ނަޝީދުގެ މައްސަލަ ނުނިމި އޮތަސް މުއިއްޒު އަށް ހުވާކުރެއްވެން ޖެހޭނެ: ކުރީގެ އުއްތަމަ ފަނޑިޔާރު

Oct 27, 2023, 10:41 AM
ޑރ. އަހުމަދު އަބްދުﷲ ދީދީ (ކ) ޖޭއެސްސީގެ ޖަލްސާއެއްގައި ރައީސް ނަޝީދުގެ އަރިހުގައި. --ފޮޓޯ: އަވަސް އޮންލައިން

ޑރ. އަހުމަދު އަބްދުﷲ ދީދީ (ކ) ޖޭއެސްސީގެ ޖަލްސާއެއްގައި ރައީސް ނަޝީދުގެ އަރިހުގައި. --ފޮޓޯ: އަވަސް އޮންލައިން

ރައްޔިތުންގެ މަޖިލީހުގެ ރައީސްގެ އިތުބާރު ނެތް ކަމަށް ހުށަހަޅާފައިވާ ގަރާރާ މެދު ގޮތެއް ނުނިންމައި، މަޖިލީހަށް ހުށަހަޅާފައިވާ އެހެން އެއްވެސް ކަމެއް ކުރިއަށް ނުގެންދެވޭނެ ކަމަށާއި ނަމަވެސް، ކޮންމެ ސަބަބަކާ ހުރެ ވިޔަސް އެ މައްސަލަ ނުނިމި އޮތުމަކީ ރައީސުލްޖުމްހޫރިއްޔާ ހުވާކުރަން ބާއްވާ މަޖިލިސް ޖަލްސާ ކުރިއަށް ގެންދަން އޮތް ހުރަހެއް ނޫން ކަމަށް ކުރީގެ އުއްތަމަ ފަނޑިޔާރު އަދި މަޖިލީހުގެ ކުރީގެ ކައުންސުލް ޖެނެރަލް ޑރ. އަހުމަދު އަބްދުﷲ ދީދީ ވިދާޅުވެއްޖެ އެވެ.

މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމަށް މެޖޯރިޓީ ޕާޓީ އެމްޑީޕީން ވަނީ ހުށަހަޅައިފަ އެވެ. އެ މައްސަލަ އާދީއްތަ ދުވަހަށް ވަނީ އެޖެންޑާކޮށްފަ އެވެ. ނަމަވެސް އެމްޑީޕީން ވަނީ މި މައްސަލަ ނަޝީދު ކުރިއަށް ނުގެންދަވާފާނެ ކަމުގެ ބިރު އޮތް ކަމަށް ބުނެފަ އެވެ.

އެމްޑީޕީގެ ޕާލިމެންޓަރީ ގްރޫޕުގެ ރައީސް މުހައްމަދު އަސްލަމް މިދިޔަ ހަފުތާގައި ވިދާޅުވީ ނަޝީދުގެ މައްސަލަ ނުނިންމައި، ކުރާ އެއްވެސް ކަމަކަށް އެއްބާރުލުން ނުދޭނެ ކަމަށާއި، ނަޝީދުގެ ރިޔާސަތުގައި އިންތިހާބީ ރައީސް ޑރ. މުހައްމަދު މުއިއްޒު ހުވާކުރައްވައިފި ނަމަ، އެ ހުވަޔާ މެދު ވެސް ގާނޫނީ ގޮތުން ސުވާލު އުފައްދާނެ ކަމަށެވެ.

Advertisement

މި ކަމުގައި މުއިއްޒު ނިސްބަތްވެވަޑައިގަންނަވާ ޕީޕީއެމް/ ޕީއެންސީގެ މެމްބަރުން ބުނަނީ އެމްޑީޕީ އާއި ނަޝީދާ ދެމެދު އޮތް މައްސަލައެއްގެ ތެރެއަށް މުއިއްޒު ވެއްދެވުމުގެ ފުރުސަތު ނުދޭނެ ކަމަށާއި، އިތުބާރު ނެތްކަމުގެ މައްސަލަ ކޮންމެ ގޮތަކަށް ކުރިއަށް ދިޔަޔަސް އާ ރައީސަށް ހުވާކުރެއްވެން ޖެހޭނެ ކަމަށެވެ.

މަޖިލީހަށް ގާނޫނީ ކަންކަމުގައި ލަފާދެއްވާ މުޝީރުގެ މަގާމު ކުރިން ފުރުއްވި އަހުމަދު އަބްދުﷲ ދީދީ، މިކަމުގައި ކުރެއްވި ދިގު ޓްވީޓެއްގައި ވިދާޅުވީ މަޖިލީހުގެ ރައީސް މަގާމުން ވަކިކުރުމުގެ ގަރާރު މަޖިލީހުގެ ޖަލްސާއަށް ހުށަހެޅުމަށް ފަހު، އެއާ މެދު ގޮތެއް ނިންމުމުގެ ކުރިން، މަޖިލީހަށް ހުށަހެޅިފައިވާ އެހެން އެއްވެސް ކަމަކާމެދު ގޮތެއް ނިންމުމަކީ އެ މަޖިލީހުގެ ގަވާއިދުގެ 205 ވަނަ މާއްދާގެ ތަންދޭ ކަމެއް ނޫން ކަމަށެވެ.

"(އެހެންކަމުން) ގާނޫނުއަސާސީގެ 129 ވަނަ މާއްދާގެ (ނ) އާއި (ރ) ގެ ދަށުން ހުށަހެޅޭ ކަންތައްތަކާ ގުޅިގެން ވެސް މަޖިލީހަށް ގޮތެއް ނިންމޭނީ ހުށަހެޅިފައިވާ މަޖިލީހުގެ ރައީސް މަގާމުން ވަކިކުރުމުގެ މައްސަލައާ މެދު ގޮތެއް ނިންމުމަށް ފަހުގަ އެވެ،" އެމަނިކުފާނު ލިޔުއްވި އެވެ.

"އެހެންކަމުން، މިހާރު މަޖިލީހަށް ހުށަހެޅިފައިވާ މަޖިލީހުގެ ރައީސް މަގާމުން ވަކިކުރުމުގެ މައްސަލައާ މެދު ވީހާވެސް އަވަހަށް ގޮތެއް ނިމިގެންދިއުމަކީ ދިވެހިރާއްޖޭގެ ދުސްތޫރީ ނިޒާމު އަމާންކަމާއި އޮމާންކަމާއެކު ހިންގުމަށް ކޮންމެހެން ޒަރޫރަތްތެރި ކަމެއްކަމުގައި ދެކެމެވެ."

އަހުމަދު އަބްދުﷲ ދީދީ ލިޔުއްވި ގޮތުގައި، ހަމައެއާ އެކު ގާނޫނުއަސާސީގެ 114 ވަނަ މާއްދާއާ އެއްގޮތްވާގޮތުގެ މަތިން ރައީސުލްޖުމްހޫރިއްޔާގެ މަގާމު ހުވާކުރުމަށް ބާއްވާ މަޖިލީހުގެ ޖަލްސާޔަކީ އެ މަޖިލީހުގެ ހިންގުމުގެ ގަވާއިދާ އެއްގޮތަށް ސައްހަ އިޖުރާއާތުގެ ދަށުން ބާއްވާ ޖަލްސާޔަކަށް ވެސް ވާނެ ކަމަށެވެ. އަދި، އެ ޖަލްސާޔަށާއި، ޖަލްސާގެ އިޖުރާއާތަށް ހުރަސްއެޅުމުގެ ބާރު އެއްވެސް ފަރާތަކަށް ލިބިގެންނުވާ ކަމަށް ވެސް އެމަނިކުފާނު ލިޔުއްވި އެވެ.

ހަމައެއާ އެކު މަޖިލީހުގެ ރައީސް މަގާމުން ވަކިކުރުމަށް ފާސްކުރުމަކީ މަޖިލީހުގެ މެންބަރުންނަށް ލިބިގެންވާ ދުސްތޫރީ ބާރެއްކަމުގައި ވާއިރު، އެކަމަށް ހުރަސްއެޅުމުގެ ގާނޫނީ ހައިސިއްޔަތެއް އެއްވެސް ފަރާތަކަށް ލިބިގެން ނުވާ ކަމަށް ވެސް އެމަނިކުފާނު ދެކެވަޑައިގަންނަވަ އެވެ.

ނަމަވެސް، އަހުމަދު އަބްދުﷲ ދީދީ ލިޔުއްވި ގޮތުގައި ރައްޔިތުންގެ މަޖިލީހުގައި މިހާރު ތާވަލުކުރެވިފައިވާ، އެ މަޖިލީހުގެ ރައީސް މަގާމުން ވަކިކުރުމުގެ މައްސަލަ ކޮންމެ ސަބަބަކާހުރެ ނަމަވެސް، ނުނިމި އޮތުމަކީ ނޮވެމްބަރު 17 ގައި، ރާއްޖޭގެ ޖުމްހޫރިއްޔާގެ ރައީސްކަމަށް އިންތިހާބުކުރެވިފައިވާ ރައީސް މަގާމުގެ ހުވާކުރުމަށް ބާއްވާ މަޖލީހުގެ ޖަލްސާ، ގާނޫނުއަސާސީ އާއި ގާނޫނީ ގަވާއިދުތަކާ އެއްގޮތްވާގޮތުގެ މަތިން ބޭއްވުމަށް އޮތް ހުރަހެއް ނޫނެވެ.

ނަޝީދުގެ އިތުބާރު ނެތްކަމުގެ މައްސަލައާ މެދު ގޮތެއް ނިންމަން އާދީއްތަ ދުވަހު ބާއްވާ ޖަލްސާގައި އެމަނިކުފާނަށް ރިޔާސަތު ނުބެލެހެއްޓެވޭނެ އެވެ. ނައިބް ރައީސް އީވާ އަބްދުﷲ ބަލިވެ އުޅުއްވާތީ އޭނާ އަށް ވެސް އެ ޒިންމާ އަދާކުރެއްވޭނެ ކަމެއް ކަށަވަރެއް ނޫނެވެ. އާއްމު ހާލަތުގައި ނަމަ ރައީސާއި ނައިބް ރައީސް ނެތިއްޖެ ނަމަ ރިޔާސަތު ބަލަހައްޓަވާނީ މަޖިލީހުގެ އެންމެ ސީނިއާ މެމްބަރެވެ. ނަމަވެސް މި ހާލަތުގައި އެ މެމްބަރަކަށް ރިޔާސަތު ބެލެހެއްޓިދާނެ ކަމާ މެދު އެއް ބަޔަކު ގާނޫނީ ސުވާލު އުފައްދަ އެވެ.

މީގެ ކުރިން ނަޝީދުގެ އިތުބާރު ނެތްކަމުގެ މައްސަލަ ހުށަހެޅުމުން އެ މައްސަލަ ކުރިއަށް ނުގެންދިޔައީ އޭރު އީވާގެ މައްސަލަ ވެސް ހުށަހަޅާފައި އޮތުމުން، އެ ދެ ބޭފުޅުން ވެސް ރިޔާސަތު ބަލަހައްޓަވަން އުޒުރުވެރިވެވަޑައިގަތުމުންނެވެ.

ފަހުން އެމްޑީޕީން ވަނީ ރިޔާސީ އިންތިހާބުގެ ދެ ވަނަ ބުރުގައި ނަޝީދުގެ ތާއީދު ހޯއްދެވުމަށްޓަކައި އެ މައްސަލަ އަނބުރާ ގެންގޮސްފަ އެވެ. މައްސަލަ އަލުން ލީ އިންތިހާބަށް ފަހު އެވެ.

އެމްޑީޕީގެ ޓިކެޓުގައި ރާއްޖޭގެ ރައީސްކަން ކުރެއްވި އެ ޕާޓީގެ ކުރީގެ ޗެއާޕާސަން ނަޝީދު އެމްޑީޕީން ވަކިވެވަޑައިގަތީ ރިޔާސީ ޕްރައިމަރީން ނާކާމިޔާބުވެވަޑައިގަތުމުން އުފެދުނު ހިތްހަމަޖެހުމުގެ ތެރޭގައި އާ ޕާޓީއެއް އުފެއްދެވުމަށް ފަހު އެވެ. އެއާ އެކު އެމްޑީޕީގެ މެމްބަރުން ވަނީ ފާޅުގައި ނަޝީދާ ދެކޮޅަށް ނުކުމެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox