އިންޑިއާ ސިފައިންނާ ގުޅޭ ގޮތުން ނަޝީދު ވާހަކަ ދެއްކެވީ މުއިއްޒުއާ މަޝްވަރާ ކުރުމެއްނެތި: ފިރުޒުލް

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަދި އިންތިހާބީ ރައީސް ޑރ. މުހައްމަދު މުއިއްޒު : އިންޑިއާ ސިފައިންނާ ގުޅޭގޮތުން ނަޝީދު ވާހަކަދެއްކެވީ މުއިއްޒުއާ މަޝްވަރާ ކުރުމެއްނެތި ކަމަށް ފިރުޒުލް ވިދާޅުވެއްޖެ - ފޮޓޯ: މަޖިލިސް އިދާރާ

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަދި އިންތިހާބީ ރައީސް ޑރ. މުހައްމަދު މުއިއްޒު : އިންޑިއާ ސިފައިންނާ ގުޅޭގޮތުން ނަޝީދު ވާހަކަދެއްކެވީ މުއިއްޒުއާ މަޝްވަރާ ކުރުމެއްނެތި ކަމަށް ފިރުޒުލް ވިދާޅުވެއްޖެ - ފޮޓޯ: މަޖިލިސް އިދާރާ

އިންޑިއާގެ ދަ ހިންދޫ ނޫހަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ދެއްވި ހާއްސަ އިންޓަވިއުއެއްގައި ރާއްޖޭގައި އިންޑިއާ ސިފައިން ތިބުމަށް އިންތިހާބީ ރައީސް ޑރ. މުހައްމަދު މުއިއްޒު ތާއީދކުރައްވާނެކަން ދޭހަވާ ފަދައިން ވާހަކަދެއްކެވީ މުއިއްޒުއާ މަޝްވަރާކުރުމެއްނެތި ކަމަށް އެމަނިކުފާނުގެ އިންތިގާލީ ތަރުޖުމާނު މުހައްމަދު ފިރުޒުލް ވިދާޅުވެއްޖެ އެވެ.

އިންތިގާލީ ތަރުޖަމާނު މިއަދު ބޭއްވި ނޫސްވެރިންގެ ބައްދަލުވުން ފަށްޓަވަމުން ވިދާޅުވީ، ނަޝީދުގެ އެ އިންޓަވިއުގައި އިންތިހާބީ ރައީސާ ހަވާލާ ދެއްވާ އިންޑިއާ ސިފައިންގެ 75 މީހަކު ރާއްޖޭގައި ތިބުމަށް ޑރ. މުއިއްޒު ރުހިވަޑައިގަންނަވާނެ ކަމަށް ވިދާޅުވެފައިވާތީ އެކަމަށް ޖަވާބެއް ދޭން ބޭނުންވާ ކަމަށެވެ.

"އެ ވާހަކަފުޅަކީ އެއްވެސް ހާލެއްގަ އިންތިހާބީ ރައީސާ މަޝްވަރާ ކުރެވިގެން ދެކެވިފައިވާ ވާހަކަތަކެއް ނޫން، އިންތިހާބީ ރައީސްގެ އިންޑިއާ އަދި ކީއްކުރަން އެއްވެސް ގައުމެއްގެ ސިފައިން އެންމެ ބޫޓު ޖޯޑެއްވެސް ދިވެހި ފަސްގަނޑުގައި ހުރުމަށް ދުވަހަކުވެސް ނުރުހެވޭނެއޭ" ފިރުޒުލް ވިދާޅުވި އެވެ.

Advertisement

އަދި، އެއީ ދިވެހިންގެ ނިންމުން ކަމަށާއި އެ ނިންމުމާ ފުށު އަރާގޮތަށް ނަޝީދު ދައްކަވާފައިވާ ވާހަކަތަކާމެދު ހިތާމަކުރާ ކަމަށްވެސް ވިދާޅުވި އެވެ.

ދަހިންދޫ ނޫހަށް ދެއްވި އިންޓަވިއުގައި ނަޝީދު ވިދާޅުވެފައިވަނީ، އިންޑިއާ އެކު ހެދިފައިވާ އެއްބަސްވުންތައް މުއިއްޒު ބަދަލުކުރައްވަން ޖެހޭ ސަބަބެއް ނެތް ކަމަށާއި ރައްޔިތުން ރައީސް އިބްރާހިމް މުހައްމަދު ސޯލިހާ ދެމެދު ހިތްހަމަ ނުޖެހުނީ އެ އެއްބަސްވުންތައް ސިއްރުކުރުމުން ކަމަށެވެ.

ނަޝީދު ވަނީ އިންތިހާބީ ރައީސް ހުވާކުރައްވާ ރަސްމިއްޔާތަށް އިންޑިއާގެ ބޮޑު ވަޒީރު ނަރެންދުރަ މޯދީއަށް ދައުވަތު ދޭނެ ކަމަށްވެސް އެ އިންޓަވިއުގައި ނަޝީދު ވިދާޅުވި އެވެ. އެއާއެކު މުއިއްޒުގެ ޓީމުން ވަނީ ހުވާކުރެއްވުމުގެ ރަސްމިއްޔާތަށް އަވަށްޓެރި ހުރިހާ ގައުމެއްގެ ވެރިންނަށްވެސް ދައުވަތުދޭނެ ކަމަށް ބުނެފަ އެވެ.

ރިޔާސީ ކެމްޕޭނުގައިވެސް އިދިކޮޅު ލީޑަޝިޕުން އަދި އިންތިހާބީ ރައީސް ވެސް އެންމެ އަޑުހަރުކޮށް ދެއްކެވި ވާހަކައަކީ ރާއްޖެއިން އިންޑިއާ ސިފައިން ބާލާނެ ވާހަކަ އެވެ. އިންތިހާބަށްފަހު، ފުރަތަމަ ބޭއްވި ރަސްމިއްޔާތުގައިވެސް މުއިއްޒު ވިދާޅުވީ އިންތިހާބުގެ ނަތީޖާއިން ދިވެހި ރައްޔިތުން ބައިނަލްއަގުވާމީ މުޖުތަމައަށް ދިން މެސެޖަކީ ގައުމުގެ އަމިއްލަވަންތަކަން ހިފެހެއްޓުމަށް ބޭރުގެ ސިފައިން ރާއްޖޭގައި ތިބެން ދިވެހިން ބޭނުންނުވާކަން ކަމަށެވެ.

"އަޅުގަނޑުމެންގެ އިހުސާސްތަކާ ދެކޮޅަށް، އަޅުގަނޑުމެންގެ ވިލްއާ ދެކޮޅަށް ބޭރުގެ ސިފައިންނަކަށް ނުތިބެވޭނެ، ރައްޔިތުން މި ވަނީ ތިބެން ބޭނުން ނުވާ ކަން ބުނެފައި،" މި ވަގުތު މާލޭގެ މޭޔަރަކަށް ވެސް ހުންނެވި މުއިއްޒު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox