މުއިއްޒަކީ "ޕީއެންސީ-ސަލަފް" ކެންޑިޑޭޓު، މެނިފެސްޓޯއެއް ނެތް: މާރިޔާ

އެމްޑީޕީގެ ރިޔާސީ ކެންޑިޑޭޓުގެ އިބްރާހިމް މުހައްމަދު ސޯލިހުގެ ކެމްޕޭނު ތަރުޖަމާނު، އަދި ޑިފެންސް މިނިސްޓަރު މާރިޔާ އަހުމަދު ދީދީ

އެމްޑީޕީގެ ރިޔާސީ ކެންޑިޑޭޓުގެ އިބްރާހިމް މުހައްމަދު ސޯލިހުގެ ކެމްޕޭނު ތަރުޖަމާނު، އަދި ޑިފެންސް މިނިސްޓަރު މާރިޔާ އަހުމަދު ދީދީ

އަންނަ ސެޕްޓެމްބަރު 9 ގައި ބާއްވާ ރިޔާސީ އިންތިހާބަށް އިދިކޮޅު ކޯލިޝަނުގެ ކެންޑިޑޭޓުގެ ގޮތުގައި ކުރިމަތިލެއްވި ޑރ. މުހައްމަދު މުއިއްޒުގެ މެނިފެސްޓޯއެއް ނެތްް ކަމަށް ވިދާޅުވެ އެމްޑީޕީގެ ރިޔާސީ ކެންޑިޑޭޓުގެ ތަރުޖަމާނު މާރިޔާ އަހްމަދު ދީދީ ވަރަށް ބޮޑަށް ފާޑުވިދާޅުވެއްޖެ އެވެ.

މިއަދު ބޭއްވި ނޫސްވެރިންގެ ބައްދަލުވުމެއްގައި މާރިޔާ ވަނީ މުއިއްޒުއަކީ ޕީޕީއެމްގެ އިތުރުން ޖަމިއްޔަތުލް ސަލަފްގެ ކެންޑިޑޭޓުގެ ގޮތުގައި ސިފަކޮށްފަ އެވެ. މާރިޔާ މުއިއްޒުގެ ނަން ގެންނެވީ "ޕީއެންސީ-ސަލަފް" ކެންޑިޑޭޓު ކަމަށް ވިދާޅުވެ އެވެ. އަދި, އެގޮތަށް ސިފަކުރެއްވި ގޮތުގެ ތަފްސީލަށް ވަޑައިގެންނެވި އެވެ.

"ސަލަފްގެ ހުރިހާ ބޭފުޅުން, ފަހަރަކު ބޭފުޅެއް ވަޑައިގަންނަވަނީ މުއިއްޒުއަށް ތާއީދު ކުރައްވަމުން. އެ ބޭފުޅުން ތާއީދު ކުރައްވައި އެންޑޯޒް ކުރައްވާ ކެންޑިޑޭޓަކީ މުއިއްޒު ކަމަށް ވިދާޅުވަމުން," މާރިޔާ ވިދާޅުވި އެވެ.

ސަލަފް ޖަމިއްޔާގެ ނިވަލުގައި ސިޔާސީ ހަރަކާތް ހިންގާ ކަމަށް ބުނެ އެމްޑީޕީއާ އެހެނިހެން ބައެއް ޕާޓީތަކުގެ ފާޑުކިޔުން ވެސް ޖަމިއްޔާއަށް އަމާޒުވެ އެވެ. 2018 ގެ ރިޔާސީ އިންތިހާބުގައި ސަލަފުން އެންޑޯޒް ކުރީ އޭރުގެ ރައީސް އަދި ޕީޕީއެމްގެ ރިޔާާސީ ކެންޑިޑޭޓު އަބްދުالله ޔާމީނެވެ. ސަލަފްގެ ބައެއް އިސްވެރިން ޑރ. މުއިއްޒު އެންޑޯޒް ކުރައްވާފައިވާއިރު ރަސްމީކޮށް އެ ޖަމިއްޔާއިން ވެސް އެ ސްޓޭންޑް ހާމަކުރާނެ ކަމަށް ބެލެވެ އެވެ.

"މުއިއްޒުގެ މެނިފެސްޓޯއެއް ނެތް"

"އެއޮށް ހުރިހާ ދުވަހު ޕީއެންސީ-ސަލަފްގެ ކެންޑިޑޭޓު ހުންނެވީ ޕީޕީއެމްގެ ޑެޕިއުޓީ ލީޑަރަކަށް. ޕީޕީއެމް މި އިންތިހާބަކު ބައިވެރި ނުވޭ. އެ ރުކެއް ނެތޭ ކަރުދާސްކޮޅަކު. ނަމަވެސް, ފެނިގެން މި ދަނީ އެ ބޭފުޅާ ކުއްލިއަކަށް ހުންނަވާފައި އެތަނުގެ ކެންޑިޑެސީ ހޯއްދަވައިގެން ނުކުންނެވިއިރު ވިސްނާވަޑައިގެންފައި ނެތް ކިހިނެއްކަން ކަންކަން ކުރައްވާނީއެއް. މެނިފެސްޓޯއެއް ހިސާބު ޖައްސަވާފައި ކަންކަން ކުރާނެ ގޮތެއް ނެތް ބައްލަވާފައި," މާރިޔާ މިއަދު ވިދާޅުވި އެވެ.

މަލްޓި ޕާޓީ ޑިމޮކްރަސީއަށް ވަކާލާތުކުރީ ވަކި މީހެއްގެ މޫނަށް ބަލާފައި ވޯޓު ދިނުމަކަށް ނޫން ކަމަށާއީ އެއީ ރައްޔިތުންނާ ހަމައަށް ހިސާބުތަކާ އެކު ކަންކަން ކުރާނެ ގޮތް ދައްކައިދިނުމަށް ގެނައި ނިޒާމެއް ކަމަށް މާރިޔާ ވިދާޅުވި އެވެ.

"ހިތު ހުރި އެއްޗެއް ކިޔަނީ. މިހާރު ކުރާ ކަންކަމުގެ ވާހަކަ ވެސް ދައްކަނީ. ކެމްޕޭން މި ގެންދަނީ ރައްޔިތުންނާ ވާހަކަ ދައްކައި, ވިސްނުމާއި ހިޔާލު ހޯދައި ރައްޔިތުން ބޭނުންވާ ކަންކަން ކޮށް, ރައްޔިތުންގެ ތެރެއިން މެނިފެސްޓޯއެއް ހިފައިން ރައީސް ސޯލިހު [ކެމްޕޭނަށް ވަޑައިގަންނަވަނީ]," މާރިޔާ ވިދާޅުވި އެވެ.

ޕީއެންސީގެ ރިޔާސީ ކެންޑިޑޭޓު މުހައްމަދު މުއިއްޒު އަދި ރަނިންމޭޓު ހުސައިން މުހައްމަދު ލަތީފު. -- ފޮޓޯ: މިރާޝް ނާޝިމް/ އަދަދު
ޕީއެންސީގެ ރިޔާސީ ކެންޑިޑޭޓު މުހައްމަދު މުއިއްޒު އަދި ރަނިންމޭޓު ހުސައިން މުހައްމަދު ލަތީފު. -- ފޮޓޯ: މިރާޝް ނާޝިމް/ އަދަދު

ޕީއެންސީގެ ރިޔާސީ ކެންޑިޑޭޓު މުހައްމަދު މުއިއްޒު އަދި ރަނިންމޭޓު ހުސައިން މުހައްމަދު ލަތީފު. -- ފޮޓޯ: މިރާޝް ނާޝިމް/ އަދަދު

އޭނާ ވިދާޅުވި ގޮތުގައި ކެމްޕޭން ކުރުމަކީ ޑިމޮކްރަޓިކް ޕްރޮސެސްއަށް މުހިންމު ކަމެއް ކަމަށާއި ކޮންމެ ކެންޑިޑޭޓަކަށް ވެސް މިނިވަންކަމާ އެކު ކެމްޕޭންކޮށް ރައްޔިތުންނާ ހަމައަށް އެ ބައެއްގެ އަޑު ފޯރުކޮށްދެވެން ޖެހޭ ކަމަށެވެ. އެއީ, ފަސް އަހަރުގެ ދައުރުގައި ރައްޔިތުންނަށް ކޮށްދޭނެ ކަންކަން އެ މީހުންނަށް ސާފުކޮށްދެވޭނެ ގޮތް ކަމަށް ވެސް ވިދާޅުވި އެވެ.

ނަމަވެސް, މުއިއްޒުގެ ކެމްޕޭނުގައި ދިރާސާތަކެއް ކޮށް ރައްޔިތުން ބޭނުންވާ ކަންކަން އޮޅުންފިލުވާފައި ނުވާ ކަމަށް ވިދާޅުވެ މާރިޔާ ބަހުގެ ހަމަލާތަކެއް އަމާޒު ކުރެއްވި އެވެ.

"އަޅުގަނޑުމެންނަށް ނުފެނޭ އިންތިޒާމުވެގެން ރައްޔިތުން ބޭނުންވެގެން އުޅެނީ ކޮންކަމެއްތޯ ބައްލަވާ އެހެން ކެންޑިޑޭޓުން ކެމްޕޭން ކުރައްވާ ތަނެއް..... ނެތޭ ބެއްލެވިފައެއް މޮޅަދޫ ރައްޔިތުން ބޭނުންވާ ކަމެއް. އެހެން އެ ވިދާޅުވިއިރު ބަނދަރު ނިމިއްޖެ," އިދިކޮޅު ކެންޑިޑޭޓު މުއިއްޒުއަށް ރައްދު ދެއްވަމުން މާރިޔާ ވިދާޅުވި އެވެ.

"އެއްވެސް ކަހަލަ ދިރާސާތަކެއް ނެތް. ހަމަ ތަނަކަށް އަރާފައި މިތަނަށް މިއެއްޗެހި ބޭނުމޭ ބަޔަކު ބުނާތީ އޭ ކިޔާފައި ނިމިގެންދާނީ,"

ކެމްޕޭން ކުރުމުގެ ފުރުސަތު ހުރިހާ ބޭފުޅުންނަށް ވެސް އޮންނާނެ ކަމަށާއި އެ އިންތިޒާމުތައް ގާނޫނު އަސާސީގައި ބަޔާންކޮށްފައިވާ ގޮތަށް ހަމަޖެހިފައިވާ ކަމަށް މާރިޔާ ފާހަގަކުރެއްވި އެވެ.

"ޕީއެންސީ-ސަލަފް ކެންޑިޑޭޓު މުއިއްޒު އަރާވަޑައިގަންވާއިރު އެ ކެންޑިޑޭޓަށް ހުރަސް އެޅުމަށް އެއްވެސް ބަޔަކު އެކަން ކުރާނަމަ ސިފައިންނާއި ފުލުހުންގެ އެހީތެރިކަން ލިބޭނެ. ކެންޑިޑޭޓު ޑިކްލެއާ ކުރި ދުވަހު ހުރިހާ ކެންޑިޑޭޓުންނާއި ރަނިން މޭޓުންނަށް ސެކިއުރިޓީ ދެވިފައި ވަނީ," މާރިޔާ ވިދާޅުވި އެވެ.

ރިޔާސީ ކެމްޕޭނުގެ ތެރެއިން ރައީސް ސޯލިހު ވަޑައިގަންނަވާ ބައެއް ރަށްރަށުގައި އިދިކޮޅު ފަރާތްތަކުން ގެންދަނީ އިހުތިޖާޖުކޮށް އަޑުއުފުލަމުންނެވެ. މާރިޔާ ވިދާޅުވި ގޮތުގައި އެއީ ފޮޓޯގަނޑެއް ނެގުމަށް އިދިކޮޅުން ކުރަމުންދާ ކަންކަމެވެ. އަދި, ކެމްޕޭނަށް ހުރަސް އަޅާ މީހުންނާ މެދު ވޯޓު ދޭއިރު ރައްޔިތުން ވިސްނައިވަޑައިގަތުމަށް އެދުނެވެ.

ރިޔާސީ އިންތިހާބު ކާމިޔާބުކުރަން މަދުވެގެން ވޯޓުލާ މީހުންގެ 50 ޕަސެންޓު އަދި އިތުރު އެއް ވޯޓު ހޯދަން ޖެހެ އެވެ. ފުރަތަމަ ބުރުގައި އެއްވެސް ކެންޑިޑޭޓަކަށް އެ ވަރަށް ވޯޓު ނުލިބޭނަމަ، އެންމެ ގިނަ ވޯޓު ލިބޭ ދެ ކެންޑިޑޭޓުންގެ މެދުގައި ދެވަނަ ބުރެއްގެ ވޯޓު ލުން ބާއްވަން ޖެހެ އެވެ. ރައީސް ސޯލިހު އަމާޒުކުރައްވަނީ އެއްބުރުން އިންތިހާބު ކާމިޔާބު ކުރުމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox