ޕާކިސްތާނުގެ ހުޅަނގު އުތުރުގައި ކޭބަލް ކާރެއްގެ ތެރޭގައި ތާށިވި ބަޔަކު ސަލާމަތް ކުރަން ބޮޑު އޮޕަރޭޝަނެއް ލޯންޗުކޮށްފި އެވެ.
އަންގާރަ ދުވަހުގެ ރެޔާ ހަމައަށް ފަސް ކުދިން ސަލާމަތް ކުރެވުނު ކަމަށް ރިޕޯޓުތައް ބުނެ އެވެ. ފުރަތަމަ ކުއްޖާ ސަލާމަތް ކުރީ އަސްކަރީ ހެލިކޮޕްޓަަރެއްގެ އެހީގަ އެވެ.
ބާކީ ހަތަރު ކުދިން ސަލާމަތް ކުރީ ރޭގަނޑުވި ފަހުން، ހަރަކާތްތެރިވި ރެސްކިއު ޓީމުތަކުންނެވެ. އިތުރު ތިން މީހުން އަދިވެސް އޭގައި ތާށިވެފައި އެބަ ތިއްބެވެ.
ބިމުގެ 900 ފޫޓު މަތިން ކޭބަލް ކާރު ހުއްޓުނީ އޭގެ ދެ ކޭބަލްގެ ތެރެއިން އެއް ކޭބަލް ބުރިވެގެންނެވެ. އެކަން ހިނގީ އަންގާރަ ދުވަހުގެ ހެނދުނެވެ.
ކޭބަލް ކާރުގައި ތިބީ އެ ސަރަހައްދުގެ ސްކޫލަކަށް ދަތުރު ކުރަމުން ދިޔަ ގްރޫޕެކެވެ. ރޭގަނޑު އަނދިރިވުމުން ހެލިކޮޕްޓަރު ދުއްވުން މެދުކަނޑާލި ނަމަވެސް، ބިމުގައި ތިބި ޓީމުތަކުން ޒިޕްލައިންގެ އެހީގައި އޮޕަރޭޝަން ކުރިއަށް ގެންދިޔަ އެވެ.
ރޭގަނޑު އޮޕަރޭޝަން މެދުކަނޑާލަން ޖެހިއްޖެ ނަމަ، ފަތިސްވެ އަލިވުމާ އެކު ހެލިކޮޕްޓަރުގެ އެހީގައި އަލުން މަސައްކަތް ފަށާނެ ކަމަށް އޮފިޝަލުން ބުންޏެވެ.
