އުރީދޫގެ 18 ވަނަ އަހަރީ ދުވަހުގެ މުނާސަބަތުގައި ހާއްސަ އޮފާތަކެއް ތައާރަފުކޮށްފި އެވެ.
އުރީދޫގެ 18 ވަނަ އަހަރީ ދުވަސް ފާހަގަކުރުމުގެ ގޮތުން އިއްޔެ މީރުމާގައި ބޭއްވި ހާއްސަ ޕްރެސް ކޮންފަރެންސެއްގައި މި އޮފާތައް ތައާރަފްކޮށްދެއްވީ އެ ކުންފުނީގެ މެނޭޖިން ޑިރެކްޓަރު އަދި ސީއީއޯ ހާލިދު އަލް ހަމާދީ، ޗީފް ކޮމާޝަލް އޮފިސަރު ހުސައިން ނިޔާޒް އަދި ހެޑް އޮފް ބްރޭންޑް އެންޑް މާކޮމްސް ނޫރާ އިބްރާހިމް ޒާހިރު އެވެ.
ތްރޮޓްލް ނުވާ، އަންލިމިޓެޑް ސުޕަނެޓް ޕްލޭން
އިއްޔެ ތައާރަފް ކުރި އައު ފައިބާ ސުޕަނޭޓް ޕްލޭނަކީ ތްރޮޓްލް ނުވާ އަންލިމިޓެޑް ސުޕަނެޓް ޕްލޭންއެކެވެ. މުޅި މަހު 18 އެމްބީޕީއެސް ސްޕީޑާއެކު މެދުނުކެނޑި އިންޓަނެޓްގެ ހިދުމަތް ލިބޭއިރު މި ޕްލޭނަށް މަހަކު ދައްކަން ޖެހެނީ އެންމެ 599 ރުފިޔާ އެވެ.
އުރީދޫގެ އަހަރީ ދުވަހާ ގުޅުވައިގެން ތައާރަފްކުރެވުނު މި އައު ޕްލޭން ފަރުމާކޮށްފައި ވަނީ މެދުކެނޑުމެއްނެތި، އިންޓަނެޓް ބްރައުޒިކޮށް، ސްޓްރީމްކޮށް އަދި ގޭމުކުޅޭ ފަރާތްތަކަށްވެސް އެކަށޭނެހެންނެވެ. http://ore.do/supernetunlimited އިން މި ޕްލޭން އެކްޓިވޭޓްކޮށްލެވޭނެ އެވެ.
އެއްފަހަރާ ގިނަ މަސްތަކަށް އުރީދޫ ޕޯސްޓްޕެއިޑް ބިލް ދައްކައިގެން ބޮޑު ޑިސްކައުންޓެއް
މި އޮފާގެ ދަށުން އެއްފަހަރާ ގިނަ މަސްތަކަށް އުރީދޫ ޕޯސްޓްޕެއިޑް ބިލް ދައްކައިގެން ކޮންމެ މަހަކު ބިލް ދައްކަން ނުޖެހުމުގެ ލުއިފަސޭހައިގެ އިތުރުން ބޮޑެތި ޑިސްކައުންޓާއި ބޯނަސް ޑޭޓާ ކަސްޓަމަރުންނަށް ލިބޭނެ އެވެ.
އޭގެ އިތުރުން އުރީދޫ އާޗާ ޕޯސްޓްޕެއިޑް އަދި ނެޓުހެޔޮ ޕޯސްޓްޕެއިޑް ކަސްޓަމަރުންނަށް މިހާރު އެއްފަހަރާ ތިން މަހާއި، ހަ މަހާއި، 12 މަހަށް ނުވަތަ 24 މަސް ދުވަހަށް ޕޯސްޓްޕެއިޑް ބިލް އެއްފަހަރާ ދައްކާނަމަ މެދުކެނޑުމެއް ނެތި އިންޓަނެޓްގެ ހިދުމަތް ލިބޭނެ އެވެ. އަދި, ބިލުން ބޮޑު ޑިސްކައުންޓެއް ވެސް ލިބިގެންދެ އެވެ.
ލިބޭ ޑިސްކައުންޓްތައް:
- ތިން މަސް ދުވަހަށް ބިލް ދައްކާ ފަރާތްތަކަށް ފަސް ފަސެންޓް ޑިސްކައުންޓް
- ހަ މަސް ދުވަހަށް ބިލް ދައްކާ ފަރާތްތަކަށް 10 ޕަސެންޓް ޑިސްކައުންޓް
- 12މަސް ދުވަހަށް ބިލް ދައްކާ ފަރާތްތަކަށް 15 ޕަސެންޓް ޑިސްކައުންޓް
- 24 މަސް ދުވަހަށް ބިލް ދައްކާ ފަރާތްތަކަށް 20 ޕަސެންޓް ޑިސްކައުންޓް
އޭގެ އިތުރުން މި ޕޭމަންޓް ޕްލޭން ހިޔާރުކުރާ ކަސްޓަމަރުންނަށް ތިން މަސް ދުވަހަށް ކޮންމެ މަހަކު 18ޖީބީ ބޯނަސް ޑޭޓާ ވެސް ލިބޭނެ ކަމަށް އުރޫދޫއިން ބުނެ އެވެ. އުރީދޫ ޕޯސްޓްޕެއިޑް ޕެކޭޖްތައް http://ore.do/payless އިން ބަލާލެވޭނެ އެވެ.
