އޮސްޓްރޭލިއާގެ ކުންފުންޏަކަށް ޒިމްބާބުވޭއިން ތެލާއި ގޭސް ފެނިއްޖެ

ތެޔޮ ކާރުހާނާއެއް. -- ފޮޓޯ: އޭއެފްޕީ

ތެޔޮ ކާރުހާނާއެއް. -- ފޮޓޯ: އޭއެފްޕީ

ހަރާރޭ، ޒިމްބާބުވޭ، (މޭ 9) - ޒިމްބާބުވޭގެ މީހުން މަދު އިރުއުތުރު ސަރަހައްދަކުން ތެލާއި ގޭސް އަދި ހީލިއަމް ފެނިފައިވާ ކަމަށް އޮސްޓްރޭލިއާގެ ކުންފުނި، އިންވިކްޓަސް އެނާޖީއިން ހޯމަ ދުވަހު އިއުލާންކޮށްފި އެވެ.

ޒިމްބާބުވޭއިން މުއްސަނދި ގުދުރަތީ ވަސީލަތްތައް ފެނުނީ ގިނަ މަސްތަކެއް ވަންދެން ކުރި ބުރަ މަސައްކަތުންނެވެ. ޒިމްބާބުވޭ އާއި މޮޒަމްބީކް ގުޅޭ ބޯޑަރު ކައިރިން ނެގި ސާމްޕަލްތަކުގެ ތަހުލީލުން ދެއްކި ގޮތުގައި އެ ތަނުގައި "ލައިޓް އޮއިލް، ގޭސް، ހީލިއަމް" އެބަ ހުއްޓެވެ.

މި ނަތީޖާއިން ޔަގީންވަނީ އެ ސަރަހައްދުގެ ގިނަ ވަޅުތަކުގައި ގުދުރަަތީ މުއްސަނދިކަން ހުރިކަމުގައި ކަމަށް އިންވިކްޓަސް އެނާޖީއިން ނެރުނު ބަޔާނެއްގައި ބުންޏެވެ.

އެ ސަރަހައްދުން ސާފު ނުކުރާ ތެޔޮ ފެނޭތޯ އެމެރިކާގެ ކުންފުނި އެކްސޮން މޮބިލްއިން މަސައްކަތްކޮށް، ކާމިޔާބު ނުވެގެން ހުއްޓާލީ މީގެ 30 އަހަރު ކުރިންނެވެ.

އާ ހޯދުމާ އެކު ޒިމްބާބުވޭގައި ފުރަތަމަ ފަހަރަށް ގޭސް އުފައްދައި، އެ ގައުމުގެ ހަކަތައިގެ ނިޒާމު ވަރުގަދަ ކުރެވޭނެ އެވެ. ޒިމްބާބުވޭއަކީ ކަރަންޓާއި ހަކަތައިގެ ދަތިކަން ވަރަށް ބޮޑަށް އޮތް ގައުމެކެވެ. އެގޮތުން ބައެއް ދުވަސް ދުވަހު 19 ގަޑިއިރަށް ވެސް ކަރަންޓުގެ ހިދުމަތް މެދުކެނޑެ އެވެ.

އިންވިކްޓަސް އެނާޖީއިން ޒިމްބާބުވޭގެ ސަރުކާރާ އެކު އެއްބަސްވުމެއްގައި ސޮއިކޮށް މަސައްކަތް ފެށީ 2018 ގަ އެވެ. އެ ކުންފުނިން ރާވާފައި ވަނީ ޒިމްބާބުވޭގެ ގައުމީ ކަރަންޓު ގްރިޑަށް ހަކަތަ ސަޕްލައި ކުރަން ގޭހުން ހަކަތަ އުފެއްދޭނެ ފެސިލިޓީއެއް އެޅުމަށެވެ.

އެއްބަސްވުމުގެ ދަށުން އިންވިކްޓަސް އެނާޖީއިން އުފައްދާ ހަކަތައިގެ ގާތްގަނޑަކަށް 60 ޕަސެންޓު ދޭން ޖެހޭނީ ސަރުކާރަށެވެ. އެހެންކަމުން މިއީ ރައީސް އެމެސަން މްނަންގަގްވާގެ ސަރުކާރަށް ބޮޑު ކާމިޔާބެކެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox