ބަނގުރަލާއި މަސްތުވާތަކެތި އަދި މާނާ ބޭސް ވިއްކުމުގެ ވިޔަފާރި ކުރަމުން ދިޔަ ބިދޭސީ ގުރޫޕެއް އަތުލައިގެންފި އެވެ.
މި މައްސަލާގައި ހިމެނެނީ ބަންގްލަދޭޝްއަށް ނިސްބަތްވާ ހަ ފިރިހެނުންނެވެ. އޭގެ ތެރޭގައި ހިމެނެނީ 28 އަހަރުގެ ދެ ފިރިހެނުންނާއި، 29 އަހަރުގެ ފިރިހެނަކާއި، 31 އަހަރުގެ ފިރިހެނެއް އަދި 38 އަހަރުގެ ފިރިހެނަކާއި 41 އަހަރުގެ ފިރިހެނެކެވެ.
މި މީހުންގެ ބަންދު މުއްދަތު ޖެހުމަށް އިއްޔެ ކޯޓަށް ގެންދިޔަ އެވެ. މީގެ ތެރޭގައި ހިމެނޭ 31 އަހަރުގެ މީހާ އާއި 29 އަހަރުގެ މީހާގެ ބަންދަށް 10 ދުވަސް ވަނީ ޖަހާފަ އެވެ. އެހެން އެންމެންގެ ބަންދަށް ޖަހާފައި ވަނީ 15 ދުވަހެވެ.
ހައްޔަރުކުރި އެންމެންނަކީ ވެސް ރާއްޖޭގައި ގަވައިދާ ހިލާފަށް އުޅެމުން އަންނަ މީހުންނެވެ.
ރާއްޖޭގައި ގަވާއިދާ ހިލާފަށް އުޅެމުން އަންނަ ގިނަ ބިދޭސީންތަކެއް ދިރިއުޅެމުން އަންނަ އިރު، އެމީހުންގެ ހިއްސާ ކުށުގެ ވެށީގައި އޮންނަ މިންވަރުވެސް އަންނަނީ އިތުރުވަމުންނެވެ.
އެގޮތުން މަސްތުވާތަކެތީގެ ވިޔަފާރިއާ ހަށިވިއްކުން އަދި ވައްކަމާއި ފޭރުމުގެ މައްސަލަތަކުގައި ވެސް އެމީހުންގެ ހިއްސާ ބޮޑެވެ.
