ޕިންކް ފްލޮއިޑްގެ ރޮޖާ ވޯޓާޒްއާ މެދު ޖަރުމަނުން ނުރުހިއްޖެ

ރޮޖާ ވޯޓާޒްގެ "ދިސް އިޒް ނޮޓް އަ ޑްރިލް" ޓުއާގެ ތެރެއިން ޝޯއެއް. -- ފޮޓޯ: ރޮއިޓާޒް

ރޮޖާ ވޯޓާޒްގެ "ދިސް އިޒް ނޮޓް އަ ޑްރިލް" ޓުއާގެ ތެރެއިން ޝޯއެއް. -- ފޮޓޯ: ރޮއިޓާޒް

ބާލިން، ޖަރުމަނު (މޭ 27) - ޖަރުމަނުގެ ކުރީގެ ލީޑަރު އެޑޯލްފް ހިޓްލަރުގެ "ނާޒީ" ފައުޖުން ބޭނުންކުރި ޔުނިފޯމާ އެއް ގޮތް ޔުނިފޯމެއް ޝޯއެއްގެ ތެރެއިން ލީ ކަމަށް ބުނެ ޕިންކް ފްލޮއިޑްގެ މިޔުޒީޝަން ރޮޖާ ވޯޓާޒްގެ މައްސަލަ ބަލަން ގޮވާލައިފި އެވެ.

ޔަހޫދީންނާ ދެކޮޅު ވިސްނުން ހުއްޓުވުމަށް ޖަރުމަނުން ކަނޑައަޅާފައި ހުންނަ އޮފިޝަލް ފީލިކްސް ކްލެއިން ވިދާޅުވީ ބާލިންގެ ކޮންސެޓެއްގެ ތެރެއިން އެ ޔުނިފޯމް ލީ މައްސަލަ ބަލައި، ވޯޓާޒް ޖަވާބުދާރީ ކުރުވަން ޖެހޭނެ ކަމަށެވެ.

މީގެ ކުރިން ކޯޓުގައި ކުރިއަށް ގެންދިޔަ މައްސަލަތައް ވޯޓާޒްއާ އެއްކޮޅަށް ނިމުނު ނަމަވެސް، އޭނާއަކީ ޔަހޫދީންނާ މެދު ނަފުރަތު އުފައްދާ މީހެއް ކަމަށް ފިޔުންކޭ މީޑިއާ ގްރޫޕަށް ދިން އިންޓަވިއުއެއްގައި ކްލެއިން ވިދާޅުވި އެވެ.

ބާލިންގެ ފުލުހުން ހުކުރު ދުވަހު ބުނީ ވޯޓާޒްގެ މައްސަލަ ބަލަން ފަށާފައިވާ ކަމަށެވެ.

އިނގިރޭސިވިލާތުގައި އުފެދުނު ކާމިޔާބު ބޭންޑް ޕިންކް ފްލޮއިޑްގެ އެއް ފައުންޑަރުގެ ގޮތުގައި ހިމެނޭ ވޯޓާޒްއަކީ ފަލަސްތީނުގެ ހައްގުގައި އަޑު އުފުލާ ވަރުގަދަ އެކްޓިވިސްޓެކެވެ. އޭނާގެ ކޮންމެ ޝޯއެއްގެ ތެރެއިން ވެސް ފަލަސްތީނުގެ ހައްގުގައި ޝުއޫރު ފާޅުކުރެ އެވެ.

މި ވަގުތު ކުރިއަށް ދަނީ ވޯޓާޒްގެ "ދިސް އިޒް ނޮޓް އަ ޑްރިލް" ޓުއާގެ ޝޯތަކެވެ. ޔޫރަޕްގެ ގިނަ ގައުމުތަކެއްގެ ޝޯ ދީފައިވާ އިރު، ޖަރުމަނުގެ ބައެއް ސިޓީތަކުން ވަނީ އޭނާގެ ޝޯ މަނާކުރުމަށް މަސައްކަތްކޮށްފަ އެވެ.

އެކަމަކު ކޯޓުން ނިންމާފައި ވަނީ މަނާ ނުކުރެވޭނެ ކަމަށެވެ. ޔަހޫދީންނާ ދެކޮޅު ވިސްނުން ގެންގުޅޭ ކަމަށް ކުރާ ތުހުމަތުތައް ވޯޓާޒް ދޮގުކުރެ އެވެ. އޭނާ ބުނީ އަޑުއުފުލަނީ އިޒްރޭލުގެ ސިޔާސަތުތަކާ ދެކޮޅަށް ކަމަށާއި ޔަހޫދީންނާ ދެކޮޅަށް ނޫން ކަމަށެވެ.

ހުކުރު ދުވަހުގެ ޝޯގެ ތެރެއިން އޭނާ ވަނީ ނުހައްގުން މަރުވެފައިވާ ބައެއް މީހުންގެ ނަންތައް ބޮޑު ސްކްރީނަށް އަރުވައިފަ އެވެ. އޭގެ ތެރޭގައި ހިޓްލަރުގެ ވެރިކަމުގައި ޔަހޫދީން އުޅެން މަޖުބޫރުވި ކޭމްޕެއްގައި މަރުވި އޭން ފްރޭންކްގެ ނަން ހިމެނެ އެވެ.

އޭގެ އިތުރުން މިދިޔަ އަހަރު އިޒްރޭލުގެ ފުލުހުން ގަސްދުގައި ބަޑި ޖަހައި މަރާލި ފަލަސްތީނުގެ ނޫސްވެރިޔާ ޝީރީން އަބޫ އަކްލެހްގެ ނަން ވެސް ސްކްރީނަށް އެރުވި އެވެ.

ކޮމެންޓް

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox