އަދަދު "ސާފް 2023" ކަވަރޭޖުގެ ޕާޓްނަރަކަށް އީ-ޓުކުރި

އަދަދު ސާފް ޗެމްޕިއަންޝިޕު ކަވަރޭޖު ޕާޓުނަރު، މޯލްޑިވްސް ޕޯސްޓް ލިމިޓެޑާ އެކު ސޮއި ކުރުމަށްފަހު ފޮޓޯއަކަށް ހުއްޓިގެން -- ފޮޓޯ: މުހައްމަދު ޝާބިން / އަދަދު

އަދަދު ސާފް ޗެމްޕިއަންޝިޕު ކަވަރޭޖު ޕާޓުނަރު، މޯލްޑިވްސް ޕޯސްޓް ލިމިޓެޑާ އެކު ސޮއި ކުރުމަށްފަހު ފޮޓޯއަކަށް ހުއްޓިގެން -- ފޮޓޯ: މުހައްމަދު ޝާބިން / އަދަދު

އަދަދު ނޫހުން ގެނެސްދިނުމަށް ހަމަޖެހިފައިވާ މިފަހަރުގެ ސާފް ޗެމްޕިއަންޝިޕުގެ ކަވަރޭޖު ޕާޓުނަރެއްގެ ގޮތުގައި މޯލްޑިވްސް ޕޯސްޓު ލިމިޓެޑާ އެކު މިއަދު ސޮއިކޮށްފި އެވެ.

މިމަހު 21 ގައި އިންޑިއާގެ ބެންގަލޫރުގައި ފަށާ ސާފް ޗެމްޕިއަންޝިޕުގެ ކަވަރޭޖު ވަރަށް ތަފާތުކޮށް އަދަދު ނޫހުން ގެނެސްދޭނެ އެވެ. އެގޮތުން ޓީމުތަކާ ބެހޭ މައުލޫމާތުގެ އިތުރުން ސަޕޯޓަރުންގެ ފޯރި އާއި ޖޯޝު ވެސް ނޫހުގެ ކިޔުންތެރިންނަށާއި ބެލުންތެރިންނަށް ގެނެސްދިނުމަށް ވަނީ ހަމަޖެހިފަ އެވެ.

މި ސަރަހައްދުގައި ބާއްވާ އެންމެ ފޯރިގަދަ ފުޓުބޯޅަ މުބާރާތް، ސާފް ޗެމްޕިއަންޝިޕުގެ ކަވަރޭޖު ޕާޓުނަރެއްގެ ގޮތުގައި އަދަދާއެކު ޕޯސްޓު ލިމިޓެޑުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު، އާދަމް ޔޫސުފް އެވެ. އަދަދު ނޫހުގެ ފަރާތުން ސޮއި ކުރެއްވީ، މި ނޫހުގެ ސީއީއޯ، ހުސެއިން ފިޔާޒް މޫސާ އެވެ.

ސާފް ޗެމްޕިއަންޝިޕުގެ ކަވަރޭޖު ޕާޓުނަރާއެކު ސޮއި ކުރުމުގެ ރަސްމިއްޔާތުގެ ތެރެއިން -- ފޮޓޯ: މުހައްމަދު ޝާބިން / އަދަދު
ސާފް ޗެމްޕިއަންޝިޕުގެ ކަވަރޭޖު ޕާޓުނަރާއެކު ސޮއި ކުރުމުގެ ރަސްމިއްޔާތުގެ ތެރެއިން -- ފޮޓޯ: މުހައްމަދު ޝާބިން / އަދަދު

ސާފް ޗެމްޕިއަންޝިޕުގެ ކަވަރޭޖު ޕާޓުނަރާއެކު ސޮއި ކުރުމުގެ ރަސްމިއްޔާތުގެ ތެރެއިން -- ފޮޓޯ: މުހައްމަދު ޝާބިން / އަދަދު

ސާފް ޗެމްޕިއަންޝިޕެއްގެ މީޑިއާ ޕާޓުނަރުކަން މީގެ ކުރިން ހަމައެކަނި ކޮށްފައިވާ ދިވެހި އޮންލައިން މީޑިއާ، އަދަދު ނޫހުން މިފަހަރުގެ މުބާރާތުގެ ކަވަރޭޖު ވެސް ވަރަށް ފުރިހަމައަށް ގެނެސްދޭނެ ކަމަށް ހުސެއިން ފިޔާޒް ވިދާޅުވި އެވެ.

"މިފަހަރުގެ ސާފް ޗެމްޕިއަންޝިޕުގައި ވެސް އެންމެ ފުރިހަމަ ކަވަރޭޖެއް ގެނެސްދޭނީ އަޅުގަނޑުމެން، އަދަދު ނޫހުން،" އޭނާ ވިދާޅުވި އެވެ.

މީގެ ކުރިން 2021 ވަނަ އަހަރު ރާއްޖޭގައި ބޭއްވި މުބާރާތުގައި ވެސް ގެނެސްދިން ފަދަ ކޮންޓެންޓުތައް މިފަހަރުގެ މުބާރާތުގެ ކަވަރޭޖުގައި ވެސް އެއަށްވުރެ ފުރިހަމައަށް ގެނެސްދޭނެ ކަމުގެ ޔަގީންކަން ކިޔުންތެރިންނަށާއި ބެލުންތެރިންނަށް ފިޔާޒު ދެއްވި އެވެ.

"ވިޝުއަލް ކޮންޓެންޓާއި ޓީމުތަކުގެ އިންޓަވިއުތަކާއި ފޮޓޯ އަދި ސަޕޯޓަރުންގެ ފޯރިއާއި ޖޯޝު އިންޑިއާއިންނާއި ރާއްޖެއިން ވެސް އަޅުގަނޑުމެން ގެނެސްދޭނަން،" އޭނާ ވިދާޅުވި އެވެ.

"މި ކަވަރޭޖަށް އިތުރު ޕާޓްނަރުން އަންނާނެ. އިތުރު ވިޔަފާރިތައް ވެސް. އަދި އެހެން ފަރާތްތަކުން ޕާޓްނަޝިޕްވާނެ."

ސާފް ކަވަރޭޖު ކުރިއަށް ގެންދާނީ އަދަދުގެ ސްޕޯޓްސް އެޑިޓަރު އައްޒާމް އަލިފުޅާއި ސްޕޯޓްސް ޖާނަލިސްޓު އިސްމާއީލް އަޒްމީން އަދި ކްރިއޭޓިވް ޓީމުންނެވެ.

ސާފް ޗެމްޕިއަންޝިޕުގެ އެންމެ ފަހުގެ ހަބަރުތައް ކިޔުންތެރިންނާ ހަމައަށް އަދަދުން ގެނެސްދޭނީ އެކަމަށް ހާއްސަކޮށް ލޯންޗު ކުރާ ވެބްސައިޓު ޕޭޖުންނާއި ސޯޝަލް މީޑިއާ މަންސަތައް ބޭނުން ކޮށްގެންނެވެ. އެގޮތުން އަދަދުގެ ފޭސްބުކް، ޓުވިޓާ، ޓިކްޓޮކް އަދި ޓެލެގުރާމް ޗެނެލް މެދުވެރިކޮށް ސާފް ޗެމްޕިއަންޝިޕުގެ އެންމެ ތާޒާ ހަބަރުތައް ގެނެސްދެމުން ދާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox