ރައީސް، މުއިއްޒުއަށް: "ދުނިޔޭގެ އިގްތިސޯދު އެންމެ ރަނގަޅު އިރު ކަންކަން ނުވި ބަޔަކަށް ދެންވެސް ނުވާނެ"

ރައީސް ސޯލިހު ރިޔާސީ ކެމްޕޭނުގައި ބ. ގޮއިދުއަށް ފައިބާ ވަޑައިގަންނަވަނީ -- ފޮޓޯ: އެމްޑީޕީ ކެމްޕޭން ޓީމް

ރައީސް ސޯލިހު ރިޔާސީ ކެމްޕޭނުގައި ބ. ގޮއިދުއަށް ފައިބާ ވަޑައިގަންނަވަނީ -- ފޮޓޯ: އެމްޑީޕީ ކެމްޕޭން ޓީމް

ދުނިޔޭގެ އިގުތިސޯދު އެންމެ ރަނގަޅު ދުވަސްވަރު ރައްޔިތުންނަށް ކަންކަން ކޮށް ނުދެވުނު ބަޔަކަށް ދެން ވެސް ނުވާނެ ކަމަށް ވިދާޅުވެ ރައީސް އިބްރާހިމް މުހައްމަދު ސޯލިހުގެ ބަހުގެ ހަމަލާތައް ޕީއެންސީގެ ކެންޑިޑޭޓް ޑރ. މުހައްމަދު މުއިއްޒަށް އަމާޒުކުރައްވައިފި އެވެ.

ރާއްޖޭގެ ހުރިހާ ރަށެއްގައި އަސާސީ ހިދުމަތްތައް ގާއިމުކޮށްދެއްވުމަށް މުއިއްޒު ވެވަޑައިގެންނެވި ވައުދަށް ފާޑު ވިދާޅުވެ ރައީސް ވަނީ މީގެ ކުރިން އެކަން ނުކުރެއްވީ ކީއްވެގެންތޯ ސުވާލު ކުރައްވާފަ އެވެ.

"ހުރިހާ ރަށެއްގައި އަސާސީ ހިދުމަތް ތިމަންނަމެން ދޭނަމެ. ބަލަ މިއޮތް ހުރިހާ ދުވަހު ނުކުރީ ކީއްވެތޯ. ދުނިޔޭގެ އިގްތިސޯދު އެންމެ ރަނގަޅު ދުވަސްތައް އެއީ," ރައީސް ވިދާޅުވި އެވެ.

ރައީސް ވިދާޅުވި ގޮތުގައި 2013 އިން 2018 އަކީ ދުނިޔޭގެ ބާޒާރުގައި ތެލުގެ އަގު އެންމެ ދަށްވި ދުވަސްވަރެވެ. އޭރު ތެޔޮ ފީފާއެއްގެ އަގު 48 ޑޮލަރަށް ހުރި ނަމަވެސް, ކޮވިޑާއި ޔޫކްރެއިން ހަނގުރާމަ ފެށުމާއެކު ތެޔޮ ފީފާއެއްގެ އަގު 140-152 ޑޮލަރަށް އަރައިގެން ދިޔަ އެވެ.

އެމަނިކުފާނު ވިދާޅުވީ, ދުނިޔޭގެ އިގްތިސޯދު ރަނގަޅުވި ދުވަސްވަރު ރައްޔިތުންނަށް ކަންކަން ކޮށްނުދެވުނު ބަޔަކު މިއަދު ނިކުމެ ކަންކަން ކޮށްދޭނެ ކަމަށް ބުންޏަސް ގަބޫލު ނުކުރެވޭނެ ކަމަށެވެ.

"އެ ފަސޭހައިގެ ތެރޭގައި ނުކުރެވުނު ބަޔަކަށް މިއަދު ވެރިކަމަށް އައިސް ތިމަންނަމެން ކުރާނަމޭ ބުނީމަކާ ގަބޫލެއް ނުކުރެވޭނެ. ވާނެ ކަމެއް ނޫން އެއީކީއެއް އިނގޭތޯ," މުއިއްޒު ވެވަޑައިގަންނަވާ ވައުދުތަކަކީ, އޮއްޓަރެއްހުރި, ހަގީގަތެއް ނޫންކަން ފާހަގަކުރައްވާ ރައީސް ވިދާޅުވި އެވެ.

ބ. ގޮއިދޫ ބަނދަރު ޖަލްސާގައި ރައީސް, މުއިއްޒަށް ފާޑު ވިދާޅުވި އިރު, އެ އަތޮޅު ފެހެންދުއަށް ވަޑައިގެން ވެސް ރައީސް ވަނީ މުއިއްޒުއާއި, މުއިއްޒުގެ ސިޔާސަތަށް ފާޑުވިދާޅުވެފަ އެވެ.

ރައީސް ވިދާޅުވަމުން ގެންދަވާ ގޮތުގައި މިއަހަރުގެ ރިޔާސީ އިންތިހާބުގައި އެމްޑީޕީއާ ކިރިޔާވެސް ވާދަކުރެވޭ ބަޔަކަށް ތިބީ ޕީއެންސީ އެވެ. މިއަދު ގޮއިދޫގައި ރައީސް ވިދާޅުވި ގޮތުގައި ދެން ރިޔާސީ އިންތިހާބަށް ނިކުމެ ތިބި ކެންޑިޑޭޓުން ތެރޭގައި ސިޔާސީ މަސްރަހުން ފަހަތަށް ދަމުން ދަމުން ގޮސް މުޅިން ނިމުމަކާ ހަމައަކަށް ގޮސް ތިބި މީހުން ވެސް ހިމެނޭ ކަމަށެވެ.

ރިޔާސީ އިންތިހާބުގެ ކެމްޕޭނުގައި ބ އަތޮޅަށް ކުރައްވަމުން ގެންދަވާ ދަތުރުފުޅުގައި ގޮއިދުއަށް ވަޑައިގެން އެމަނިކުފާނު ވަނީ އެރަށަށް ކޮށްދެއްވާނެ ކަންކަމުގެ ލިސްޓެއް ވިދާޅުވެ ދެއްވާފަ އެވެ.

ވައުދުތައް:

  • އިންޖީނުގެ މީހުން ނޫޅޭ ސަރަހައްދުން ބަދަލުކޮށް, ރަނގަޅު ފެންވަރުގެ ކަރަންޓު ފޯރުކޮށްދިނުން.
  • ބަނދަރު ބޮޑުކޮށް, ޒަމާނީ ފެންވަރަށް ތަރައްގީކުރުން
  • ވަސީލަތްތަކާއެކު ސްޕޯޓްސް ކޮމްޕްލެކްސްއެއް ގާއިމްކޮށްދިނުން
  • ގޮއިފުޅަފެހެންދޫ ހުރިހާ ރަށަކަސް ސިއްހީ ހިދުމަތް ފޯރުކޮށްދިނުމަށް ގޮއިދޫ ސިއްހީ މަރުކަޒު ހޮސްޕިޓަލަކަށް ބަދަލުކުރުން

މި ވައުދުތަކުގެ އިތުރަށް ރައީސް ވަނީ ގޮއިފުޅަފެހެންދޫ ފަޅުގައި ރިސޯޓެއް ތަރައްގީ ކުރުމަށް އާންމު ފަރާތްތަކަށް ހުޅުވާލުމަށް ވެސް ވައުދުވެވަޑައިގެންފަ އެވެ. ރައީސް ވިދާޅުވި ގޮތުގައި އެ މަޝްރޫއާއެކު, އެ ސަރަހައްދުގެ އިގްތިސޯދަށް ބޮޑު ބަދަލެއް އަންނާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox