އައިފޯން 15 ގައި ޓައިޓޭނިއަމް އަދި ޔޫއެސްބީ-ސީ

އައިފޯން 15 ގައި ޓައިޓޭނިއަމް އަދި ޔޫއެސްބީ-ސީ

އެޕަލްގެ އާ ފޯނު, އައިފޯން 15 އާ އެކު އެތައް އާ ޕްރޮޑަކްޓްތަކެއް އެޕަލް އިވެންޓްގައި ދައްކާލައިފި އެވެ.

އެޕަލްގެ އެންމެ ބޮޑު އިވެންޓް ރޭގައި ބާއްވާފައިވާ އިރު، މި އިވެންޓްގައި އެންމެ ފަހުގެ އައިފޯންގެ އިތުރުން އެހެން ޕްރޮޑަކްޓްތައް އަދި ކުރިއަށް ހުރި ކަންކަމާއި ގުޅޭ ގިނަ އަޕްޑޭޓްތަކެއް ވަނީ ހާމަކޮށްފަ އެވެ.

އެގޮތުން އައިފޯން 15 ގެ ހަތަރު މޮޑެލްއަކާއި އެޕަލް ވޮޗް ސީރީޒް 9 ގެ އިތުރުން ޑިޖިޓަލް ބައެއް އެސެޓްތަކާއި ގުޅޭ އާ މައުލޫމާތުތައް ވެސް ވަނީ ހިއްސާކޮށްފަ އެވެ.

Advertisement

އައިފޯން

އެހެން އަހަރުތަކެކޭ އެއްގޮތަށް މިއަހަރުވެސް އެންމެ ގިނަ ބަޔަކު އިންތިޒާރުކުރަމުން ދިޔައީ، އެޕަލްގެ އެންމެ މަގުބޫލު ޕްރޮޑަކްޓް ކަމަށްވާ އައިފޯންގެ އާ ސީރީޒް އަށެވެ. އައިފޯން 15 ގައި އެންމެ ބޮޑު ބަދަލަކަށް އައިސްފައިވަނީ ޒަމާނުއްސުރެ އެޕަލް އިން ބޭނުންކުރަމުން އައި ލައިޓްނިން ކޭބަލްގެ ބަދަލުގައި ޔޫއެސްބީ-ސީގެ ޕޯޓުތައް އައުމުވެ.

އައިފޯން 14 ގައި ތައާރަފު ކުރެވުނު ޑައިނަމިކް އައިލެންޑް އައިފޯން 15 ގައި ވެސް ހިމެނުމުގެ އިތުރުން ބައެއް ފީޗާތައް ވަނީ އިތުރުކޮށްފަ އެވެ. މިއަހަރުގެ ސީރީޒްގައި ހަތަރު މޮޑެލްއެއް ހިމެނެ އެވެ. އެއީ އައިފޯން 15، އައިފޯން 15 ޕްލަސް، އައިފޯން 15 ޕްރޯ އަދި އައިފޯން 15 ޕްރޯމެކްސް އެވެ.

އައިފޯން 15 އަދި އައިފޯން 15 ޕްލަސް

އައިފޯން 15 އަދި އައިފޯން ޕްލަސްގައި ރެޓީނާ އެކްސްޑީއާރު ޑިސްޕްލޭއަކާއި ވަރުގަދަ އޭ16 ބަޔޮނިކް ޗިޕް ހިމެނެ އެވެ. އައިފޯން 15 ގައި 6.1 އިންޗީގެ ޑިސްޕްލޭއަކާއި 20 ގަޑިއިރުގެ ވީޑިއޯ ޕްލޭބެކް ހިމެނޭއިރު، އައިފޯން 15 ޕްލަސްގައި ހިމެނެނީ 6.7 އިންޗީގެ ޑިސްޕްލޭއަކާއި 26 ގަޑިއިރުގެ ވީޑިއޯ ޕްލޭބެކެވެ. މީގެ އިތުރުން އަލިގަދަ ކުލަތަކާއި، ޒަމާނީ ކެމެރާ ސިސްޓަމްތަކާއި، ކަނެކްޓިވިޓީ އިތުރުކޮށްފައިވެއެވެ. މި މޮޑެލްގެ ފާހަގަކޮށްލެވޭ ބައެއް ކަންތައްތަކަކީ:

  • 48 މެގަޕިކްސެލްގެ ކެމެރާ، އޮޓޯ ޕޯޓްރެއިޓް މޯޑް، އަދި ފޯކޭ ވީޑިއޯ ރެކޯޑިން
  • 4x އޮޕްޓިކަލް ޒޫމް
  • ލޮކޭޝަން ޝެއަރިން އިތުރަށް ރަނގަޅުކުރުން
  • ވޮއިސް އައިސޮލޭޝަން އަދި ސޭފްޓީ ފީޗާސް

އައިފޯން 15 ގެ ފެށޭ އަގަކީ 799 ޑޮލަރު އަދި އައިފޯން 15 ޕްލަސްގެ ފެށޭ އަގަކީ 899 ޑޮލަރެވެ.

