ފުލުހުން އެދިގެން "ހަސަން ކުރުސީ" އަކީ ކާކުކަން ހޯދަން ކްރިމިނަލް ކޯޓުން އަމުރެއް ނެރެފި

ޓްވިޓާގައި ހަސަން ކުރުސީގެ ނަމުގައި ހިންގަމުންދާ އެކައުންޓުގެ ޕްރޮފައިލް

ޓްވިޓާގައި ހަސަން ކުރުސީގެ ނަމުގައި ހިންގަމުންދާ އެކައުންޓުގެ ޕްރޮފައިލް

ޓްވިޓާގައި "ހަސަން ކުރުސީ"ގެ ނަމުގައި ހިންގަމުންދާ އެކައުންޓުގެ ފަހަތުގައި ވަނީ ކާކު ނުވަތަ ކޮން ބައެއްތޯ ބަލަން ކްރިމިނަލް ކޯޓުން އަމުރެއް ނެރެފި އެވެ.

ޓްވިޓާގައި ސަރުކާރުގެ އެކި ފަރާތްތަކަށް ފާޑުކިޔައި ކޮރަޕްޝަންގެ ތުހުމަތު ކުރަމުންދާ، "ހަސަން ކުރުސީ" އެކައުންޓު ހިންގަނީ ކާކުކަން ހޯދުމަށް ދިވެހި ފުލުހުންގެ އެދުމުގެ މަތިން ކްރިމިނަލް ކޯޓުން އަމުރެއް ނެރެފައިވާކަން "އަދަދު"އަށް ވަނީ ކަށަވަރުވެފަ އެވެ.

އަދި, ފުލުހުން ވެސް ވަނީ ކޯޓު އަމުރެއްގެ ދަށުން ކުރުސީ އެކައުންޓުގެ ވެރި ފަރާތް ހޯދުމުގެ މަސައްކަތް ކުރަމުންދާކަން "އަދަދު" ނޫހަށް ޔަގީންކޮށްދީފަ އެވެ.

Advertisement

ބާރަ ހާހަށް ވުރެ ގިނަ މީހުން ފޮލޯ ކުރާ ކުރުސީ އެކައުންޓުގެ ވެރިފަރާތް ހޯދުމަށް ފުލުހުން ކޯޓު އަމުރާއެކު ރަސްމީކޮށް އެކަމަށް އެދެން ޖެހޭނީ ޓްވިޓާގަ އެވެ. އެކަމަކު، އެކައުންޓުތަކާ ގުޅޭ ޒާތީ މައުލޫމާތު ސަރުކާރުތަކުން އެދުނަސް ޓްވިޓާއިން އާންމުކޮށް ހާމައެއް ނުކުރެ އެވެ.

މިކަމާ ގުޅިގެން އެ އެކައުންޓުން މިއަދު ކުރި ޓްވީޓެއްގައި ބުނީ، އޭނާއަކީ ކާކުކަން ހޯދަން "ހަރުކަށި ފަރާތްތަކާ ގުޅުން އޮންނަ" ދިވެހި ސަރުކާރުން މަސައްކަތް ކުރަމަކީ ޑިމޮކްރެސީއާ ހިލާފު ކަމެއް ކަމަށެވެ. އަދި ޓްވިޓާއިން އެ މައުލޫމާތު ހާމަކޮށްފި ނަމަ ވަރަށް ގިނަ ބައެއްގެ ފުރާނަ ނުރައްކަލަށް ހުށަހެޅިގެންދާނެ ކަމަށް ވެސް ބުންޏެވެ.

ޓްވިޓާގައި ހަސަން ކުރުސީގެ ނަމުގައި އެކައުންޓް ހިންގާ ކަމަށް އެންމެ ފުރަތަމަ އަޑުފެތުރުނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދާ ގުޅުވަ އެވެ. އެއީ، ނަޝީދު ގެންގުޅުއްވާ ނުރަސްމީ އެކައުންޓް "އެލެކްސް އަހުމަދު"އަކީ އެމަނިކުފާނުކަން އާންމުކޮށް ހާމަވުމާއެކު އުފެއްދި އެހެން އެކައުންޓެއް ކަމަށް އެންްމެ ފުރަތަމަ ތުހުމަތު ކުރެވުނެވެ.

އެހެން ނަމަވެސް، އެ ވާހަކަތައް ނަޝީދު ވަނީ ދޮގުކުރައްވައިފަ އެވެ. އަދި އެކައުންޓާ އެމަނިކުފާނާ ގުޅުވާތީ އޮޅުން އަރާފައިވާ ކަމަށް ބުނެ ކުރުސީ އަކީ ކާކުކަން ހޯދަން އެދި ނަޝީދު ވެސް މިދިޔަ އޭޕްރިލް މަހު ފުލުހަށް މައްސަލައެއް ހުށަހެޅި އެވެ.

ކުރުސީގެ އެކައުންޓުން މި ދައުރުގެ ކުރީކޮޅު އެމްޑީޕީގެ ސަރުކާރާ އެއްކޮޅު ޓްވީޓުތައް ކުރަމުން ދިޔަ ނަމަވެސް، މިހާރު އެ އެކައުންޓުން ގެންދަނީ ސަރުކާރަށް ފާޑުކިޔައި ގިނަ ތުހުމަތުތަކެއް ކުރަމުންނެވެ.

އެގޮތުން، އައްޑޫ ސިޓީ ކައުންސިލުން ހިތަދޫގެ ގުދަނެއް ކުއްޔަށް ދިނުމުގައި ކޮރަޕްޝަންގެ އަމަލުތައް ހިންގާފައިވާ ތުހުމަތުތަކެއްކޮށް ކުރުސީ އެކައުންޓުން މިދިޔަ މެއި މަހު ޓްވީޓު ކުރުމުން މޭޔަރު އަލީ ނިޒާރު ވަނީ އެކަން ދޮގުކުރައްވައި، ފިތުނަ އުފައްދާ ކަމަށް ބުނެ ކުރުސީ އެކައުންޓު ހިންގަނީ ކާކުކަން ބަލަން ފުލުހުންގެ ކިބައިން އެދިފަ އެވެ. އަދި އެފަދަ ޓްވީޓުތައް ކުރުން ނުހުއްޓުވުމަކީ ވަޒީރުންގެ ފެއިލްވުމެއް ކަމަށް ވެސް ވިދާޅުވި އެވެ.

ކުރުސީގެ މައްސަލަ ބަލަމުންދާ ކަމަށް އެ ފަހުން ފުލުހުން ބުނި ނަމަވެސް، މިއަދާ ހަމައަށް މާ ބޮޑު ކުރިއެރުމެއް ލިބިފައި ނެތެވެ.

ފަހަކަށް އައިސް ސޯޝަލް މީޑިއާ މެދުވެރިކޮށް ސިޔާސީ ފިކުރު ފެތުރުމާއި ކެމްޕެއިން އަދި އެންޓި ކެމްޕެއިން ކުރުމަށް އެކި ފަރާތްތަކުން ފޭކު ޓްވިޓާ އެކައުންޓުތައް ބޭނުން ކުރެ އެވެ. "އާޓިފިޝަލް އިންޓެލިޖެންސް" ޓެކްނޮލޮޖީ ބޭނުންކޮށްގެން، އަސްލާ އެއްގޮތަށް، ވުޖޫދުގައި ނެތް މީހުންގެ ފޮޓޯތައް އަސްލު ކަމަށް ދައްކައި އޮޅުވާލަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox