ސިންގަޕޫރު (އެޕްރީލް 30) - މި އަހަރު ސިންގަޕޫރުގެ އިގްތިސާދީ ދުވެލި މަޑުވި ނަމަވެސް "ކޮންޓްރެކްޓު ނުވެ" ސަލާމަތް ވާނެ ކަމަށް ބޮޑު ވަޒީރު ލީ ސިއެން ލޫންގް ވިދާޅުވެއްޖެ އެވެ.
އިރުދެކުނު އޭޝިއާގައި އޮންނަ ސިންގަޕޫރުގެ އިގުތިސާދީ ހާލަތުން މުޅި ދުނިޔޭގެ ހާލަތު ރަމްޒުކޮށްދޭ ކަމަށް އެނެލިސްޓުން ބުނެ އެވެ. ސިންގަޕޫރަކީ އެހެން ގައުމުތަކާ އެކު އޮންނަ ވިޔަފާރި ގުޅުމަށް ބަރޯސާވާ ގައުމެކެވެ.
މާލީ މަރުކަޒެއްގެ ގޮތުގައި މަގްބޫލު ސިންގަޕޫރުގަކީ، ދުނިޔޭގެ އެންމެ ކާރޫބާރޫ ބޮޑު ބަނދަރެވެ. އެއީ އޭޝިއާ އާއި އެހެން ބައްރުތައް ގުޅުވާލަދޭ މުހިއްމު މަންޒިލެކެވެ.
މި އަހަރުގެ މަސައްކަތްތެރިންގެ ދުވަހާ ދިމާކޮށް ދެއްވި މެސެޖުގައި ބޮޑު ވަޒީރު ލީ ވިދާޅުވީ އަހަރުގެ ފަހުކޮޅުގައި އިންފްލޭޝަން ދަށްވުމުގެ އުއްމީދު އެބަ އޮތް ކަމަށެވެ.
"އެހެން ނަމަވެސް ގައުމުން ބޭރުގައި އޮތް ހާލަތު ވަރަށް އުނދަގޫ،" ހުޅަނގުގެ އިގުތިސާދު މަޑުޖެހެމުންދާކަން ފާހަގަކުރައްވައި ލީ ވިދާޅުވި އެވެ.
ތަފާސްހިސާބު ދައްކާ ގޮތުން 2022 ވަނަ އަހަރު ސިންގަޕޫރުގެ އިގްތިސާދު ފުޅާވީ 3.6 ޕަސެންޓުންނެވެ. އެއާ އަޅާ ބަލާއިރު 2021 ގައި 8.9 ޕަސެންޓުގެ ކުރިއެރުމެއް ލިބުނެވެ.
ސިންގަޕޫރުގެ މަނިޓަރީ އޮތޯރިޓީން ބުނީ މި އަަހަރު އެ ގައުމުގެ ޖީޑީޕީއަށް 0.5 ޕަސެންޓާއި 2.5 ޕަސެންޓާ ދެމެދު ކުރިއެރުމެއް ލިބުން އެކަަށީގެންވާ ކަމަށެވެ.
