ޗައިނާގެ ޕްރީ ސްކޫލެއްގައި އުމުރުން 25 އަހަރުގެ ފިރިހަނަކު ވަޅިން ހަމަލާދީ ހަ މީހުން މަރާލައި އެކަކު ޒަހަމްކޮށްލައިފި އެވެ.
އެ ހާދިސާ ހިނގީ ގުއާންގްޑޮންގް ޕްރޮވިންސްގެ ލިއަންޖިއާންގް ކައުންޓީގަ އެވެ. ފުލުހުން ބުނީ ތުހުމަތު ކުރެވޭ މީހާ ހައްޔަރުކޮށްފައިވާ ކަމަށެވެ.
ބައެއް މީޑިއާ ރިޕޯޓުތައް ބުނާ ގޮތުން މަރުވި މީހުންގެ ތެރޭގައި ބޮޑެތި މީހުންނާއި ކުޑަކުދިން ހިމެނެ އެވެ.
ބަޑި ގެންގުޅުން ލިމިޓްކުރަން ހަރުކަށި ފިޔަވަޅު އަޅާފައި ވާތީ ޗައިނާގައި މިފަދަަ ނުރައްކާތެރި ކުށްތައް އާއްމުކޮށް ނުހިނގަ އެވެ.
އެކަމަކު ފަހަކަށް އައިސް ޕްރީސްކޫލްތަކުގައި ވަޅިން ހަމަލާދޭ މައްސަލަތައް އިތުރުވެފައި ވާތީ އާއްމުން ދަނީ ކަންބޮޑުވުން ފާޅުކުރަމުންނެވެ.
ޗައިނާގެ ސޯޝަލް މީޑިއާގައި ގިނަ ބަޔަކު ގޮވަމުން ދަނީ މި ފަހަރު ހަމަލާދިން މީހާގެ މައްޗަށް މަރުގެ ހުކުމް ތަންފީޒު ކުރުމަށެވެ.
މިދިޔަ އަހަަރުގެ އޯގަސްޓު މަހު ދެކުނު ޖިއަންގްޒީ ޕްރޮވިންސްގައި ވެސް ޕްރީސްކޫލެއްގައި ވަޅިން ހަމަލާދީ ތިން މީހުން މަރާލައި ހަ މީހުން ޒަހަމްކޮށްލި އެވެ.
އޭގެ ކުރިން 2021 ވަނަ އަހަރު ގުއާންޒީގެ ޕްރީސްކޫލެއްގައި ދެ ކުދިން މަރާލައި 16 މީހުން ޒަހަމްކޮށްލި އެވެ.
މިފަދަ މައްސަލަތައް އިތުރުވުން ގުޅިފައި ވަނީ ނަފްސާނީ ބަލިތަކާ ކަމަށް ތަޖުރިބާކާރުން ބުނާ އިރު، ކޮވިޑް ބަލިމަޑުކަމާ ގުޅިގެން އެޅި ފިޔަވަޅުތަކުގެ ސަބަބުން ނަފްސާނީ ދުޅަހެޔޮކަން ގޯސްވި ކަމަށް އެ މީހުން ދެކެ އެވެ.
