ރާއްޖޭގެ ރަށްރަށަށް ޒިޔާރަތް ކުރާ ދަތުރުވެރިންނަށް ކޮންމެ ތަނެއްގައި ހުރެގެން ވެސް ކުރިއަރަމަުން އަންނަ ސްޕީޑްބޯޓު ބުކިން އެޕްލިކޭޝަން، އޮޑި އެޕަށް އުރީދޫގެ އެމް ފައިސާ ބޭނުންކޮށްގެން ފައިސާ ދެއްކޭ ގޮތް ހަދައިފި އެވެ.
އޮޑިއެޕަކީ ފެރީ އަދި ސްޕީޑްބޯޓް ޓްރާންސްފާ ގެ އިތުރުން އުޅަނދުފަހަރު ފަސޭހަކަމާއެކު ޗާޓާ ކުރެވޭ އެޕެކެވެ. ރާއްޖޭގެ ފަތުރުވެރިކަމުގެ ދާއިރާގައި މަގުބޫލުކަން ހޯދަމުން އަންނަ އޮޑިއެޕާއި އެމްފައިސާއާ އެކު ވެވުނު މި ޕާޓްނާޝިޕަކީ ރާއްޖޭގެ ރައްތަކަށް ދަތުރުކުރާ ފަރާތްތަކަށް ލިބިގެންދާނެ ވަރަށް ބޮޑުލުޔެއް ކަމަށް އުރީދޫގެ މެނޭޖިން ޑިރެކްޓަރު އަދި ސީއީއޯ، ހާލު އަލް ހަމާދީ ވިދާޅުވި އެވެ.
"އަޅުގަނޑުމެންގެ މަގްސަދަކީ ރައްޔިތުންގެ ދިރިއުޅުން މުއްސަނދިކުރުމަށް ޓަކައި އީޖާދީ ޑިޖިޓަލް ފޯރުކޮށްދިނުން. އެގޮތުން މިހާރު ކޮންމެ ތަނަކުން، ކޮންމެ ވަގުތަކުވެސް، އޯޑިއެޕުން އެމް-ފައިސާ މެދުވެރިކޮށް ދަތުރުވެރިންނަށް ލުއިފަސޭހަކަމާއި ކުޑަ ވަގުތުކޮޅެއްގެ ތެރޭގައި ދަތުރު ފަތުރުގެ ކަންކަން ހަމަޖައްސާލެވޭނެ،" އޭނާ ވިދާޅުވި އެވެ.
ހާލިދު އަލް ހަމާދީ ވިދާޅުވީ އޮޑިއެޕާއާއި ގުޅިގެން އެމްފައިސާ މެދުވެރިކޮށް ރާއްޖޭގައި ތިބި ކަސްޓަމަރުންގެ ދަތުރުފަތުރުގެ ތަޖުރިބާ އިތުރަށް ފުރިހަމަވެގެން ދިއުމަކީ އުރީދޫއަށް ލިބޭ ވަރަށް ބޮޑު އުފަލެއް ކަމަށާއި ކުރިއަށް މިއޮތް އީދު ބަންދުގައި ރަށްރަށަށް ދަތުރު ކުރާ ފަރާތްތަކަށް އެ ޕާޓުނަޝިޕުގެ ދަށުން ބޮޑެތި ފަސޭހަތަކެއް ލިބިގެންދާނެ ކަމަށެވެ.
"ކުރިއަށް އޮތް އަޟްހާ އީދު ޗުއްޓީއަށް މަރުހަބާ ކިޔުމަށް ތައްޔާރުވަމުން ދާއިރު، މި ޕާޓުނާޝިޕުގެ ސަބަބުން ޗުއްޓީއަށް ވަޑައިގަންނަވާ ބޭފުޅުންގެ ދަތުރު ހަމަޖެއްސުމުގައި ލުއިތަކެއް ލިބިގެންދާނެކަން ޔަގީން،" އޭނާ ވިދާޅުވި އެވެ.
