ވެސްޓް ބެންގޯލްގެ ލޯކަލް އިންތިހާބާ ގުޅިގެން ހިނގި ހަމަނުޖެހުމެއްގައި ހަތް މީހުން މަރުވެ ގިނަ ބަޔަކަށް އަނިޔާވެއްޖެ އެވެ.
ވެސްޓް ބެންގޯލްގެ ކޮންޓްރޯލް ހޯދަން ބަރަތިޔަ ޖަނަތަ ޕާޓީ (ބީޖޭޕީ) އިން މަސައްކަތް ކުރާ އިރު، އެ ތަނުގައި ޒަމާނުއްސުރެ އޮންނަނީ ކޮމިއުނިސްޓް ވެރިކަމެވެ.
ވެސްޓް ބެންގޯލްގެ އާބާދީއަކީ 104 މިލިއަން މީހުންނެވެ. ލޯކަލް އިންތިހާބުގައި 200،000 އަށް ވުރެ ގިނަ ކެންޑިޑޭޓުން ވާދަކުރާ އިރު، ވޯޓުލުން މިހާރު ދަނީ ކުރިއަށެވެ.
ފުލުހުން ބުނީ އެ ސްޓޭޓުގެ އެކި އަވަށްތަކުގައި ހިނގި ސިޔާސީ ހަމަނުޖެހުންތަކުގެ ތެރެއިން މަރުވި މީހުންގެ އަދަދު ހަތަކަށް އަރާ ކަމަށެވެ.
އިތުރު ފުލުހަކު ބުނީ އޭގެ ތެރެއިން ފަސް މީހުން ނިސްބަތް ވަނީ އެ ސްޓޭޓުގައި ވެރިކަން ކުރާ ޓްރިނަމޫލް ކޮންގްރެސް ޕާޓީއަށް ކަމަށެވެ.
މަރުވި އަނެއް ދެ މީހުންގެ ތެރެއިން އެކަކަކީ ބީޖޭޕީ އަދި އަނެއް މީހާއަކީ ކޮމިއުނިސްޓް ޕާޓީ އޮފް އިންޑިއާ (މާކްސިސްޓް) އަށް ނިސްބަތްވާ މީހެކެވެ.
ބައެއް ޓީވީތަކުން ދެއްކި މަންޒަރުތަކުން ފެންނަނީ އެކި ސިޔާސީ ޕާޓީތަކުގެ މީހުންގެ މުގުރު ބުރި ހިފައިގެން އުޅޭ މަންޒަރާއި ވޯޓު ފޮށިތައް ޖަހައިގަނެގެން ދާ މަންޒަރާއި ވޯޓުލާ މަރުކަޒުތަކުގެ ބޭރުގައި ރޯކުރާ މަންޒަރެވެ.
އެ ސްޓޭޓްގެ އިލެކްޝަންސް ކޮމިޝަނުން ބުނީ އިންތިހާބު ސުލްހަވެރި ނޫން ކަމަށާއި މަަކަރު ހެދި ކަމުގެ 1300 ޝަކުވާ ލިބުނު ކަމަށެވެ.
