ރިޔާސީ ބަހުސް: ހާރިޖީ ސިޔާސަތާމެދު ރައީސް ސޯލިހާއި މުއިއްޒުގެ ޖަވާބު

އެމްޑީޕީގެ ކެންޑިޑޭޓު ރައީސް އިބްރާހިމް މުހައްމަދު ސޯލިހު އަދި ޕީއެންސީގެ ކެންޑިޑޭޓު ޑރ. މުހައްމަދު މުއިއްޒު - ފޮޓޯ: އަބްދުﷲ އިޔާން / އަދަދު

އެމްޑީޕީގެ ކެންޑިޑޭޓު ރައީސް އިބްރާހިމް މުހައްމަދު ސޯލިހު އަދި ޕީއެންސީގެ ކެންޑިޑޭޓު ޑރ. މުހައްމަދު މުއިއްޒު - ފޮޓޯ: އަބްދުﷲ އިޔާން / އަދަދު

އެންމެ ބޮޑު ސިޔާސީ ދެ ޕާޓީގެ މެދުގައި ހާރިޖީ ސިޔާސަތުގައި ފަރަގުތަކެއް އޮތްއިރު، ވެރިކަން ލިބިވަޑައިގެންފި ނަަމަ ޗައިނާއާއި އިންޑިއާ އާއެކު އޮންނާނެ ސިޔާސީ ގުޅުމާމެދު، އެމްޑީޕީގެ ކެންޑިޑޭޓު ރައީސް އިބްރާހިމް މުހައްމަދު ސޯލިހު އަދި ޕީއެންސީގެ ކެންޑިޑޭޓު ޑރ. މުހައްމަދު މުއިއްޒު މިރޭގެ ރިޔާސީ ބަހުސްގައި ޖަވާބު ދެއްވައިފި އެވެ.

އިދިކޮޅު މައި ކޯލިޝަންގެ ކެންޑިޑޭޓު މުއިއްޒު ވިދާޅުވީ އެ މަނިކުފާނުގެ ވެރިކަމެއްގައި ގެންގުޅުއްވާނީ ދިވެހިން އިސްކުރާ ސިޔާސަތު ކަމަށެވެ. ދިވެހިންގެ 'ގޯތީގެ އިންފާރު' ގެ ތެރެއަށް ނުވަންނަ ކަމުގައިވާ ނަމަ ކޮންމެ ގައުމަކާ އެކުވެސް ގާތް ގުޅުން ބާއްވަވާނެ ކަަމަށްވެސް އޭނާ ވިދާޅުވި އެވެ.

"މިހާރު މި ފެންނަނީ މިދެންނެވި އިން، އަޅުގަނޑު ދެންމެ މިދެންނެވި އިމުގެ ތެރެއަށް ވަދެފަ އޮތް ތަން. އެހެންވީމަ އެކަން ބަދަލުވާންޖެހޭ، އަޅުގަނޑުމެންނަކީ މިނިވަން މުސްތަގިއްލު ގައުމެއް، އަޅުގަނޑުމެންގެ މިނިވަންކަމާއި އަޅުގަނޑުމެންގެ އަމިއްލަވަންތަކަމަށް ކޮންމެ ގައުމަކުންވެސް ޖެހޭނެ އިހުތިރާމުކުރަން،"މުއިއްޒު ވިދާޅުވި އެވެ.

އިންޑިއާގެ ނަން އެއްވެސް ގޮތަކަށް ވިދާޅުނުވެ މުއިއްޒު ވަނީ ރާއްޖޭގެ އެތެރޭގެ ކަންކަމާ ބަސްނުބުނެ، އަމިއްލަވަންތަކަށް އިހުތިރާމުކުރާ ގައުމަކާއެކުވެސް ގާތް ގުޅުމެއް ބާއްވާނެ ކަމުގެ ޔަގީންކަން ދެއްވައިފި އެވެ.

