ސާފް ޗެމްޕިއަންޝިޕުގެ ހުރިހާ މެޗެއް ޔެސް އަދި އައިސް ޓީވީން ވަގުތުން ގެނެސްދޭނެ

ސާފް ޗެމްޕިއަންޝިޕުގެ ހުރިހާ މެޗެއް ޔެސް އަދި އައިސް ޓީވީން ވަގުތުން ގެނެސްދޭނެ

މިއަދު ފެށުމަށް ހަމަޖެހިފައިވާ ސަރަޙައްދީ އެންމެ ބޮޑު ފުޓުބޯޅަ މުބާރާތް، ސާފް ޗެމްޕިއަންޝިޕުގެ ކަވަރޭޖު ދިވެހިންނާ ހަމައަށް ގެނެސްދިނުމަށް މީޑިއާނެޓާއި ޕީއެސްއެމުން އެއްބަސުވުމެއްގައި ސޮއިކޮށްފި އެވެ.

އެ އެއްބަސްވުމުގެ ދަށުން ސާފް ޗެމްޕިއަންޝިޕުގެ ހުރިހާ މެޗުތަކެއް މީޑިއާނެޓުގެ އައިސް ޓީވީ އާއި ޔެސް ޓީވީ މެދުވެރިކޮށް ވަގުތުން ގެނެސްދޭނެ އެވެ.

މީޑިއާނެޓުގެ މައި އޮފީހުގައި އިއްޔެ ބޭއްވި ރަސްމިއްޔާތުގައި މީޑިއާނެޓުގެ ފަރާތުން އެއްބަސްވުމުގައި ސޮއި ކުރެއްވީ އެ ކުންފުނީގެ ޗީފް މާކެޓިން އޮފިސަރު، ރިއާޔަތު އަބްދުލް މަޖީދު އެވެ. ޕީއެސްއެމްގެ ފަރާތުން ސޮއި ކުރެއްވީ އެ ކުންފުނީގެ ކަނެކްޓު އެންޑު ޑިޖިޓަލް ބްރޯޑްކާސްޓު ނެޓްވޯކު އޮޕަރޭޝަންސް ޑައިރެކްޓަރު، އިބްރާހިމް އިގްބާލެވެ.

އެ ރަސްމިއްޔާތުގައި ވާހަކަ ދައްކަވަމުން މީޑިއާނެޓުގެ ސީއެމްއޯ، ރިއާޔަތު އަބްދުލް މަޖީދު ވިދާޅުވީ ދިވެހިންގެ މުނިފޫހިފިލިވުމުގެ ބައިވެރިޔާގެ ހައިސިއްޔަތުން ދުނިޔޭގެ އެންމެ ބޮޑު ކުޅިވަރު މުބާރާތްތައް މީޑިއާނެޓުން ދިވެހިންނާއި ހަމައަށް ގެނެސްދޭ ފަދައިން ސަރަޙައްދީ ވާދަވެރި މުބާރާތްތަކާއި ދިވެހި ފަސްގަނޑުގައި ބާއްވާ އެކިއެކި ކުޅިވަރު މުބާރާތްތައްވެސް ދިވެހިންނަށް ފެންނާނެ މަގު ފަހި ކޮށްދިނުމަކީ މީޑިއާނެޓުގެ ވަރަށް ބޮޑު އަމާޒެއް ކަމުގައެވެ.

"ސާފް ޗެމްޕިއަންޝިޕަކީ ދިވެހިންގެ ލެޔާ ގުޅިފައިވާ މުބާރާތަކަށް ވާއިރު މި މުބާރާތް ދިވެހިންނާ ހަމައަށް ގެނެސްދިނުމުގައި މީޑިއާނެޓަށް ބޮޑު ދައުރެއް އަދާ ކުރެވޭކަމީ އެކަމާ ވަރަށް ބޮޑަށް އުފާކޮށް ފަހުރުވެރިވާ ކަމެއް،" އޭނާ ވިދާޅުވި އެވެ.

މުބާރާތުގެ ފުރަތަމަ މެޗުގައި މިއަދު މެންދުރުފަހު 3:00 ގައި ވާދަކުރާނީ މުބާރާތުގައި އަލަށް ވާދަކުރާ ކުވެއިތު އަދި ސާފް ޗެމްޕިއަންޝިޕްގެ އެންމެ ފަހުގެ ރަނަރަޕު، ނޭޕާލެވެ. މިއަދުގެ ދެވަނަ މެޗަކީ ވެސް ވަރުގަދަ މެޗެކެވެ. ދާހިލީ ހަމަނުޖެހުމުގައި އަހަރުތަކެއް ހޭދަކޮށްފައިވާ ވާދަވެރި ދެ ޓީމު، އިންޑިއާ އަދި ޕާކިސްތާނުގެ ކުރިމަތިލުން ފެށޭނީ މިރޭ 7:00 ގައެވެ.

ދިވެހިރާއްޖޭގެ ގައުމީ ފުޓުބޯޅަ ޓީމު ތިންވަނަ ފަހަރަށް މުބާރާތުގެ ގޯލްޑު މެޑަލް ހޯދުމުގެ އުންމީދުގައި ނިކުންނައިރު، ރާއްޖެ ޓީމުގެ ފުރަތަމަ މެޗު އޮންނާނީ 2މާދަމާރޭ 7:00 ގައެވެ. އެ މެޗުގައި ރާއްޖެ ނުކުންނާނީ ބޫޓާން އާއި ދެކޮޅަށެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox