މުއިއްޒަށް ރިޔާސީ ނިޒާމުގައި ވެރިކަން ކުރުމުގެ ފުރުސަތު ދީ، ނިޒާމުގެ ވޯޓު މަޑުޖައްސާލަން އެއްބަސްވެއްޖެ

ނަޝީދު އަދި އިންތިހާބީ ރައީސް މަޖިލީހުގައި: ނިޒާމުގެ މައްސަލަ ފަހުން ކުރުން މައްސަލައެއް ނެތް ކަމަށް މުއިއްޒާ ހަވާލާދީ ނަޝީދު ވިދާޅުވި -- ފޮޓޯ: މަޖިލިސް

ނަޝީދު އަދި އިންތިހާބީ ރައީސް މަޖިލީހުގައި: ނިޒާމުގެ މައްސަލަ ފަހުން ކުރުން މައްސަލައެއް ނެތް ކަމަށް މުއިއްޒާ ހަވާލާދީ ނަޝީދު ވިދާޅުވި -- ފޮޓޯ: މަޖިލިސް

އިންތިހާބީ ރައީސް ޑރ. މުހައްމަދު މުއިއްޒުގެ ވެރިކަން ރިޔާސީ ނިޒާމެއްގައި ފަށައި، އެ ނިޒާމުގެ ތެރެއިން ވެރިކަން ކުރުމުގެ ފުރުސަތު ދޭން ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި އެމަނިކުފާނުގެ ދަ ޑިމޮކްރެޓްސް ޕާޓީން އެއްބަސްވެ، މިއަދުގެ އެޖެންޑާއިން ނިޒާމުގެ މައްސަލަ ނަގައިފި އެވެ.

ރައްޔިތުންގެ މަޖިލީހުގެ މިއަދުގެ ޖަލްސާ ފެށްޓެވުމަށްފަހު ނަޝީދު ވިދާޅުވީ އިއްޔެ އިންތިހާބީ ރައީސް މުއިއްޒާއެކު މަޖިލީހުގައި ބައްދަލު ކުރެއްވިއިރު، ނިޒާމުގެ ވޯޓުގެ ކަންކަން މަޑު ޖައްސާލައްވާނެ ކަމަށް ދަންނަވާފައިވާނެ ކަމަށެވެ.

"ވެރިކަމުގެ ނިޒާމު ބަދަލު ކުރުމާ ގުޅޭ ގޮތުން ވޯޓެއް ނަގާފައި. އަދި އެ މަސައްކަތް މަޖިލީހުގައި އެބަ ދެޔޭ. އެހެންނަމަވެސް މިހާރު އަޅުގަނޑު ވެސް އެ ވޯޓަށް އެދުނު ޑިމޮކްރެޓްސް ޕާޓީގެ މެމްބަރުން ވެސް އެދެނީ އެ މަސައްކަތް މިވަގުތު ނުކުރުމަށޭ. ޑިމޮކްރެޓިކް ޕާޓިން އެދެނީ ޑރ. މުއިއްޒުގެ ސަރުކާރު އެކުލަވާލެވި، އެ ސަރުކާރުން ރިޔާސީ ނިޒާމުގައި މަސައްކަތްތައް ކުރިއަށް ގެންދިޔުމަށޭ،" ނަޝީދު ވިދާޅުވި އެވެ.

ނިޒާމީ ވޯޓުގެ ކަންކަން މަޑުޖައްސާލުމަށް ނިންމެވި ނަމަވެސް އެ މަސައްކަތް ފަހުން ކުރުމަށް ވާހަކަ ދެކެވުނު ކަމަށާއި އެކަމަށް ޑރ. މުއިއްޒު ވެސް ތާއީދު ކުރައްވާ ކަމަށް ނަޝީދު ވިދާޅުވި އެވެ.

"އެހެން ނަމަވެސް އަޅުގަނޑު ދެންނެވިން ނިޒާމީ ވާހަކަ ސިޔާސީ މަސްރަހުން އަދި ދިވެހި މުޖްތަމައުގެ ތެރެއިން ފިލައެއް ނުދެޔޭ. އެހެންވީމާ މިކަމާ ގުޅޭ ގޮތުން މަސައްކަތް ކުރެއްވުމަށް އަޅުގަނޑު އެދެނީ. އެދުނީމާ ވިދާޅުވި އިން ޑިއު ކޯސް ވީ ކޭން ސާކަލް ބެކް ޓު އިޓް އެންޑް އާސްކް ދަ ޕަބްލިކް،" ނަޝީދު ވިދާޅުވި އެވެ.

މިއަދުގެ ޖަލްސާގައި ނަޝީދު އެދިވަޑައިގެންނެވީ ރިޔާސީ ނިޒާމެއްގައި ޑރ. މުއިއްޒަށް ވެރިކަން ކުރުމުގެ ފުރުސަތު ފަހިކޮށްދިނުމަށެވެ.

"އަޅުގަނޑު އިއްޒަތްތެރި މެމްބަރުން ކައިރިން އެދެނީ މި ރިޔާސީ ދައުރު ރީތިކޮށް ފެށުމަށާއި ޑރ. މުއިއްޒަށް ރިޔާސީ ނިޒާމުގައި ރައީސްކަން ރީތިކޮށް ކުރުމުގެ ފުރުސަތު އަޅުގަނޑުމެން އެންމެން ވެސް ފަހިކޮށްދިނުމުގެ ގޮތުންނާއެކުގައި އެބޭފުޅާއަށް މި ޖާގަ އެރުވުން،" އެމަނިކުފާނު ވިދާޅުވި އެވެ.

އޭގެ އިތުރުން، ޑރ. މުއިއްޒުގެ ވެރިކަން ފެށުމުގެ ގޮތުން ރައްޔިތުންގެ މަޖިލީހުން ކުރަންޖެހޭ މަސައްކަތް ފުރިހަމައަށްކޮށްދެއްވާނެކަމުގެ ޔަގީންކަން އިންތިހާބީ ރައީސްއަށް އިއްޔެ އަރުވާފައިވާނެ ކަމަށް ވެސް ނަޝީދު ވިދާޅުވި އެވެ.

"ހުވާ ކުރުމާއި ސަރުކާރު ފަށައިގަތުމަށް ކުރަންޖެހޭ ކަންކަން މި މަޖިލީހުގެ ތަރުތީބުގެ ތެރެއިން އެއްބާރުލުން ދޭނެ ކަމަށް،" ނަޝީދު ވިދާޅުވި އެވެ.

ޑިމޮކްރެޓްސްއިން ހުށަހެޅި ބިލުގައި ވަނީ އޮކްޓޯބަރު 30، ގެ ކުރިން ނިޒާމާ ގުޅޭ ގޮތުން ރައްޔިތުންގެ ފެންނަ ނުފެންނަ ވޯޓަކަށް ދިޔުމަށެވެ. ނަމަވެސް އެ މުއްދަތުގެ ތެރޭގައި އެފަދަ ވޯޓެއް ނުނެގޭނެ ކަމަށް އިލެކްޝަންސް ކޮމިޝަނުން ވެސް ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox