ނަޝީދުގެ މެސެޖު އަޅުގަނޑަށް ވެސް ލިބުނު، ވަކި މީހަކު ޕާޓީގައި ހުރުން މުހިންމެއް ނޫން: ރައީސް ސޯލިހު

ރައީސް ސޯލިހު ވިދަޅުވީ އެމްޑީޕީއާ ގުޅެން ބޭނުންވާ މީހުން އެކަން ކުރަންޖެހޭ ވަކި އުސޫލެއް އޮންނަ ކަމަށާއި ވަކި މީހަކު ގެނައުމަށް މަސައްކަތް ކުރުމަކީ މުހިންމު ކަމެއް ނޫން ކަމަށް -- ފޮޓޯ: ރައީސް އޮފީސް

ރައީސް ސޯލިހު ވިދަޅުވީ އެމްޑީޕީއާ ގުޅެން ބޭނުންވާ މީހުން އެކަން ކުރަންޖެހޭ ވަކި އުސޫލެއް އޮންނަ ކަމަށާއި ވަކި މީހަކު ގެނައުމަށް މަސައްކަތް ކުރުމަކީ މުހިންމު ކަމެއް ނޫން ކަމަށް -- ފޮޓޯ: ރައީސް އޮފީސް

އެމްޑީޕީގެ ގައުމީ މަޖިލީހުގެ އަގުލަބިއްޔަތުން އަލުން އެމަނިކުފާނު ޕާޓީއާ ގުޅިވަޑައިގަތުމަށް އެދެފި ނަމަ އަލުން އެ ޕާޓީއަށް ސޮއި ކުރައްވާނެ ކަމަށް ވިދާޅުވެ ރައްޔިތުންގެ މަޖިލީހުގެ ރައީސް މުހައްމަދު ނަޝީދު މެސެޖެއް ކުރެއްވި ކަމަށާއި ނަމަވެސް ވަކި މީހަކު ޕާޓީގައި ހުރުމާއި ނުހުރުމަކީ މާ މުހިންމު ކަމެއްގެ ގޮތުގައި ދެކިވަޑައިނުގަންނަވާ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

ރައީސް ސޯލިހު އެހެން ވިދާޅުވީ ނަޝީދު އެނބުރި އެމްޑީޕީއާ ގުޅިވަޑައިގަތުމާ ގުޅޭގޮތުން މިއަދު އޮތް ނޫސްވެރިންގެ ބައްދަލުވުމުގައި ނޫސްވެރިޔަކު ކުރި ސުވާލަކަށް ޖަވާބުދެއްވަމުންނެވެ. މި ވަގުތު ނަޝީދު ހުންނެވީ އެމްޑީޕީގެ ޕްރައިމަރީއަށްފަހު އެމަނިކުފާނު އުފެއްދެވި ދަ ޑިމޮކްރެޓްސްގެ މެމްބަރެއްގެ ގޮތުގަ އެވެ.

"އަޅުގަނޑަށް ވެސް އެބައޮތް މެސެޖު ކުރައްވާފައި. ތިމަންނަ މިހުރީ [އެމްޑީޕީއާ ގުޅެން] ތައްޔާރަށޭ،" ނަޝީދު އެމްޑީޕީއާ ގުޅުމާ ގުޅޭގޮތުން ވަރަށް ގިނަ ސުވާލު އަމާޒުވަމުންދާ ކަން ފާހަގަކުރައްވަމުން ރައީސް ވިދާޅުވި އެވެ. "އަޅުގަނޑަށް ކޮންމެހެން މާ މުހިންމެއް ނޫން ވަކި މީހަކު ޕާޓީގައި ހުރުމާއި ނުހުރުން، ޕާޓީއަކީ އެއަށްވުރެ މާވަރުގަދަކޮށް އޮތް ޕާޓީއެއް."

Advertisement

އެމްޑީޕީގެ ތާރީހުގައި ވެސް ވަކި މީހަކު ޕާޓީން ވަކިވެގެން ގޮސްގެން ނުވަތަ އެނބުރި ޕާޓީއަށް އައިސްގެން ވީ މޮޅެއް، ފައިދާއެއް ނެތް ކަމަށް ރައީސް ސޯލިހު ވިދާޅުވި އެވެ. އެމްޑީޕީއަކީ އެއަށްވުރެ މާ ފުރިހަމަ ހަމަތަކެއްގެ މަތީގައި ހިންގަމުން އަންނަ ޕާޓީއެއްކަން ރައީސް ފާހަގަ ކުރެއްވި އެވެ.

އަޅުގަނޑު ނެތަސް ޕާޓީ ހިނގާނެ، އެކަން އޮންނާނީ އެހެން، އެބައޮތް އޭގައި އުސޫލުތަކެއް،" ރައީސް ވިދާޅުވި އެވެ.

އޭގެ އިތުރުން ރައީސް ސޯލިހު ވިދާޅުވީ އެމްޑީޕީއަށް ވަކި މީހަކު ގެނައުމަށް މަސައްކަތް ކުރުމަކީ މާ މުހިންމު ކަމެއްގެ ގޮތުގައި ދެކިވަޑައިނުގަންނަވާ ކަމަށާއި އެ ޕާޓީއާ ގުޅުމަށް ބޭނުންވާ މީހުން އެކަން ކުރާނެ އުސޫލެއް އޮންނަ ކަމަށެވެ.

"އެމްޑިޕީއަށް މީހުން ވަނުމުގައި ކަންކުރަންވާ ގޮތުގެ އުސޫލު އެބައޮތް، އެއީ ކޮންމެހެން ވަކި ގުނަނެއްގެ ވަކި ވަރެއްގެ ތާއީދު އޮވެގެން ކުރާ ކަމެއް ނޫން، އަދި ޕާޓީއަށް ވަންނަން ބޭނުންވެގެން އެދިވަޑައިގަންނަވާ ބޭފުޅެއްގެ ފޯމު ފުރުއްވާފައި ފޮނުއްވީމާ ޕާތީ އެތެރޭގައި އޮންނަ އުސޫލުތަކުގެ ތެރެއިން އެއީ އަޅުގަނޑުމެންގެ ޕާޓީއަށް ވައްދަން ފެންނަ ބޭފުޅެއް ކަމަށް އެ ގުނަނަށް ފެނިއްޖެކަމަށް ވަންޏާ، އެ އޮންނަ އުސޫލުގެ ތެރެއިން އެކަން ކުރިއަށް ދާނެ،" އެމަނިކުފާނު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox