ބެންގަލޫރު، އިންޑިއާ (މޭ 13) - އިންޑިއާގެ ދެކުނު ކަރްނާޓަކާ ސްޓޭޓުގެ އިންތިހާބުގައި ބޮޑު ވަޒީރު ނަރެންދްރަ މޯދީގެ ބަރަތިޔަ ޖަނަތަ ޕާޓީ (ބީޖޭޕީ) އަށް ބޮޑު ގެއްލުމެއް ލިބިއްޖެ އެވެ.
ރިޕޯޓުތައް ބުނާ ގޮތުން އެ ސްޓޭޓުން ކުރި ހޯދީ މައި އިދިކޮޅު ކޮންގްރެސް ޕާޓީ އެވެ. ކަރްނާޓަކާގެ އިތުރުން ވެސް މި އަހަރު ހަތަރު ސްޓޭޓެއްގެ އިންތިހާބު އޮންނާނެ އެވެ. އަންނަ އަހަރު އާއްމު އިންތިހާބު އޮންނައިރު، މި އަހަރުގެ އިންތިހާބުގެ ނަތީޖާތަކުން ރައްޔިތުންގެ ވިސްނުން ހުރި ގޮތް ސާފުވާނެ އެވެ.
މިއީ ކޮންގްރެސްގެ ލީޑަރު ރާހުލް ގާންދީގެ ޕާލަމެންޓް ގޮނޑި ގެއްލިފައިވާ ކަމަށް ކަނޑައެޅި ފަހުން އެ ޕާޓީ އާއި ބީޖޭޕީގެ އެންމެ ފުރަތަމަ ކުރިމަތިލުމެވެ.
މީގެ ކުރިން ބީޖޭޕީގެ ކޮންޓްރޯލް އޮތް ކަރްނާޓަކާގައި ވޯޓުލީ މިދިޔަ ބުދަ ދުވަހު އެވެ. ހޮނިހިރު ދުވަހު ވޯޓު ގުނައި ނިމުނު އިރު، 224 ގޮނޑީގެ ތެރެއިން ބީޖޭޕީއަށް ލިބުނީ އެންމެ 64 ގޮނޑި އެވެ. ކޮންގްރެސް ޕާޓީއަށް 136 ގޮނޑު ޔަގީންވެ އެވެ.
މޯދީ ވެރިކަމުގައި ހުންނަވާތާ ނުވަ އަހަރު ފުރިފައިވާ އިރު، އެމަނިކުފާނުގެ މަގުބޫލުކަން އަދިވެސް ބޮޑެވެ. އެހެންވެ، ކަރްނާޓަކާއިން ބީޖޭޕީއަށް ލިބުނު ދެރައަކީ ގިނަ ބަޔަކަށް ޝޮކެކެވެ.
