ރާއްޖޭގައި އޮސްޓްރޭލިއާގެ ހައިކޮމިޝަނެއް ހުޅުވައިފި އެވެ.
ރާއްޖޭގައި ހުޅުވި އޮސްޓްރޭލިއާގެ ހައިކޮމިޝަން ގާއިމްކޮށްފައި ވަނީ ހޮޓެލް ޖެންގެ ފަސްް ވަަނަ ފަންގިފިލާގަ އެވެ. ހައިކޮމިޝަނުގެ ވެބްސައިޓުގައި ބުނެފައި ވަނީ ކޮންސިއުލާ ހިދުމަތްތައް ފަދަ ބައެއް ހިދުމަތްތައް އެ ކޮމިޝަނުން ލިބޭނެ ކަމަށާއި، ނަމަވެސް ވިސާ އަދި ޕާސްޕޯޓާ ގުޅުންހުރި ހިދުމަތްތައް އަދިވެސް ލިބޭނީ ސްްރީލަންކާގެ ވެރިރަށް ކޮލަމްްބޯގައި ހުންނަ ހައި ކޮމިޝަނުން ކަމަށެވެ.
މިކަމާ ގުޅިގެން ފޮރިންް މިނިސްްޓަރު އަބްދުﷲ ޝާހިދު ކުރެއްވި ޓްވީޓެއްގައި ވިދާޅުވީ ރާއްޖޭގައި އޮސްޓްރޭލިއާގެ ހައިކޮމިޝަނެއް ހުޅުވުމުން ނުހަނު އުފާކުރާ ކަމަށާއި، މިކަމުގެ ސަބަބުން އޮސްޓްރޭލިއާ އާއި ރާއްޖެއާ ދެމެދު އޮންނަ ގުޅުން އާ އުސްމިންތަކަކަށް ދާނެކަން ޔަގީންކުރައްވާ ކަމަށެވެ.
މީގެ ކުރިން އޮސްޓްްރޭލިއާ އާއި ރާއްޖެއާ ގުޅުންހުރި ކަންކަން ބަލަހައްޓަމުން ދިޔައީ ކޮލަމްބޯގައި ހުންނަ ހައިކޮމިޝަނުންނެވެ.
ރާއްޖެ އަދި އޮސްޓްރޭލިއާއިންް ހާރިޖީ ގުޅުން ގާއިމްކުރީ 1974ގަ އަހަރު އެވެ. އޮސްޓްްރޭލިއާއަކީ އެކި ގޮތްގޮތުން ރާއްޖެއަށް އެހީތެރިކަން ފޯރުކޮށްދެމުންް އަންްނަ ގައުމެކެވެ. އެގައުމުން ރާއްޖެއަށް ކަނޑައަޅުއްވާފައިވާ ސަފީރަކީ ޕޯލް ވެސްލީ ސްޓެފަންސް އެވެ.