މުޅި މަހަށް އެއް ޓީބީ ޑޭޓާ، އެމްބީޕީއެސް 100 ސްޕީޑާއެކު 5ޖީ އެއާފައިބާގެ އައު ޕްލޭނެއް
5ޖީ އެއާފައިބާ މެދުވެރިކޮށް 100 އެމްބީޕީއެސް ސްޕީޑާއެކު 250 ޖީބީ ލިބޭ މި ޕްލޭނަކި ކޮންމެ ހަފުތާއަކު 250ރ. އަށް އެކްޓިވޭޓް ކުރެވޭ ޕްލޭނެކެވެ.
ގޭމިން ކޮމިއުނިޓީއަށް ހާއްސަކޮށްގެން ތައްޔާރު ކޮށްފައިވާ މި ގޭމިން ޕެކް މެދުވެރިކޮށް ޕެކޭޖް އިންކްލޫސިވް ޑޭޓާ އެއްކޮށް ބޭނުން ކުރުމަށް ފަހުވެސް އިންޓަނެޓްގެ ހިދުމަތް މެދުނުކެނޑި ލިބިގެންދެ އެވެ. އުރީދޫ 5ޖީ އަދި 4ޖީ ނެޓްވޯކްގެ ހަލުވި ސްޕީޑާއެކު ކަސްޓަމަރުންނަށް ހަފުތާއަކު 250 ރުފިޔާ ޓޮޕްއަޕްކޮށް މުޅި މަހަށް އެއް ޓީބީ ޑޭޓާ ލިބޭނެ އެވެ. މި ޕްލޭން http://ore.do/5gamers އިން އެކްޓިވޭޓްކޮށްލެވޭނެ އެވެ.
އުރީދޫ ނޭޝަން ގޭމްސް ކްލަބް
ބައިނަލްއަގްވާމީ ޕްލެޓްފޯމްތަކާ ދިވެހި މުޖުތަމައު ގުޅާލުމަށް އުރީދޫއިން ކުރަމުން ގެންދާ މަސައްކަތުގެ ދަށުން އުރީދޫ ނޭޝަން ކްލަބް ވެސް އިއްޔެ ވަނީ ތައާރަފުކޮށްފަ އެވެ.
އުރީދޫ ނޭޝަން ވެބްސައިޓް މެދުވެރިކޮށް ވަދެވޭ މި ގޭމްސް ކަލަބްގައި ޑިޒްނީ ބްރޭންޑްގެ ގޭމްތަކުގެ ހިތްގައިމު ކަލެކްޝަނަކާއެކު 100 އަށްވުރެ ގިނަ ގޭމު ހުންނާނެ އެވެ.
ކަސްޓަމަރުންނަށް ޑެއިލީ، ވީކްލީ އަދި މަންތްލީކޮށް މި ޕްލޭންތައް ނެގޭނެ އެވެ.
- ޑެއިލީ ސަބްސްކްރިޕްޝަނަށް: 24 ގަޑިއިރަށް ދެ ރުފިޔާ
- ވީކްލީ ސަބްސްކްރިޕްޝަނަށް: ހަތް ދުވަހަށް 10 ރުފިޔާ
- މަންތްލީ ސަބްސްކްރިޕްޝަނަށް: 30 ދުވަހަށް 20 ރުފިޔާ
ޕްރީޕެއިޑް ކަސްޓަމަރުންނަށް ޕްރީޕެއިޑް ބެލެންސް މެދުވެރިކޮށް ސަބްސްކްރިޕްޝަން ފީ ދެއްކޭނެ އެވެ. އަދި ސަބްސްކްރިޕްޝަން ފީ ޕޯސްޓްޕެއިޑް ބިލަށްވެސް އެއްކޮށްލެވޭނެކަމަށް އުރީދޫ އިން ބުނެ އެވެ. މި ޕެލެޓްފޯމަށް ސަބްސްކްރިބް ކުރާ ފަރާތްތަކަށް އޮޓޯއިން ސަބްސްކްރިޕްޝަން އައު ކޮށްލެވޭނެ އެވެ. http://ore.do/gameclub އިން ސަބްސްކްރައިބް ކުރެވޭނެ އެވެ.
އުރީދޫއިން ވަނީ އެ ކުންފުންޏަށް 18 އަހަރު ވުމުގެ މުނާސަބަތުގައު ދިވެހި ރައްޔިތުންނަށް ދޭ އަހައްމިއްޔަތުކަމުގެ ޔަގީންކަން އަރުވައި، ދުނިޔޭގެ ފެންވަރުގެ ޓެކްނޮލޮޖީތަކާއި ޑިޖިޓަލް ސޮލިއުޝަންތައް މެދުވެރިކޮށް މީހުން ގުޅުވައިދިނުމުގައި ދެމިއޮންނާނެކަމުގެ ޔަގީންކަންދީފަ އެވެ.
