ބެއިޖިން، ޗައިނާ (މޭ 30) - ތިން އަހަރަށް ފަހު ޓެސްލާގެ ސީއީއޯ އެލޮން މަސްކް ޗައިނާއަށް ކުރި ދަތުރެއްގައި އެ ގައުމުގެ ފޮރިން މިނިސްޓަރު ޗިން ގާންގްއާ ބައްދަލުކޮށްފި އެވެ.
އިލެކްޓްރިކް އުޅަނދުގެ އެންމެ ބޮޑު މާކެޓެއް އޮންނަނީ ޗައިނާގަ އެވެ. އިލެކްޓްރިކް އުޅަނދު އުފައްދާ ޓެސްލާއިން އެޕްރީމް މަހު ބުނީ ޝަންހާއީގައި ދެ ވަނަ ފެކްޓްރީއެއް ހުޅުވާނެ ކަމަށެވެ.
ބޭރުގެ ކުންފުނިތަކަށް ފަސޭހަކަމާ އެކު ވިޔަފާރި ހިންގޭ، ގާނޫނީ ނިޒާމުގެއް މައްޗަށް ބިނާވެފައިވާ މާހައުލެއް ގާއިމްކުރަން ޗައިނާއިން ލަނޑުދަނޑި ކަނޑައަޅާފައިވާ ކަމަށް ޗިން ވިދާޅުވި އެވެ.
ޗައިނާ ފޮރިން މިނިސްޓްރީގެ ބަޔާނެއްގައިވާ ގޮތުން ރައްދުގައި މަސްކް ބުނީ "ކުންފުނިތައް އެކަހެރިކޮށް، ޗޭނުތައް ނައްޓާލުމާ ޓެސްލާ ދެކޮޅު ކަމަށާއި ޗައިނާގައި ވިޔަފާރު ފުޅާކުރަން ބޭނުންވާ" ކަމަށެވެ.
މަސްކް އާއި ޗައިނާއާ އޮންނަ ގުޅުމާ މެދު އެމެރިކާއިން ކަންބޮޑުވެ އެވެ. މިދިޔަ ނޮވެމްބަރު މަހު ރައީސް ޖޯ ބައިޑެން ވިދާޅުވީ މަސްކް އާއި ބޭރު ގައުމުތަކާ އޮންނަ ގުޅުން "ބަލާލުން ރަނގަޅު" ކަމަށެވެ.
ޝަންހާއީގައި ޓެސްލާގެ ގިގަފެކްޓްރީ ހުޅުވީ 2019 ގަ އެވެ. އަލަށް އިއުލާން ކުރި ދެ ވަނަ ފެކްޓްރީގައި އަހަރަކު 10،000 މެގަޕެކް ޔުނިޓުގެ ގާބިލްކަން ހުންނާނެ ކަމަށް ޝިންހުއާ ނިއުސް އެޖެންސީން ބުންޏެވެ.