އައިފޯން 15 ޕްރޯ އަދި ޕްރޯ މެކްސް

އެޕަލްއިން ބުނާ ގޮތުގައި އައިފޯން 15 ޕްރޯ އަކީ "މިހާތަނަށް އުފެއްދި އެންމެ ޕްރޯ އައިފޯން" އެވެ. އެއީ ޓައިޓެނިއަމް ފިނިޝް އާއި ގޭމިން އޮރިއެންޓެޑް ސޮފްޓްވެއާ އާއި އެޕަލްގެ މުޅިން އާ އޭ17 ޕްރޯ ޗިޕް ފަދަ އާ ފީޗާތަކުގެ ސަބަބުންނެވެ. މި މޮޑެލްގެ ފާހަގަކޮށްލެވޭ އިތުރު ބައެއް ކަންކަމަށް ބަލާލާ އިރު:

  • ސިކްސް ކޯ ޖީޕީޔޫ ހިމެނޭ އޭ17 ޕްރޯ ޗިޕް
  • ސައިލެންޓް ބަޓަންގެ ބަދަލުގައި ކަސްޓަމައިޒެބަލް އެކްޝަން ބަޓަނެއް
  • ޕްރޯ ކެމެރާ ސިސްޓަމް: މެއިން 48 މެގަ ޕިކްސެލް، އަލްޓްރާ ވައިޑް، ޓެލް ފޮޓޯ
  • 10x އޮޕްޓިކަލް ޒޫމް
  • ޔޫއެސްބީ 3.0 ބޭނުންކޮށްގެން 10 ޖީބީ ޕާ ސެކަންޑް ގެ ޑޭޓާ ޓްރާންސްފާ

އައިފޯން 15 ޕްރޯ ގެ ފެށޭ އަގަކީ 999 ޑޮލަރު އަދި އައިފޯން 15 ޕްރޯ މެކްސްގެ ފެށޭ އަގަކީ 1199 ޑޮލަރެވެ.

އެޕަލް ވޮޗް ސީރީޒް 9

އެޕަލް އިން ތައާރަފްކުރި އެޕަލް ވޮޗް ސީރީޒް 9 ގައި މުޅިން އައު އެސް9 ޗިޕް ހިމެނޭއިރު، ސްޕީޑް 60 ޕަސެންޓު އިތުރުވެ، 30 ޕަސެންޓު އަވަސް ޖީޕީޔޫއެއް ހިމެނެ އެވެ. ސީރީޒް 9 ގެ ފާހަގަކޮށްލެވޭ ފީޗާތަކުގެ ތެރޭގައި ހިމެނެނީ:

  • ޑިކްޓޭޝަން 25 ޕަސެންޓު ރަނގަޅުވުން
  • ސިރީ ހެލްތު ޑޭޓާ އެކްސެސް، އިންފޯ ޝެއަ ކުރުމަށް ނޭމް ޑްރޮޕް، އަދި ކޮންޓްރޯލް ކުރުމަށް ޑަބަލް ޓެޕް ފަދަ އާ ފަންކްޝަންތައް
  • އައިފޯނަށް ޕިންގް ކުރުމުގެ ގާބިލުކަން
  • ދެގުނަ އަލިކަން
  • އެޕަލްގެ ފުރަތަމަ ކާބަން ނިއުޓްރަލް އުފެއްދުން

އެޕަލް ވޮޗް ސީރީޒް 9 ގެ ފެށޭ އަގަކީ 399 ޑޮލަރެވެ.

އެޕަލް ވޮޗް އަލްޓްރާ 2

ސީރީޒް 9 ގެ އިތުރުން އެޕަލް އިން ވަނީ މިދިޔަ އަހަރުގެ އެޕަލް ވޮޗް އަލްޓްރާ އަށް ވެސް އަޕްޑޭޓެއް އިއުލާންކޮށްފަ އެވެ. އަދި އަލްޓްރާ 2 ގައި އެސް9 ޗިޕް، ޑަބަލް ޓެޕް ފަންކްޝަނަލިޓީ، އޮން ޑިވައިސް ސިރީ، އަދި އައިފޯން ހޯދުމަށް ޕްރެސިޝަން ފައިންޑިން ވެސް ހިމެނެ އެވެ. އެހެނިހެން ފީޗާތަކުގެ ތެރޭގައި ހިމެނެނީ:

  • އެޑްވާންސްޑް ޑިސްޕްލޭ އާކިޓެކްޗާ
  • ކަސްޓަމައިޒް ކުރެވޭ ވޮޗް ފޭސް އާއި އެކު މޮޑިއުލާ އަލްޓްރާ
  • ކަސްރަތު ޑޭޓާ އެއްކުރުމަށް ބޭނުންކުރާ ޕަވަ ޒޯންތައް
  • ވޯޓަރ ޑައިވް ލޮގިން

އެޕަލް ވޮޗް އަލްޓްރާ 2 ގެ ފެށޭ އަގަކީ 799 ޑޮލަރެވެ.

އެއާޕޮޑްސް ޕްރޯ 2

އެއާޕޮޑްސް ޕްރޯ 2 އަށް ވެސް ޔޫއެސްބީ-ސީ ކަނެކްޓަ ސަޕޯޓް ކުރާއިރު، ސެޕްޓެމްބަރު 22 އިން ފެށިގެން 249 ޑޮލަރަށް ލިބެން ހުންނާނެ އެވެ. މީގެ އިތުރުން ޔޫއެސްބީ-ސީގެ ވަޔަޑް އިއާޕޮޑްސް 19 ޑޮލަރަށް ގަނެވޭނެ އެވެ.

އައިއޯއެސް 17

އެޕަލްގެ އެންމެ ފަހުގެ އޮޕަރޭޓިން ސިސްޓަމް އައިއޯއެސް 17 ހިލޭ ސޮފްޓްވެއާ އަޕްޑޭޓެއްގެ ގޮތުގައި މިމަހުގެ 18 ވަނަ ދުވަހުން ފެށިގެން ލިބެން ހުންނާނެ ކަން އެޕަލް އިން ރޭ ވަނީ ހާމަކޮށްފަ އެވެ. އެންމެ ފަހުގެ އައިފޯންތަކަށް އަޕްގްރޭޑް ނުކުރާ ޔޫޒަރުންނަށް ވެސް މި އަޕްޑޭޓް ލިބޭނެ އެވެ.

ކޮމެންޓް

ފަހުގެ ޚަބަރު

އައިފޯން ޑުއޯގެ ސްކްރީނަށް މައްސަލަ ދިމާވާ ނަމަ ބަދަލުކޮށްދޭނެ

އެޕަލްގެ ފުރަތަމަ ފަތްޖަހާލެވޭ ފޯނު "އައިފޯން ޑުއޯ" ގެ ސްކްރީނަށް ދިމާވި މައްސަލަތަކާ ގުޅިގެން، އެ ފޯނުތައް ބަދަލުކޮށްދޭން އެ ކުންފުނިން ނިންމައިފިއެވެ. ބާޒާރަށް ނެރުނުތާ މަދު ދުވަސްކޮޅެއްގެ ތެރޭގައި ސްކްރީނުގައި ރޮނގު އެޅުމާއި ރެނދުލުން ފަދަ މައްސަލަތައް ފާހަގަވެފައިވާއިރު، މި މައްސަލަ ދިމާވި ކަސްޓަމަރުން ފޯނު ބަދަލުކުރުމަށް އެޕަލްއާ ގުޅުމަށް ވަނީ އިލްތިމާސްކޮށްފައެވެ.

ސެކިއުރިޓީ ރިސްކާ ހެދި ބޮޑެތި ވެބްސައިޓްތައް އޮފްލައިންކޮށްފި

ދުނިޔޭގެ ބޮޑެތި އިދާރާތަކާއި ސަރުކާރުތަކުގެ ވެބްސައިޓްތައް ވަގުތީ ގޮތުން އޮފްލައިންކުރީ އޭއައިއިން ދެނެގަތް ޕީއެޗްޕީ ޕްރޮގްރާމިން ލެންގުއޭޖުން ފާހަގަވި ނުރައްކާތެރި ސެކިއުރިޓީ މައްސަލަތަކަކާ ގުޅިގެން މި މައްސަލަ ހައްލުކުރުމަށް ސެކިއުރިޓީ އަޕްޑޭޓްތައް ވަނީ ނެރެފަ.

ޖާސޫސްކުރި މީހާއަށް ސައުދީ ސަރުކާރުގެ އެހީތެރިކަން ލިބޭ

އޯޕަންއޭއައިގެ މީޓިން ރޫމެއްގައި ސިއްރުން އަޑު ރެކޯޑުކުރާ ޑިވައިސްއެއް ހަރުކުރި ކަމުގެ ތުހުމަތުގައި ހައްޔަރުކުރި ސައުދީ އިންޖިނިއަރަކަށް، އެ ގައުމުގެ ސަރުކާރުގެ އެހީތެރިކަން ލިބޭކަން އެމެރިކާގެ ކޯޓު ލިޔުންތަކުން ހާމަވެއްޖެއެވެ. މި އަމަލަކީ އެމެރިކާގެ ގައުމީ ސަލާމަތަށް އޮތް ނުރައްކަލެއް ކަމަށް ބަލައި، ޝަރީއަތް ނިމެންދެން އޭނާ ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.

ދިރާގުގެ ގޭމިން ކޮންކުއެސްޓް ނޮވެމްބަރު 26 ގައި

ދިރާގު މޯލްޑިވްސް ގޭމިން ކޮންކުއެސްޓް 2026، އަންނަ ނޮވެމްބަރު 26 އިން 28 އަށް ކަލާފާނު ސްކޫލުގައި ބޭއްވުމަށް ވަނީ ނިންމާފައެވެ. ޖުމްލަ 150,000 ރުފިޔާގެ އިނާމު ހުށަހަޅާފައިވާ މި އިވެންޓުގައި މޯބައިލް، ޕީސީ އަދި ކޮންސޯލްގެ އެކި މުބާރާތްތަކުގެ އިތުރުން މުނިފޫހިފިލުވުމުގެ ތަފާތު ގޭމްތައް ތަޖުރިބާކޮށްލުމުގެ ފުރުސަތު ހިލޭ ލިބޭނެއެވެ.

މާސްގެ ހަނދުން ސާމްޕަލް ނެގުމުގެ މިޝަނަށް ޖަޕާން ތައްޔާރު

މާސްގެ ހަނދެއް ކަމަށްވާ "ފޯބޯސް" އިން ސާމްޕަލް ނެގުމަށް ޖަޕާނުން ކުރިއަށްގެންދާ ދުނިޔޭގެ ފުރަތަމަ މިޝަން ފެށުމަށް އެ ގައުމުން ވަނީ ތައްޔާރުވެފައެވެ. ފަސް އަހަރުގެ މި ދިރާސާގެ ސަބަބުން މާސްގެ ހަނދުތައް އުފެދުނު ގޮތާއި އިރުގެ ނިޒާމުގައި ދިރުން އުފެދުނު ގޮތުގެ މުހިންމު މައުލޫމާތުތަކެއް ލިބިގެންދާނެއެވެ. މީގެ އިތުރުން، މި މިޝަންގެ ސަބަބުން ކުރިމަގުގައި މާސްއަށް ކުރާ އިންސާނީ ދަތުރުތަކުގައި އެ ހަނދު ބޭސްއެއްގެ ގޮތުގައި ބޭނުންކުރުމަށް މަގުފަހިވެގެންދާނެއެވެ.

ޓެސްލާގެ އިންގިލާބީ އީޖާދު: އުދުހޭ ކާރު 'ރޯޑްސްޓާ' ދައްކާލައިފި

ޓެސްލާ އާއި ސްޕޭސް އެކްސް ގުޅިގެން އުފެއްދި، ވައިގެ ޕްރެޝަރު ބޭނުންކޮށްގެން އުދުހުމުގެ ގާބިލުކަން ލިބިފައިވާ "ރޯޑްސްޓާ" ކާރުގެ ނަމޫނާ ދައްކާލައިފިއެވެ. މި އިންގިލާބީ އުޅަނދު އާންމުކޮށް އުފައްދަން ފަށާނީ 2028 ވަނަ އަހަރު ކަމަށް އީލޮން މަސްކް ހާމަކޮށްފައިވާއިރު، މިއީ ދަތުރުފަތުރުގެ ދާއިރާއަށް އަންނާނެ ބޮޑު ބަދަލެއް ކަމަށް ބެލެވެއެވެ.

ސިއްރުން ރެކޯޑިން ޑިވައިސްއެއް ހަރުކުރި ސައުދީ މީހަކަށް ދައުވާ

އޯޕަންއޭއައިގެ އޮފީހެއްގައި ސިއްރުން ރެކޯޑިން ޑިވައިސްއެއް ހަރުކުރި ކަމުގެ ތުހުމަތުގައި އެ ކުންފުނީގެ ކުރީގެ އިންޖިނިއަރެއް ކަމަށްވާ ސައުދީ ރައްޔިތެއްގެ މައްޗަށް އެމެރިކާގައި ދައުވާ އުފުލައިފިއެވެ. ކުންފުނީގެ އޭއައި މޮޑެލްތައް ބޭނުންކޮށްގެން މި އަމަލު ހިންގި މީހާ ދެނެގަނެފައިވާއިރު، މި ހާދިސާގައި ކުންފުނީގެ އެއްވެސް މުހިންމު މައުލޫމާތެއް ވަގަށް ނަގާފައިވާކަމުގެ ހެއްކެއް ފެނިފައެއް ނުވެއެވެ.

Newsletter

Get the latest news delivered straight to your inbox