މަގުތައް ހަލާކުވާތީ ހުޅުމާލޭގެ ފިތުރޯނު ގަސްތައް ކަނޑާލަނީ

ހުޅުމާލޭގެ ފިތުރޯނު ގަސްތަކެއް: މަގުތައް ހަލާކުވާތީ ފިތުރޯނު ގަސްތައް ކަނޑާލަން ވަނީ ނިންމާފައި -- އަދަދު ފޮޓޯ/ ހުސެއިން ޝަޔާހު

ހުޅުމާލޭގެ ފިތުރޯނު ގަސްތަކެއް: މަގުތައް ހަލާކުވާތީ ފިތުރޯނު ގަސްތައް ކަނޑާލަން ވަނީ ނިންމާފައި -- އަދަދު ފޮޓޯ/ ހުސެއިން ޝަޔާހު

ހުޅުމާލޭގައި އިންދާފައި ހުރި ފިތުރޯނު ގަސްތަކުގެ ސަބަބުން މަގުތަކަށް ގެއްލުންވާތީ އެ ހުރިހާ ގަސްތައް ތިން އަހަރުގެ ތެރޭގައި ކަނޑާލަން ނިންމާފައިވާ ކަމަށް އާބަންކޯއިން ބުނެފި އެވެ.

އާބަންކޯއިން ނެރުނު ބަޔާނެއްގައި ބުނެފައި ވަނީ، ހުޅުމާލޭގައި ފިތުރޯނު ގަސްތައް އިންދާފައި ހުރި ސަރަހައްދުތަކުގެ މަގުތަކަށް ގެއްލުންވަމުންދާ ކަމަށެވެ. އެގޮތުން އެ ސަރަހައްދުތަކުގެ ތާރުގަނޑު ކަނޑައިގެން ދިއުމާއި، ޕޭމަންޓުތަކުގެ ގާތައް ދުރުވެ މަގު ބޭނުންކުރަން ދަތިވާ ކަމަށް ބުންޏެވެ.

އެ މައްސަލައަށް އަވަސް ހައްލެއް ހޯދުމަށް ފިތުރޯނު ގަސްތައް ކަނޑައި އެހެން "އެގްޒޯޓިކް" ބާވަތްތަކެއް އިންދަމުންދާ ކަމަށް އާބަންކޯއިން ބުންޏެވެ.

Advertisement

ފިތުރޯނު ގަސްތައް ކަނޑާއިރު އޭގެ ސަބަބުން ތިމާވެއްޓަށް ގެއްލުމެއް ނުލިބޭނެ އަދި ހުޅުމާލޭގެ ފެހި ކަމާއި، ހިތްފަސޭހަކަން ނުގެއްލޭނެ ގޮތަކަށް އެކަން ކުރަން މަސައްކަތް ކުރަމުންދާ ކަމަށް ވެސް އެ ކުންފުނިން ބުންޏެވެ.

އެގޮތުން ބައެއް ސަރަހައްދުތަކުން ފިތުރޯނު ގަސްތައް ކަނޑާފައި ވަނީ ކޮންމެ ދެ ފިތުރޯނު ގަހެއްގެ މެދުގައި ހަމަ އެގޮތަށް ހެދޭނެ އެގްޒޯޓިކް ގަހެއް ބެހެއްޓުމަށްފަހު ކަމަށް ބުންޏެވެ.

ހުޅުމާލޭގައި އިންދާފައި ހުރި ފިތުރޯނު ގަސްތަކުގެ ސަބަބުން މަގުތަކަށް ގެއްލުންވާތީ އެ ހުރިހާ ގަސްތައް ތިން އަހަރުގެ ތެރޭގައި ކަނޑާލަން ނިންމާފައިވާ ކަމަށް އާބަންކޯއިން ބުނޭ
ހުޅުމާލޭގައި އިންދާފައި ހުރި ފިތުރޯނު ގަސްތަކުގެ ސަބަބުން މަގުތަކަށް ގެއްލުންވާތީ އެ ހުރިހާ ގަސްތައް ތިން އަހަރުގެ ތެރޭގައި ކަނޑާލަން ނިންމާފައިވާ ކަމަށް އާބަންކޯއިން ބުނޭ

ހުޅުމާލޭގައި އިންދާފައި ހުރި ފިތުރޯނު ގަސްތަކުގެ ސަބަބުން މަގުތަކަށް ގެއްލުންވާތީ އެ ހުރިހާ ގަސްތައް ތިން އަހަރުގެ ތެރޭގައި ކަނޑާލަން ނިންމާފައިވާ ކަމަށް އާބަންކޯއިން ބުނޭ

"މި ގަސްތައް ކެނޑިކަމުގައިވީ ނަމަވެސް، އޭގެ ސަބަބުން ހުޅުމާލެ އަށް ލިބޭ އެއްވެސް ފައިދާއެއް ނުގެއްލޭނެ ގޮތަށް އިތުރު ގަސްތައް ކުންފުނީގެ ފަރާތުން އަންނަނީ އިންދަމުންނެވެ." އާބަންކޯއިން ބުންޏެވެ.

އެ ކުންފުނިން ބުނި ގޮތުގައި، މިހާތަނަށް ނިރޮޅުމަގުގައި ހުރި ހުރިހާ ފިތުރޯނު ގަސްތައް ކަނޑާލައި ބަދަލުގައި އެހެން ގަސްތައް ވަނީ ޖަހައިފަ އެވެ. އަދި ފިތުރޯނު މަގުގެ އެއްބައިގައި ވެސް އެ މަސައްކަތް ނިމިފައިވާ ކަމަށް ބުންޏެވެ.

"މި މަސައްކަތް ޕްލޭން ކުރެވިފައިވާގޮތުން ކުރިއަށް އޮތް ތިން އަހަރު ތެރޭގައި މުޅި ހުޅުމާލެއިން ފިތުރޯނުގަސްތައް ކަނޑައި އެހެން ގަސްތައް އިންދާ ބޮޑުކުރެވޭނެ އެވެ."

އާބަންކޯއިން ބުނި ގޮތުގައި ހުޅުމާލޭގައި އެންމެ ފުރަތަމަ ފިތުރޯނު ގަސް ޖެހީ ހިއްކުމަށްފަހު، ބިން ވަރުގަދަ ކުރުމަށެވެ. އަދި އެ ގަސްތައް މޫލައި އަވަހަށް ހެދިގަންނާތީ، ފަސްގަނޑު ވަރުގަދަވުމުގެ އިތުރުން، ބާރު ވައިން ރަށް ސަލާމަތްވެ، ހިޔާ ވެސް ލިބޭތީ އެވެ.

އެކަމަކު، އެފަދަ ގަސްތަކަކީ ވަރަށް ޖާގަ ބޮޑު، ހުސް ސަރަހައްދުތަކުގައި ހެއްދޭ ކަހަލަ ގަސްތަކަށްވާއިރު، ހުޅުމާލެ ތަރައްގީވަމުން އައިއިރު، މަގުތައް ހެދުމާއި، އިމާރާތްތައް ހެދުމުގެ ސަބަބުން ފިތުރޯނު ގަސްތައް ހެއްދިފައި ހުރީ އާންމުންނާ ގާތުގައި ކަމަށް އެ ކުންފުނިން ބުންޏެވެ.

އާބަންކޯއިން ބުނީ އޭރު ގަސްތައް އިންދި އިރު ވެސް ހުޅުމާލޭގެ ގްރީނިން ނުވަތަ ފެހި ކުރުމުގެ ޕްލޭން އޮތީ މިހާރު ވެސް އޮތް ގޮތަށް ކަމަށެވެ. އަދި އޭރު ވެސް ރޭވިފައި އޮތީ ގްރީނިންގެ ފޭސް އެކެއްގައި ފިތުރޯނުގަސްތައް ޖަހައި، ވަކި ވަރަކަށް ބޮޑުވެ، ރަށް ތަރައްގީވެ، އާބާދުވުމުން، އެ ގަސްތައް ބަދަލުކުރުމަށް ކަމަށެވެ. އަދި މިހާރު އެ ގަސްތައް ބަދަލުކުރުމުގެ މަސައްކަތް ފަށާފައިވާއިރު އެއީ އެ ޕްލޭންގެ ދެވަނަ ފޭސް ކަމަށް އާބަންކޯއިން ބުންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox