އިންޑިއާގެ މަދްޔަ ޕްރަދޭޝް ސްޓޭޓުގައި މަގުމަތީގައި އިން ގަބީލާއެއްގެ މީހެއްގެ ގަޔަށް ކުޑަކަމުދިޔަ މީހާ ފުލުހުން ހައްޔަރުކޮށްފި އެވެ.
ޕްރަވޭޝް ޝުކްލާ ހައްޔަަރު ކުރީ ގަބީލާތަކުގެ މީހުން ހިމާޔަތް ކުރުމަށް ހަދާފައިވާ ގާނޫނެއްގެ ދަށުންނެވެ.
އޭނާ އެ އަމަލު ހިންގާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ދައުރުވެފައިވާ އިރު، އިންޑިއާގެ އިތުރުން އެހެން ގައުމުތަކުގެ މީހުން ވެސް ވަނީ ނުރުހުން ފާޅުކޮށްފަ އެވެ.
އެކަމާ ގުޅޭ ގޮޓުން ޝުކްލާ ވަކި އެއްޗެއް ނުބުނެ އެވެ.
އިދިކޮޅު ކޮންގްރެސް ޕާޓީގެ ބައެއް ލީޑަރުން ތުހުމަތު ކުރާ ގޮތުގައި އޭނާއަކީ ވެރިކަަން ކުރާ ބަރަތިޔަ ޖަނަތަ ޕާޓީ (ބީޖޭޕީ) އާ ގުޅުން އޮންނަ މީހެކެވެ. އެކަމަކު ބީޖޭޕީއިން އެކަން ދޮގުކުރެ އެވެ.
ގަބީލާތަކުގެ މީހުން ހިމާޔަތް ކުރަން ގާނޫނުތައް ހުރި ނަމަވެސް، އިންޑިއާގައި އަދިވެސް އެ މީހުންނާ މެދު ބޮޑެތި ތަފާތުކުރުންތައް ގެންގުޅެ އެވެ.
ގަބީލާތަކުގެ މީހުން ނިސްބަތްވަނީ ހިންދޫ ދީނުގެ ދަރަޖަ ކުރުމުގެ ނިޒާމުގެ ތެރެއިން އެންމެ ދަށު ދަރަޖައަށެވެ. ގަބީލާތަކަށް ނިސްބަތްވާ 200 މިލިއަން މީހުން އުޅެ އެވެ.
