މިއަދު ފާހަގަ ކުރަމުންދާ ކުޑަކުދިންގެ ދުވަހުގެ ތަހުނިޔާ މީޑިއާނެޓުން މި ކިޔަނީ ތަފާތު ގޮތަކަށެވެ.
ކުޑަކުދިންގެ ތެރޭގައި މަގުބޫލު ނިކް ޖޫނިއާ ޗެނަލްގެ ގިނަ ޝޯތައް ވީޑިއޯ ކުލަބުން މިހާރު ސްޓްރީމް ކޮށްލެވޭނެ އެވެ. ނިކް ޖޫނިއާ އިން ކުޑަކުދިންގެ ތަރުހީބު ހޯދާފައިވާ ޝޯތައް ކަމަށްވާ "ބްލޭޒް އެންޑް ދަ މޮންސްޓާ މެޝިން"، ބްލޫސް، ކްލޫސް، އެންޑް ޔޫ"، "ބަބްލް ގަޕީސް"، "ބަޓާބީންސް ކެފޭ"، "ޕޯ ޕެޓްރޯލް" އަދި "ޓޮޕް ވިންގްސް" މިހާރު ވީޑިއޯކުލަބުން ސްޓްރީމް ކޮށްލެވޭނެ އެވެ. މިޝޯތައް ވީޑިއޯ ކުލަބުގެ ޕްލެޓްފޯމަށް މުޅިން އަލަށް އައިސްފައި ވާއިރު، މީގެ ތެރެއިން ކޮންމެވެސް ދެ ޝޯއެއްގެ އާ ސީޒަނެއް ކޮންމެ ހަފްތާއަކު ވީޑިއޯކުލަބުން ރިލީޒްކުރާނެ އެވެ. ވީޑިއޯކުލަބަށް މިޝޯތައް އައުމުގެ އުފަލުގައި ވީޑިއޯކުލަބުން މިއަދު ވަނީ ކުޑަކުދިންނަށް ހާއްސަ ޕްރޮމޯޝަނެއް ފަށައިފަ އެވެ. "ވީޑިއޯކުލަބް ކިޑްސް ފިއެސްޓާ" ޕްރޮމޯޝަން ކުރިއަށް ދާނީ ޖޫން 10 ގެ ނިޔަލަށް ކަމަށް މީޑިއާނެޓުން ބުންޏެވެ.
ނިކް ޖޫނިއާގެ ޝޯތަކުގެ އިތުރުން ވީޑިއޯކުލަބުން މިހާރުވެސް ބެލޭނެ އެނިމެކްސްގެ އެނިމޭ ޝޯތައް ވެސް މި ޕްރޮމޯޝަންގައި ފީޗާ ކޮށްފައިވެ އެވެ. އެނިމެކްސްގެ މަޝްހޫރު އެނިމޭތައް ކަމަށްވާ "ހޮރިމިޔާ"، "ހައިކްޔޫ"، އިންސްޕެކްޓާ" އަދި " މިޓްސުބޮޝީ ކަލާސް" ހިމެނެ އެވެ. ވީޑިއޯކުލަބަށް ސަބްސްކުރައިބް ކޮށްގެން ބައިވެރިވެވޭ މި ޕްރޮމޯޝަންގައި ނަސީބުވެރި ފަރާތަކަށް ކޮންމެ ހަފްތާއަކު ގިފްޓް ހެމްޕާއެއް ލިބުމުގެ ފުރުސަތު އޮތްއިރު، ގިފްޓް ހެމްޕާގައި ހިމެނިފައިވަނީ މުޅިންވެސް ނިކް ޖޫނިއާ އަދި އެނިމެކްސް ގެ ޝޯތަކުގެ އޮރިގިނަލް މާޗެންޑައިޒް އެވެ. މީގެ ތެރޭގައި ކުޅޭ ސާމާނާއި، ސްޓޭޝަނަރީގެ އިތުރުން އެހެނިހެން މެމޮރެބްލިއާ ހިމެނިފައިވާނެ އެވެ. ޕްރޮމޯޝަން އިތުރަށް ފޯރިގަދަ ކުރުމުގެ ގޮތުން ވީޑިއޯކުލަބުން ވަނީ ވީޑިއޯކުލަބް ކިޑްސް ފިއެސްޓާގެ ނަމުގައި ކުޑަކުދިންގެ ހަވީރެއް ބާއްވަން ހަމަޖެހިފައެވެ. ރާއްޖޭގެ އެކި ރަށްތަކުގައި ބާއްވަން ހަމަޖެހިފައިވާ މި އިވެންޓްގައި ކުޑަކުދިންނާއި ގުޅޭން ތަފާތު އެކިއެކި ހަރާކާތްތައް ހިމެނިފައި ވާނެއެވެ. މިއިވެންޓް އޮންނާނެ ދުވަހަކާއި ރަށްތައް ވީޑިއޯކުލަބުން ވަރަށް އާންމުކުރާނެ އެވެ.
