ވަކިވަކި ނޫސްވެރިންގެ ބޮލުގައި ސާބިތު ނުހިފޭ ތުހުމަތު އެޅުވުން ކުށްވެރިކޮށްފި

މަސްދަރު ހާމަ ކުރަން ޖެހުމާ ދެކޮޅަށް ނޫސްވެރިން އިންތިޒާމުކޮށްގެން މީގެ ކުރިން ބޭއްވި އިހުތިޖާޖެއްގެ ތެރެއިން -- ފޮޓޯ: މިރާޝް ނާޝިމް/އަދަދު

މަސްދަރު ހާމަ ކުރަން ޖެހުމާ ދެކޮޅަށް ނޫސްވެރިން އިންތިޒާމުކޮށްގެން މީގެ ކުރިން ބޭއްވި އިހުތިޖާޖެއްގެ ތެރެއިން -- ފޮޓޯ: މިރާޝް ނާޝިމް/އަދަދު

މިފަހަކަށް އައިސް ސިޔާސީ އެކި ފަރާތްތަކުން ބާއްވާ ނޫސްވެރިންގެ ބައްދަލުވުންތަކުގައި ވަކިވަކި ނޫސްވެރިންގެ ބޮލުގައި ސާބިތު ނުހިފޭ ދޮގު ތުހުމަތު އަޅުވައި ނޫސްވެރިން ޑިސްކްރެޑިޓް ކުރަން މަސައްކަތް ކުރާ ކަމަށް ބުނެ އެކަން މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އާއި މޯލްޑިވްސް މީޑިއާ ކައުންސިލުން ކުށްވެރިކޮށްފި އެވެ.

ދަ ޑިމޮކްރެޓްސްއާއި ޕީޕީއެމް/ޕީއެންސީ ގުޅިގެން މަސައްކަތް ކުރުމާ ބެހޭގޮތުން ބޭއްވި ތިން ވަނަ މަޝްވަރާ ބައްދަލުވުމަށްފަހު އިއްޔެ ބޭއްވި ނޫސްވެރިންގެ ބައްދަލުވުމުގައި ޑިމޮކްރެޓްސްގެ ފަރާތުން ހުސެއިން އަމްރު އާއި ޕީޕީއެމް/ޕީއެންސީގެ ފަރާތުން ނައިބު ރައީސް އިބްރާހިމް ޝުޖާއު ވަނީ، އަމާޒުވި ބައެއް ސުވާލުތަކާ ގުޅިގެން، ރައީސް އޮފީހުން ބުނާ ގޮތަށް، ފައިސާއަށް ސުވާލު ކުރާ ކަމުގެ ތުހުމަތު ބައެއް ނޫސްވެރިންގެ ބޮލުގައި އަޅުއްވައިފަ އެވެ. ހޫނުވި އެ ނޫސްވެރިންގެ ބައްދަލުވުމުގައި އެ ތުހުމަތުތައް ދޮގުކޮށް ހެކި ދެއްކުމަށް ވެސް ނޫސްވެރިއަކު އެދުނެވެ.

އެކަމާ ގުޅިގެން ނޫސްވެރިން ތަމްސީލު ކުރާ އެމްޖޭއޭއިން ނެރުނު ބަޔާނެއްގައި ބުނީ، މިފަހަކަށް އައިސް ސިޔާސީ އެކި ފަރާތްތަކުން ބާއްވާ ނޫސްވެރިންގެ ބައްދަލުވުންތަކުގައި އާއި އެހެން ވެސް ޕްލެޓްފޯމްތަކުގައި ވަކިވަކި ނޫސްވެރިންނާ މެދު ސާބިތު ނުހިފޭ ސީރިއަސް ތުހުމަތުތައްކޮށް ނޫސްވެރިކަމުގެ އިތުބާރު ގެއްލުވާލައި ޑިސްކްރެޑިޓް ކުރުމަށް މަސައްކަތް ކުރަމުން ދާތީ އެކަން ކުށްވެރިކުރާ ކަމަށެވެ.

އަދި, ނޫސްވެރިންނަކީ ގައުމުގައި ހިނގާ މުހިންމުކަންކަން އާންމުންނާ ހަމަޔަށް ގެނެސްދީ ގައުމީ ބޮޑެތި މައްސަލަތައް އާންމުންނަށް ތިލަކޮށް ބާރުގައި ތިބޭ ފަރާތްތައް ޒިންމާދާރު މަސައްކަތް ކުރާ ބަޔަކަށް ވާއިރު، ނޫސްވެރިން ކުރިމަތިކުރުވާ ސުވާލުތަކާއި އެ މީހުން ލިޔާ ލިޔުންތަކާ ގުޅިގެން ނޫސްވެރިންނާ ދިމާކޮށްލައި އެ މީހުންނާ މެދު ޒާތީވެ ތުހުމަތުތައް އުފަންކުރުމަކީ ތަހުޒީބުވެފައިވާ ޑިމޮކްރަޓިކް ވެއްޓެއްގައި އެއްވެސް ވަރަކަށް ބަލައިގަނެވޭނެ އަމަލުތަކެއް ނޫން ކަމަށް އެ ޔޫނިއަނުން ބުންޏެވެ.

އެމްޖޭއޭއިން ބުނީ، އެފަދަ އަމަލުތައް ކުރަނީ ގަސްތުގައި ރާވައިގެން ނޫސްވެރިންގެ މަސައްކަތަކީ ގައުމަށް ބޭނުމެއް ނެތް ކަމެއްގެ ގޮތުގައި ދައްކައި، އާންމުންގެ މެދުގައި ނުބައި ތަސައްވުރެއް އުފައްދައި ނޫސްވެރިކަމުގެ މައްޗަށް ރައްޔިތުން އޮންނަ އިތުބާރު ނަގާލުމަށް ކަމަށް ގަބޫލުކުރާ ކަމަށެވެ. ތަކުރާރުކޮށް އެފަދަ އަމަލުކުރާ ފަރާތްތަކުން ބާއްވާ ނޫސްވެރިންގެ ބައްދަލުވުންތައް ބޮއިކޮޓް ކުރުމަށް ވެސް އެ ޔޫނިއަންއިން ގޮވާލި އެވެ.

"މީގެ ފަހުން މިފަދަ އަމަލުތައް ތަކުރާރުކުރާ ނޫސްވެރިންގެ ބައްދަލުވުންތައް ބޮއިކޮޓްކުރުމަށް މި ޔޫނިއަންއިން ނޫސްވެރިންނަށް ހިތްވަރުދެމެވެ." އެމްޖޭއޭގެ ބަޔާނުގައިވެ އެވެ.

ނޫސްވެރިންނަށް ވެސް ފާޑުކިޔަންވާނެ ކަމާއި ނަމަވެސް, އެ ފާޑުކިޔުން ވާންވާނީ ޒާތީނުވެ, އަސްލެއް ނެތް ތުހުމަތުތަކުން އެއްކިބާވެ ތިބެ ކިޔޭ ބިނާކުރުވަނިވި ފާޑުކިޔުމަށް ކަމަށް ވެސް އެމްޖޭއޭއިން ބުންޏެވެ.

"އެފަދަ ބިނާކުރަނިވި ފާޑުކިޔުންތަކާއި ކަންކަން ރަނގަޅުކުރުމަށް ދޭ ހިޔާލުތަކަށް މި ޔޫނިއަންއިން ހުޅުވިފައިވާ ސިކުނޑިއަކުން މަރުހަބާވެސް ކިޔަމެވެ."

އެހެން ނަމަވެސް، ނޫސްވެރިކަމުގެ ދާއިރާގައި ވެސް ޒަމާންވީ ބޮޑެތި މައްސަލަތަކުގެ ތެރޭގައި ހިމެނޭ މާލީ މިނިވަންކަން ނެތުމާއި ގާބިލް ނޫސްވެރިން އުފެއްދުން ފަދަ ގޮންޖެހުންތައް ހުރިކަން ގަބޫލުކުރާ ކަމަށް ވެސް އެ ޔޫނިއަންއިން ބުނެފައިވެ އެވެ. އަދި, އެކަންކަން ހައްލު ކުރެވޭނީ އެންމެން ގުޅިގެން މައްސަލަތަކަށް ހައްލު ހޯދަން މަސައްކަތްކޮށްގެން ކަމަށް ބުންޏެވެ. އެފަދަ މައްސަލަތަކަކީ ނޫސްވެރިންނަށް ތުހުމަތުތައްކޮށް ޒާތީ ގޮތުން ދިމާކޮށްގެން ހައްލު ކުރެވޭނޭ ކަންކަން ކަމުގައި ނުދެކޭ ކަމަށް ބުންޏެވެ.

މަސްދަރު ހާމަ ކުރަން ޖެހުމާ ދެކޮޅަށް ނޫސްވެރިން އިންތިޒާމުކޮށްގެން މީގެ ކުރިން ބޭއްވި އިހުތިޖާޖެއްގެ ތެރެއިން -- ފޮޓޯ: މިރާޝް ނާޝިމް/އަދަދު
މަސްދަރު ހާމަ ކުރަން ޖެހުމާ ދެކޮޅަށް ނޫސްވެރިން އިންތިޒާމުކޮށްގެން މީގެ ކުރިން ބޭއްވި އިހުތިޖާޖެއްގެ ތެރެއިން -- ފޮޓޯ: މިރާޝް ނާޝިމް/އަދަދު

