އާ ރައީސް ހުވާ ކުރައްވާ ޖަލްސާއަށް ހުރަސް އެޅުމުގެ ރޫހެއް ނެތް: އަސްލަމް

އައު ރައީސް ހުވާ ކުރައްވާ ޖަލްސާއަށް ހުރަސް ނޭޅި ނަމަވެސް އިތުބާރު ނެތްކަމުގެ މައްސަލައަށް ހައްލެއް ނުހޯދައި ބާއްވާ ޖަލްސާއެއްގައި ކުރައްވާ ހުވައަކީ ގާނޫނާ އެއްގޮތްވާ ގޮތުގެ މަތިން ކުރާ ހުވައެއް ކަމަށް އެމްޑީޕީން ގަބޫލު ނުކުރާނެ ކަމަށް އަސްލަމް ވިދާޅުބި -- ފޮޓޯ: މިރާން ނާޝިމް / އަދަދު

އައު ރައީސް ހުވާ ކުރައްވާ ޖަލްސާއަށް ހުރަސް ނޭޅި ނަމަވެސް އިތުބާރު ނެތްކަމުގެ މައްސަލައަށް ހައްލެއް ނުހޯދައި ބާއްވާ ޖަލްސާއެއްގައި ކުރައްވާ ހުވައަކީ ގާނޫނާ އެއްގޮތްވާ ގޮތުގެ މަތިން ކުރާ ހުވައެއް ކަމަށް އެމްޑީޕީން ގަބޫލު ނުކުރާނެ ކަމަށް އަސްލަމް ވިދާޅުބި -- ފޮޓޯ: މިރާން ނާޝިމް / އަދަދު

ނޮވެމްބަރު 17 ގައި ބޭއްވުމަށް ހަމަޖެހިފައިވާ އިންތިހާބީ ރައީސް، ޑރ. މުހައްމަދު މުއިއްޒު ހުވާ ކުރެއްވުމުގެ ޖަލްސާއަށް ހުރަސް އެޅުމުގެ ރޫހެއް އެމްޑީޕީގެ ޕާލިމެންޓަރީ ގުރޫޕުގައި ނެތް ކަމަށް އެޕާޓީގެ ޕީޖީ ލީޑަރު އަދި ހިތަދޫ އުތުރު ދާއިރާގެ މަޖިލިސް މެންބަރު، މުހައްމަދު އަސްލަމް ވިދާޅުވެއްޖެ އެވެ.

އަސްލަމް އެހެން ވިދާޅުވީ އެމްޑީޕީން މަޖިލީހަށް ވައްދާފައިވާ މަޖިލިސް ރައީސްގެ އިތުބާރު ނެތްކަމުގެ މައްސަލަ ކުރިއަށް ނުގެންދެވި ލަސްވަމުން ދާ ދިއުމާ މެދު ހުރި ކަންބޮޑުވުންތައް ނޫސްވެރިންނާ ހިއްސާ ކުރެއްވުމަށް މިއަދު މަޖިލީހުގެ އިދާރާގައި އެ ޕާޓީން ބޭއްވި ނޫސްވެރިންގެ ބައްދަލުވުމެއްގައި ނޫސްވެރިޔަކު ކުރި ސުވާލަކަށް ޖަވާބު ދެއްވަމުންނެވެ.

އޭނާ ވިދާޅުވީ އެ ޖަލްސާއާ މެދު އަދި ވަކި ގޮތެއް ޕީޖީ ގުރޫޕުން ނިންމާފައި ނުވާ ކަމަށެވެ. އެހެން ނަމަވެސް, އިންތިހާބީ ރައީސް ހުވާ ކުރެއްވުމުގެ ޖަލްސާއަށް ހުރަސް އެޅުމުގެ ރޫހެއް ޕީޖީ ގުރޫޕުގައި ނެތް ކަމަށް އަސްލަމް ވިދާޅުވި އެވެ.

Advertisement

"މަޖިލިސް ފުލޯއަކު ވެސް ނޫން އަޅުގަނޑުމެންގެ މައުލޫމާތުގައި މަޖިލީހުން ބޭރުގައި އެހެން ތަނެއްގައި ޖަލްސާ ބާއްވައި، ދެން އެތަނަށް ގޮސް ކޮންމެހެން އަޅުގަނޑުމެން މަޖިލިސް ފުލޯގައި ޖަލްސާތައް ހުއްޓުވާ އުސޫލުން ކޮންމެހެން އަޅުގަނޑަކަށް ހިއެއް ނުވޭ އަޅުގަނޑުމެންގެ ޕާލިމަންޓަރީ ގުރޫޕުގެ މެންބަރުން ކުރައްވާނެ ހެނެއް،" އަސްލަމް ވިދާޅުވި އެވެ.

އެހެން ނަަމަވެސް, މަޖިލީހުގެ ރައީސްގެ އިތުބާރު ނެތްކަމުގެ މައްސަލައެއް އެ އިދާރާއަށް ހުށަހަޅައިފައި ވަނިކޮށް އެ މައްސަލަ ކުރިއަށް ނުގެންގޮސް ބާއްވާ ޖަލްސާއެއްގައި އިންތިހާބީ ރައީސް ކުރައްވާ ހުވައަކީ އެއީ ގާނޫނާއި އެއްގޮތް ވާގޮތުގެ މަތިން ކުރެވޭ ހުވައެއް ކަމަށް އެމްޑީޕީގެ ޕާލަމަންޓަރީ ގުރޫޕުން ގަބޫލު ނުކުރާނެ ކަމަށާއި އެގޮތަށް ބާއްވާ ޖަލްސާއެއްގައި ހުވާ ކުރެއްވިޔަސް، އެއަށްފަހު މަޖިލީހަށް ފޮނުއްވާ ކެބިނެޓަށް ވެސް ރުހުން ނުދޭނެ ކަމަސް އަސްލަމް ވިދާޅުވި އެވެ.

"އަޅުގަނޑުމެން އެމްޑީޕީގެ ޕާލިމަންޓަރީ ގުރޫޕަކުން ގަބޫލެއް ނުކުރާނަމޭ އެއީ ސައްހަ ގޮތުގައި ގާނޫނީ ގޮތުން ސައްހަ ޖަލްސާއެއްގައި ކުރެވޭ ހުވައެއް ކަމަށް،" އޭނާ ވިދާޅުވި އެވެ.

އެމްޑީޕީން އެފަދަ ޖަލްސާއެއް ނުބޭއްވޭނެ ކަމަށް ބުނި ނަމަވެސް ނުވަތަ އައު ރައީސް ހުވާ ކުރެއްވުމުގެ ޖަލްސާ އެ ޕާޓީން ބޮއިކޮޓު ކުރި ނަމަވެސް މަޖިލީހުގެ ޖަލްސާއެއް ބޭއްވުމަށްޓަކައި ބޭނުންވާ މެންބަރުންގެ ގާނޫނީ އަދަދު ހަމަވާނެ އެވެ.

މަޖިލީހުގު ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމުން ފުރަތަމަ އެ މައްސަލަ ތާވަލު ކުރީ މި ހަފުތާގެ އާދީއްތަ ދުވަހަށެވެ. ނަމަވެސް, އެ ދުވަހު މަޖިލީހުގެ ނައިބު ރައީސް، އީވާ އަބްދުﷲ ސަލާމުގައި ހުންނެވުމުން އަނެއްކާ ޖެހިގެން އައި ހޯމަ ދުވަހުގެ އެޖެންޑާގައި އެ މައްސަލަ ހިމެނި އެވެ. އެދުވަހު ވެސް އީވާ ސަލާމުގައި ހުންނެވުމުން ޖަލްސާ ކުރިއަށް ނުގެންގޮސް ވަނީ ނިންމާލައިފަ އެވެ.

އެއަށްފަހު މިއަދުގެ ޖަލްސާއަށް އެ މައްސަލަ ތާވަލު ކޮށްފައެއް ނުވެ އެވެ. އެ ސަބަބާ ހުރެ މިއަދު އެމްޑީޕީން ވަނީ ތަޅުމުގައި އިހުތިޖާޖުކޮށް މަޖިލިސް ހުއްޓުވައިފަ އެވެ. ނަޝީދުގެ އިތުބާރު ނެތް ކަމުގެ މައްސަލަ ތާވަލުކޮށްފައި ވަނީ މާދަމާއަށެވެ.

އީވާ އާލާސްކަންފުޅާ އުޅުއްވާތީ އިތުބާރު ނެތްކަމުގެ މައްސަލަ ކުރިއަށް ނުގެންދެވޭނެ ކަމަށް މަޖިލީހުގެ އަމީންއާއްމު، ނިއުޝާ ނިންމަވައިފައި ވަނީ މަޖިލިސް ގަވާއިދުގެ 205 ވަނަ މާއްދާގެ (ބ) އަށް ހަވާލާދީފަ އެވެ.

ނަމަވެސް ރިޔާސަތު ބެލެހެއްޓޭނީ ހަމައެކަނި މަޖިލީހުގެ ނައިބު ރައީސަށް ކަމަށް ކަނޑައަޅާފައިވާތީ މިއަދުގެ ޖަލްސާ ކެންސަލް ކުރީ ގާނޫނު އަސާސީގެ 82 ވަނަ މާއްދާގެ ށ. އާއި ރައްޔިތުންގެ މަޖިލީހުގެ ގަވާއިދުގެ 44 ވަނަ މާއްދާއާ ހިލާފަށް ކަމަށް ކަނޑައަޅައިދިނުމަށް އެމްޑީޕީން ވަނީ ސުޕްރީމް ކޯޓަށް ދުސްތޫރީ މައްސަލައެއް ހުށަހަޅައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox