އާފުރުމަކީ އެންމެނަށް ވެސް ދިމާވާ އަދި ގިނަ ފަހަރަށް އިހްތިޔާރަކާ ނުލައި ކުރެވޭ ކަމެކެވެ. އެއީ ފުންކޮށް ނޭވާލުމާއި އަނގައިން އަޑުއިވޭ ގޮތަށް ނޭވާ ދޫކުރުން ހިމެނޭ އަމަލެކެވެ. ވަރުބަލިވުމާއި، ފޫހިވުމާއި، ނުވަތަ ކަސްރަތުކުރުމުން ވެސް އާފުރެދާނެ އެވެ. ނަމަވެސް އާފުރުމުގެ އެންމެ ޝައުގުވެރި އެއް ކަމަކީ އޭގެ ވާރުތަވާ ސިފަ އެވެ. އެހެން މީހުން އާފުރޭތަން ފެނުމުން ގިނަ ފަހަރަށް އަހަރުމެން ވެސް އާފުރެ އެވެ. އެއީ ނިދި އައިސްފައިނުވާ ކަމުގައި ވިޔަސްމެ އެވެ.
އިންސާނުންގެ އިތުރުން ޗިމްޕެންޒީ އާއި ބުޅާ ފަދަ ބައެއް އެހެން ޖަނަވާރުތަކުގައި ވެސް މިފަދަ ގޮތަކަށް އާފުރުން ވާރުތަކުރާތަން ފެނިފައިވެ އެވެ. މިހެން އާފުރެވެނީ އެހެން މީހަކު އާފުރޭތަ ފެނުމުން ނުވަތަ އޭގެ އަޑު އިވުމުންނެވެ. މިއަކީ އަހަރުމެންގެ އިހްތިޔާރުން ބޭރުގައި ހިނގާ ކަމެކެވެ.
އެހެން މީހުން އާފުރޭތަން ފެނުމުން އަހަރެމެން އާފުރެނީ ކީއްވެގެންތޯ ބުނާ އެއް ތިއަރީ ގުޅިފައިވަނީ އެންޕެތީގެ ކޮންސެޕްޓާއެވެ. އެންޕެތީ އަކީ އެހެން މީހެއްގެ އިހްސާސްތައް ދެނެގަނެ، ހިއްސާވުމުގެ ގާބިލުކަމެވެ. ދިރާސާވެރިން ހޯދި ހޯދުންތަކުން ދައްކާ ގޮތުގައި އެންޕެތީ ޓެސްޓްތަކުން މަތީ މާކްސް ލިބޭ މީހުންގެ ކިބައިން، އެހެން މީހެއް އެކަން ކުރާތަން ފެނިގެން އާފުރުމުގެ ފުރުސަތު ބޮޑުވެ އެވެ. މިކަމުން ދޭހަވަނީ އެހެން މީހުން އާފުރޭތަން ފެނުމުން ރައްދުގައި އާފުރުމަކީ އިޖުތިމާއީ ގުޅުމާއި އެންޕެތީގެ ނިޝާނަކަށް ވެދާނެކަމެވެ.
އަނެއް ތިއަރީއަކުން ބުނާ ގޮތުގައި އާފުރުން ވާރުތަ ކުރުމަކީ އަހަރެމެންގެ ސިކުނޑީގެ މިރޯ ނިއުރޯން ނިޒާމާ ގުޅުން ހުރި ކަމެކެވެ. މިރޯ ނިއުރޯންސް އަކީ އަހަރެމެން އަމަލެއް ކުރާއިރު އަދި އެހެން މީހަކު ހަމަ އެ އަމަލު ކުރާތަން ފެނުމުން މަސައްކަތްކުރާ ހާއްސަ ސިކުނޑީގެ ސެލްތަކެކެވެ. މިރޯ ނިއުރޯން ސިސްޓަމް އަކީ އިމިޓޭޝަން އާއި އުނގެނުމުގައި ދައުރެއް އަދާކުރާ އެއްޗެއް ކަމަށް ބެލެވެއެވެ. ބައެއް ދިރާސާވެރިން ގަބޫލުކުރާ ގޮތުގައި އާފުރުން ވާރުތަ ކުރުމަކީ އެހެން މީހަކު އާފުރޭތަން ފެނުމުން މިރޯ ނިއުރޯންތައް އެކްޓިވޭޓްވުމުގެ ނަތީޖާއަކަށް ވެދާނެ އެވެ.
ތިންވަނަ ތިއަރީއަކުން ދައްކާ ގޮތުގައި އާފުރުން ވާރުތަ ކުރުމަކީ އަހަރެމެންގެ ސިކުނޑީގެ ހޭލުންތެރިކަމާއި ސަމާލުކަން ބެލެހެއްޓުމާއި ގުޅުން ހުރި ކަމެއް ކަމަށް ވެދާނެ އެވެ. ދިރާސާތަކުން ދައްކާ ގޮތުގައި އާފުރުން ވާރުތަ ކުރުމުގެ ފުރުސަތު ބޮޑުވަނީ މީހުން ވަރުބަލިވެ ނުވަތަ ފޫހިވެފައި ހުންނަ ވަގުތު ފަދަ ހޭލުންތެރިކަން ނުވަތަ ސަމާލުކަން ދަށްވާ ހާލަތެއްގަ އެވެ. މި ތިއަރީން ދޭހަވަނީ އެހެން މީހަކު އާފުރޭތަން ފެނި އާފުރުމަކީ ސިކުނޑިން ހޭލުންތެރިކަމާއި ސަމާލުކަން އިތުރުކުރުމަށް ކުރާ ކަމެއް ކަމެވެ.
އާފުރޭތަން ފެނި އާފުރުމަކީ ހަމައެކަނި އިންސާނުންނާއި ބައެއް ޖަނަވާރުތަކަށް ހާއްސަ ކަމަކަށް ނުވެދާނެ ފަދަ ވިސްނުމަކަށް ފަހުގެ ދިރާސާތަކުން ވަނީ ވިސްނަންޖެހިފަ އެވެ ދާދިފަހުން ޕެރޮޓްގެ ވައްތަރެއް ކަމަށްވާ ބަޑްޖެރިގަރސް އާއި ބެހޭ ގޮތުން ކުރި ދިރާސާއަކުން ދައްކާ ގޮތުގައި އެއީ ވެސް އާފުރޭތަން ފެނި އާފުރުމުގެ އަމަލު ދައްކާ އެއްޗެކެވެ. މި ހޯދުމުން، އާފުރޭތަން ފެނި އާފުރުމަކީ ކުރިން ހީކުރި ވަރަށް ވުރެ ފުޅާ ދާއިރާއެއްގައި ހިނގާ، ތަފާތު ޖަނަވާރު ވައްތަރުތަކުގައި ދިމާވާ ކަމެއް ގޮތުގައި ގަބޫލުކުރެވެ އެވެ. ކުރިއަށް އޮތްތަނުގައި ހާމަވާން އިންތިޒާރު ކުރަމުންދާ އާފުރޭތަން ފެނި އާފުރުމާ ބެހޭ އެހެން އަޖައިބުކުރުނަވި ހޯދުންތަކަކީ ކޮބައިތޯ ބަލަމާ ހިނގާހެއްޔެވެ.