ނަމަވެސް، ރައީސް ސޯލިހުގެ ހާރިޖީ ގުޅުމާމެދު ދެއްވީ ސީދާ ޖަވާބުތަކެކެވެ. އެގޮތުން އެމަނިކުފާނުގެ ސިޔާސަތަކީ 'އިންޑިއާ ފަސްޓު އަދި ވަން ޗައިނާ' ކަމަށް ވިދާޅުވެފަ އެވެ. ނަމަވެސް، "ހެނދުނު ފުރައްސާރަކޮށް ހަވީރު ފިރުމާ ގޮތަށް އޮތް ސިޔާސަތެއް ނޫން" ކަމަށް ރައީސް ވިދާޅުވި އެވެ. އެ މަނިކުފާނުގެ ބަހުގެ ހަމަލާ އެ އިޝާރާތް ކުރެއްވީ މުއިއްޒު އަށް ނުވަތަ ޕީޕީއެމްގެ ހާރިޖީ ސިޔާސަތަށެވެ.

ރައީސް ސޯލިހު ފާހަގަ ކުރެއްވި ގޮތުގައި ޗައިނާއާއެކު މި ސަރުކާރުން ގާތް ގުޅުމެއް ބާއްވަމުން ގެންދެ އެވެ. އަދި ކުރީގެ ރައީސް އަބްދުﷲ ޔާމީންގެ ސަރުކާރަށް ފަހު ޗައިނާއާއެކު އޮތް ގުޅުން ކުޑަ ކަމަށް ބުނާ ބުނުން ރައީސް ވަނީ ދޮގުކުރައްވާފަ އެވެ.

"ޗައިނާއާ އެކީގަ އޮތް ގުޅުން ވަރަށް ރަނގަޅު، މިހާރު ވެސް ބައިވަރު އެހީތައް ޗައިނާގެ ފަރާތުން އެބަ ލިބޭ، މިހާރު އައްޑޫގައި އަޅުގަނޑުމެން ހިންގަން މިއުޅޭ ޓޫރިޒަމް ޕްރޮޖެކްޓަކީ ޗައިނާގެ ކުންފުންޏަކުން ހިންގާ ޕްރޮޖެކްޓެއް،" ރައީސް ވިދާޅުވި އެވެ.

ތިލަމާލެ ބުރިޖުގެ މަޝްރޫއު އިންޑިއާގެ ކުންފުންޏަކާ ހަވާލުކުރީ އެ މަޝްރޫއަކީ އެގްޒިމް ފައިނޭންސްގެ ދަށުން ހިންގާ ޕްރޮޖެކްޓެއް ކަމަށްވުމުން، އެފަދަ ފައިނޭންސްގެ ދަށުން ހިންގާ މަޝްރޫއުތައް ފައިނޭންސް ކުރާ ގައުމުގެ ކުންފުންޏަކަށް ދޭން އޮންނާތީ ކަމަށް ވެސް އެ މަނިކުފާނު ވިދާޅުވި އެވެ.

މި ސަރުކާރުން ހާރިޖީ ގޮތުން ހޯދި ކާމިޔާބީތައްވެސް ރައީސް ސޯލިހު ވަނީ ފާހަގަކުރައްވާފަ އެވެ. އެގޮތުން، 180 އަށްވުރެ ގިނަ ގައުމާއެކު ހާރިޖީ ގުޅުން ގާއިމުކުރުމާއި ވިސާއާ ނުލާ 80 ގައުމަށް ތަދުރުކުރެވޭ ގޮތް ހެދުމާއި އަރަބި ގައުމުތަކާއި ކޮމެންވެލްތާއެކު ޔާމީނުގެ ސަރުކާރުން ކަނޑާލި ގުޅުން އަލުން ގާއިމުކުރިކަން ރައީސް ވަނީ ފާހަގަކުރައްވާފަ އެވެ.

ރައީސް އާއި މުއިއްޒުގެ ޖަވާބުތަކަށްފަހު، ޖޭޕީގެ ކެންޑިޑޭޓު ގާސިމް އިބްރާހިމް، ޑިމޮކްރެޓުންގެ ކެންޑިޑޭޓު އިލްޔާސް ލަބީބު އަދި އަމިއްލަ ގޮތުން ވާދަކުރައްވާ ކެންޑިޑޭޓު އުމަރު ނަސީރު ވަނީ މި ސަރުކާރުން އިންޑިއާއެކު ބާއްވާ ހާރިޖީ ގާތް ގުޅުމަށް ވަރަށް ބޮޑަށް ފާޑުވިދާޅުވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox