އެމެރިކާ އާއި ޗައިނާއާ ދެމެދު މަޝްވަރާގެ ދޮރު ހުޅުވާފައިވާ ބޭއްވޭނެ ގޮތްތައް ހޯދަން މިދިޔަ މަހު ސީއައިއޭގެ ވެރިޔާ ވިލިއަމް ބާންސް ޗައިނާއަށް ސިއްރު ދަތުރެއް ކުރައްވައިފި އެވެ.
އެމެރިކާގެ އޮފިޝަލަކު ނޫސްތަކަށް ބުނީ ޗައިނާއަށް ވަޑައިގެން އެމެރިކާގެ ޖާސޫސީ އިދާރާގެ ވެރިޔާ އެ ގައުމުގެ އިސް އޮފިޝަލުންނާ ބައްދަލުކުރެއްވި ކަމަށާއި މުއާސަލާތު ކުރުމުގެ "ޖާސޫސީ ޗެނަލްތައް" ހުޅުވާފައި ބޭއްވުމަށް މަޝްވަރާ ކުރެއްވި ކަމަށެވެ.
އެކަމާ ގުޅޭ އިތުރު ތަފްސީލެއް ހާމައެއް ނުކުރެ އެވެ. އާއްމު ގޮތެއްގައި ސީއައިއޭގެ ޗީފްގެ ދަތުރުތަކާ ބެހޭ މައުލޫމާތު އެ އިދާރާއިން އާއްމުނުކުރެ އެވެ.
އެހެން ނަމަވެސް ޗައިނާއަށް ދަތުރު ކުރައްވާފައި މި ވަނީ ދެ ގައުމުގެ ގުޅުން ވަރަށް ބޮޑަށް ގޯސްވެފައިވާ ދަނޑިވަޅެއްގަ އެވެ. އެގޮތުން ޓައިވާނާއި ޔޫކްރެއިން މައްސަލައިގައި ދެ ގައުމުގެ ނުތަނަވަސްކަން ބޮޑެވެ.
ގުޅުން ރަނގަޅު ކުރުމަށް މަސައްކަތްތަކެއް ކުރަމުންދާ އިރު، ދާދި ފަހުން ވިޔަފާރިއާ ގުޅޭ މަޝްވަރާތައް ގިނަ އަހަދުތަކަކަށް ފަހު ދެ ގައުމުން ބޭއްވި އެވެ.