އޮޑި އެޕުގެ ކޯ ފައުންޑަރު އަދި ޗީފް އޮޕަރޭޓިން އޮފިސަރު ސިޔާހް ހަލީލް ވިދާޅުވީ އެމްފައިސާ ބޭނުންކޮށްގެން އޮޑިއެޕުން ހައްދާ ބުކިންތަކަށް ފައިސާ ދެއްކޭނެ އިންތިޒާމު ހަމަޖެހިގެން ދިއުމަކީ އޮޑި އެޕު އުފެއްދުމުގެ މަގުސަދާ ގާތަށް އެޅުނު ފިޔަވަޅެއް ކަމަށެވެ.
"އޮޑިއެޕުގެ އަމާޒަކީ ދަތުރުވެރިންނަށް ފަސޭހަ ސްޕީޑްބޯޓު ޓްރާންސްފާ ބުކިން ތަޖުރިބާއެއް ހޯދައިދިނުން. އެގޮތުން އެމް-ފައިސާ މެދުވެރިކޮށް އޮޑިއެޕް އިން ކޮންފަރމް ކުރާ ބުކިންތަކަށް ފައިސާ ދެއްކޭނެ އިނތިޒާމް ހަމަ ޖެހިގެން ދިއުމަކީ މި އަމާޒާއި އަޅުގަނޑުމެންގެ ކަސްޓަމަރުންނަށް ލިބިގެންދާނެ ވަރަށް ބޮޑު ފަސޭހައެއް.،" އޭނާ ވިދާޅުވި އެވެ.
އަދި އެ ޕާޓުނާޝިޕުގެ ސަބަބުން ފަތުރުވެރިކަމުގެ އިންޑަސްޓްރީއަށް ޑިޖިޓަލައިޒޭޝަންގެ ހެޔޮ އަސަރެއް ކުރާނެ ކަމަށް އުންމީދު ކުރާ ކަމަށް ވެސް ސިޔާހް ހަލީލް ވިދާޅުވި އެވެ.
އެމްފައިސާ އަކީ އެމްފައިސާ ޑިޖިޓަލް ވޮލެޓަށް ފައިސާ ޖަމާކުރުމާއި ފައިސާ ނެގުމުގެ އިތުރުން ޓްރާންސްފާ ކުރުމާއި ކެފޭ، ރެސްޓޯރަންޓު އަދި ފިހާރަތަކަށް ރައްކާތެރިކަމާއެކު ފައިސާ ދައްކާލެވޭ ޑިޖިޓަލް ޕޭމަންޓް ސޮލިއުޝަނެކެވެ. އެ ޕްލެޓުފޯމުން ސްޓެލްކޯއާއި އެމްޑަބްލިއުއެސްސީ އަދި އުރީދޫގެ ހިދުމަތްތަކަށާއި މީޑިއާނެޓު ފަދަ ގިނަ ހިދުމަތްތަކަށް ބިލް ދެއްކުމުގެ އިތުރުން ކައްކާ ގޭހަށް އޯޑަރުކޮށް ފައިސާ ވެސް ދެއްކެ އެވެ. އޭގެ އިތުރުން އެމްފައިސާއިން ވަނީ އެކި ފައުންޑޭޝަންތަކާ ގުޅިގެން ސަދަގާތް ކުރުމުގެ ފުރުސަތު ވެސް ފަހިކޮށްދީފަ އެވެ.
އެމް-ފައިސާ ގެ ހިދުމަތް ބޭނުންކުރުމަށް ކޮންމެ ނެޓްވޯކެއްގެ ކަސްޓަމަރަކަށްވެސް އުރީދޫ އެޕު ޑައުންލޯޑު ކޮށް ފަސޭހަކަމާއެކު ރެޖިސްޓާ ކޮށްލެވޭނެ އެވެ. އޭގެއިތުރުން ބީއެމްއެލް، އެސްބީއައި އަދި އެމްއައިބީ ފަދަ ގިނަ ބޭންކުތަކާ ގުޅިގެން އެމްފައިސާއިން ވަނީ ކަސްޓަމަރުންނަށް ފަސޭހަކަމާއެކު އޮންލައިންކޮށް ޑިޖިޓަލް ވޮލެޓް ޓޮޕްއަޕް ކުރުމުގެ ފުރުސަތު ވެސް ފަހިކޮށްދީފަ އެވެ.
