޮމޮޑޭޝަނާއެކު ޕެރިހުގެ ދެކޮޅު ޓިކެޓު ލިބޭނެ އެވެ.
އެ ޕްރޮމޯޝަނަށް ހާއްސަކޮށް އުރީދޫއިން ވަނީ 5ޖީ އެއާފައިބަރު ކަސްޓަމަރުންނަށް ހާއްސަކޮށް 100 އެމްބީޕީއެސްގެ ސްޕީޑުގައި ހަފުތާއަކު 250 ޖީބީ ލިބޭ ގޭމާސް ޕެކެއް ތައާރަފުކޮށްފަ އެވެ. ފަސް ގޭމަރުންނަށް ހާއްސަކޮށް ތައާރަފުކޮށްފައިވާ އެ ޕެކުގެ އަގަކީ ވެސް 250ރ. އެވެ.
ގޭމިން ކޮމިއުނިޓީއަށް ހާއްސަކޮށް އުރީދޫއިން ތައާރަފުކުރި އެ ގޭމިން ޕެކު މެދުވެރިކޮށް ޕެކޭޖު އިންކުލޫސިވް ޑޭޓާ އެއްކޮށް ބޭނުން ކުރުމަށްފަހު ވެސް އިންޓަނެޓުގެ ހިދުމަތް މެދުނުކެނޑި ލިބޭނެ ކަމަށް އުރީދޫއިން ބުނެ އެވެ. އެ ޕްލޭނުގެ ދަށުން އުރީދޫ 5ޖީ އަދި 4ޖީ ނެޓުވޯކުގެ ހަލުވި ސްޕީޑުގައި ބޭނުންކުރާ ކަސްޓަމަރުންނަށް ހަފުތާއަކު 250ރ. ޓޮޕްއަޕުކޮށް މުޅި މަހަށް އެއް ޓީބީ ޑޭޓާ ލިބެ އެވެ.
ހަލުވި ސްޕީޑުގެ އިންޓަނެޓު ފޯރުކޮށްދިނުމަށް އުރީދޫ އިން ކުރަމުން އަންނަ މަސައްކަތުގެ ދަށުން ދާދި ފަހުން އެ ކުންފުނިން ވަނީ 5ޖީ އެއާފައިބަރު ޕޯޓުފޯލިއޯއަށް ވަރުގަދަ އަޕްގުރޭޑުތަކެއް ގެނެސް ބޮޑެތި ޑޭޓާ އެލަވަންސްތަކާ އެކު ސްޕީޑުތައް އިތުރުކޮށްފަ އެވެ. 5ޖީ އެއާފައިބަރުގެ ހަލުވި ސްޕީޑާއި ލޯ ލެޓެންސީ އާއެކު މިހިދުމަތަކީ ވިޔަފާރިތަކާއި ގޭމް ކުޅޭ ފަރާތްތަކުގެ އިތުރުން ގިނަ ގިނައިން ސޮފްޓްވެއާ އާއި ގޭމް އަޕްޑޭޓް ކޮށް ސްޓްރީމްކުރާ ފަރާތްތަކަށް ފުރިހަމަ ހިދުމަތެއް ކަމަށް އުރީދޫއިން ބުނެ އެވެ.
