އިންޑިއާގެ އޮޑިއްޝާ ސްޓޭޓުގައި ރޭލު އެކްސިޑެެންޓު ވާން މެދުވެރިވީ ސިންގަލް މައްސަލައެއްގެ ސަބަބުން ކަމަށް ލަފާކުރެވޭ ކަމަށް އިންޑިއާގެ ރޭލުވޭ މިނިސްޓަރު ވިދާޅުވެއްޖެ އެވެ.
އަޝްވިނީ ވައިޝްނާވް ވިދާޅުވީ އެކްސިޑެންޓު ހިނގި ސަބަބާއި އެކަމަށް ޒިންމާވާން ޖެހޭ މީހުން ދެނެގަނެވިފައިވާ ކަމަށެވެ. ނަމަވެސް ތަފްސީލެއް ނުދެއްވަ އެވެ.
އިންޑިއާގެ ރޭލްވޭ ބޯޑުން ބުނީ ސިގްނަލް ދިނުން ފެއިލްވުމުގެ ބަދަލުގައި ސިގްނަލަށް ހުރަސް އެޅުމުގެ ހާލަތެއް ދިމާވި ކަމަށް ބެލެވޭ ކަމަށެވެ.
މިއީ މި ގަރުނުގައި ހިނގި އިންޑިއާގެ އެންމެ ބޮޑު ރޭލު އެކްސިޑެންޓެވެ. އެކަމާ ގުޅޭ ރިޕޯޓެއް ނެރުމަށް ދަނީ ތައްޔާރުވަމުންނެވެ.
މަރުވި މީހުންގެ އަދަދު މިހާރު ވަނީ 275 އަށް ތިރިކޮށްފަ އެވެ. އޮފިޝަލުން ބުނީ އަދަދު 300 އަށް ވުރެ މަތިން ރިޕޯޓު ކުރީ ބައެއް ހަށިތައް ދެ ފަހަރު ގުނިފައި ހުރުމުން ކަމަށެވެ.
އަނިޔާވެގެން ހޮސްޕިޓަލަށް ގެންދިޔަ 1175 މީހުންގެ ތެރެއިން 793 މީހުން ވަނީ ދޫކޮށްލައިފަ އެވެ. ބައެއް އާއިލާތަކުން ދަނީ އެ މީހުންގެ އާއިލާގެ މެމްބަރުން ނުފެނިގެން ހޯދަމުންނެވެ.