މަސްދަރު ހާމަ ކުރަން ޖެހުމާ ދެކޮޅަށް ނޫސްވެރިން އިންތިޒާމުކޮށްގެން މީގެ ކުރިން ބޭއްވި އިހުތިޖާޖެއްގެ ތެރެއިން -- ފޮޓޯ: މިރާޝް ނާޝިމް/އަދަދު

މީޑިއާ ކައުންސިލުން މި މައްސަލައާ ގުޅިގެން ނެރުނު ބަޔާނުގައި ބުނީ، ނޫސްވެރިކަމުގެ މަސައްކަތުގައި ހަރަކާތްތެރިވާ އެކި ނޫސްވެރިންނަށް ލިބެމުންދާ އަނިޔާތަކާއ،ި އިންޒާރުތަކާއ،ި އަދި އެ ނޫން ވެސް ގޮންޖެހުންތަކުގެ އިތުރުން މިހާރަކަށް އައިސް އެ ކައުންސިލަށް ލިބޭ އެންމެ ބޮޑު އެއް ޝަކުވާއަކީ ނޫސްވެރިންގެ ބައްދަލުވުންތަކުގައި ވެސް ވަރަށް ފާޅުގައި ވަކިވަކި ނޫސްވެރިންނަށް އަމާޒުކޮށް ދޮގު އިލްޒާމްތައް އަޅުވާކަމުގެ ޝަކުވާ ކަމަށެވެ. އަދި އެއީ މުޅި ނޫސްވެރިކަމުގެ ދާއިރާއަށް ދެވޭ ގެއްލުމެއް ކަަމަށް ބުންޏެވެ.

"ހިޔާލުފާޅުކުރުމުގެ މިނިވަންކަމާއ،ި ނޫސްވެރިކަމުގެ މިނިވަންކަމަކީ، ދިވެހިރާއްޖޭގެ ގާނޫނުއަސާސީ ކަށަވަރުކޮށްދީފައިވާ އަސާސީ ހައްގަކަށް ވާއިރު، ވަކިވަކި ނޫސްވެރިންނަށް އަމާޒުކޮށް ސާބިތު ނުހިފޭ ތުހުމަތުތައް ކުރުމާއި ކްރެޑިބަލް ނޫސްވެރިންގެ އިތުބާރު ގެއްލުވާލަން މަސައްކަތް ކުރުމަކީ މުޅި ނޫސްވެރިކަމުގެ ދާއިރާ އަށް ވެސް އޭގެ ސަބަބުން ގެއްލުން ލިބޭ ކަމެކެވެ." އެމްއެމްސީގެ ބަޔާނުގައިވެ އެވެ.

އެމްއެމްސީއިން ބުނީ، ވަކިވަކި ނޫސްވެރިންގެ އަގުވައްޓާލައި ސާބިތުނުހިފޭ ތުހުމަތު ކުރުމަކީ މީޑިއާގެ މިނިވަންކަމަށް ވެސް އެޅިގެންދާ ވަރަށް ބޮޑު ހުރަހެއް ކަމަށެވެ. އަދި ނޫސްވެރިކަމުގެ މިިނިވަންކަމުގެ ދަރަޖަ އިތުރަށް ދަށަށް ގޮސްދާނެ ކަމެއް ކަމަށް ގަބޫލުކުރެވޭ ކަމަށް ވެސް ބުނެފައިވެ އެވެ. އަދި އެކަމުގެ ސަބަބުން ސަރުކާރާއި އެހެނިހެން ފަރާތްތައް ޒިންމާދާރު ކުރުމަށް ވެސް ހުރަސް އެޅިގެންދާ ކަމަށް ދެކޭ ކަމަށް ބުންޏެވެ.

ނޫސްވެރިކަމުގެ މަސައްކަތަށް ހުރަސް އެޅޭނޭ ފަދަ އަމަލުތައް ނުކުރުމަށް ގޮވާލުމުގެ އިތުރުން ނޫސްވެރިން ވެސް ރާއްޖޭގައި ހެދިފައިވާ ނޫސްވެރިކަމުގެ އަހުލާގީ މިންގަނޑުތަކާއި، ބެސްޓް ޕްރެކްޓިސްގެ އެންމެ މަތީ މިންގަނޑުތައް ހިފެހެއްޓުމަށް ވެސް އެމްޖޭއޭއާއި މީޑިއާ ކައުންސިލުން އެދުނެވެ.

އިއްޔެގެ ނޫސްވެރިންގެ ބައްދަލުވުމުގައި ޝުޖާއު އާއި އަމްރު ވަނީ ސީދާ ރައީސް އިބްރާހިމް މުހައްމަދު ސޯލިހު މެސެޖުކޮށް އެދިގެން ނޫސްވެރިން ސުވާލު ކުރާ ކަމަށް ތުހުމަތުކޮށްފަ އެވެ. އެކަމަކު، އެއިން އެއްވެސް ކަމަކަށް ހެއްކެއް ދައްކާފައި ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox