ނަޝީދު ދެއްވި ތަރާވީހަށް މެންބަރުންގެ ޝައުގު ކުޑަ

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރޭ މެންބަރުންނަށް ބޭއްވި ތާރާވީހުގެ ތެރެއިން - ފޮޓޯ: މަޖިލީސް

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރޭ މެންބަރުންނަށް ބޭއްވި ތާރާވީހުގެ ތެރެއިން - ފޮޓޯ: މަޖިލީސް

ރައްޔިތުންގެ މަޖިލީހުގެ މެންބަރުންނަށާއި މުވައްޒަފުންނަށް މަޖިލީހުގެ ރައީސް މުހައްމަދު ނަޝީދު ދެއްވި ތާރާވީހުގައި ގިނަ މެންބަރުން ބައިވެރިވެވަޑައިނުގަންނަވާ ކަން އެނގިއްޖެ އެވެ.

މަޖިލީހުގެ އިދާރާއިން ރޭ ސޯޝަލް މީޑިއާ ޕްލެޓްފޯމްތަކުގައި ހިއްސާކުރި ފޮޓޯތަކުން ފެންނަނީ މަދު މެންބަރުންތަކެކެވެ.

އޭގެ ތެރޭގައި ރައީސް އިބްރާހީމް މުހައްމަދު ސޯލިހުގެ ފެކްޝަންގެ މެންބަރުންގެ ތެެރެއިން ފެންނަނީ ކެޔޮދޫ ދާއިރާގެ މެންބަރު ގާސިމް ހަސަން އެކަންޏެވެ. އެ ފެކްޝަންގެ އެހެން މެންބަރުން ފެންނާކަށް ނެތެވެ.

Advertisement

ދެން އިދިކޮޅު ޕީޕީއެމާއި ޕީއެންސީގެ މެންބަރުންގެ ތެރެއިން މަޑުއްވަރީ ދާއިރާގެ މެންބަރު އާދަމް ޝަރީފާއި މާވަށު ދާއިރާގެ މެންބަރު މުހައްމަދު ސައީދު އެކަންޏެވެ.

އެހެން ސިޔާސީ ޕާޓީތަކުގެ މެންބަރުންނާއި އަމިއްލަ މެންބަރަކު ވެސް ފެންނަން ނެތް އިރު، ދެން ފެންނަނީ ނަޝީދު ފެކްޝަންގެ މެންބަރުންނެވެ. އެ ފެކްޝަންގެ ބައެއް މެންބަރުން ވެސް ނުފެނެ އެވެ.

އެ ރަސްމިއްޔާތު ރައީސް ސޯލިހުގެ ފެކްޝަނުން ބޮއިކޮޓް ކުރީތޯ ސުވާލުކުރުމުން އެ ފެކްޝަންގެ ބައެއް މެންބަރުން "އަދަދު" ނޫހަށް ވިދާޅުވީ އެފަދަ އެއްވެސް ނިންމުމެއް ނޫނީ ވިސްނުމެއް ވެސް މެންބަރުންގެ ތެރޭގައި އޮތް ކަމަކަށް ނުބެލެވޭ ކަމަށެވެ.

"ރޭ ނުވައެއް ޖަހާއިރު އޮތް ގުރައިދޫ ދާއިރާގެ ބައި-އިލެކްޝަންގެ ކެމްޕޭން މީޓިން ވެސް، އެ މީޓިން ބައިވެރިވާން ޖެހޭތީ އަޅުގަނޑަށް ވެސް ނުދެވުނީ،" ގިނަ މެންބަރުންނަށް ބައިވެރިނުވެވުނީ ބައެއް އެހެން ކަންކަން ވެސް އޮތުމުން ކަން ފާހަގަކުރައްވައި ރައީސް ފެކްޝަންގެ މެންބަރަކު ވިދާޅުވި އެވެ.

ނަޝީދު ފެކްޝަނަށް ނިސްބަތްވާ މާފަންނު މެދު ދާއިރާގެ މެންބަރު އިބްރާހީމް ރަޝީދު ވިދާޅުވީ ތާރާވީހުގެ ރަސްމިއްޔާތު އޮތް ވަގުތު ޓީވީ ޕްރޮގްރާމެއް އޮތުމުން ތަރާވީހުގައި ބައިވެރިނުވެވުނީ ކަމަށެވެ.

"އަޅުގަނޑާއި [ކުޅުދުއްފުށި އުތުރު ދާއިރާގެ] މެންބަރު ޔާސިރު [އަބްދުލް ލަތީފް] އުޅުނީ ސަންގު ޓީވީ ޕްރޮގްރާމެއްގައި އެ ގަޑީގައި، އެހެންވެ އަޅުގަނޑުމެންނަކަށް ވެސް ނުދެވުނު، ގިނަ މެންބަރުންނަށް ވެސް އެފަދަ ގޮތެއް ދިމާވީ ކަމަށް މި ބަލަނީ،" އިބްރާހީމް ރަޝީދު ވިދާޅުވި އެވެ.

އެމްޑީޕީގެ އެތެރޭގައި ހިޔާލުތަފާތުވުން ގިނަވެ ދެ ފެކްޝަނަކަށް ބެހިފައިވާ މި ދަނޑިވަޅުގައި، އެއިން އެެއް ފެކްޝަންގެ ލީޑަރަކަށް ހުންނެވި އެ ޕާޓީގެ ރައީސްގެ މަގާމު ވެސް ފުރުއްވަމުން ގެންދަވާ ނަޝީދު އިސްވެ ބޭއްވި ތަރާވީހުގައި ގިނަ މެންބަރުން ބައިިވެރިނުވެ އެވެ. ގިނަ މެންބަރުންގެ ޝައުގެއް އެއަކަށް ނެތެވެ.

ނަވާރަވަނަ ރައްޔިތުންގެ މަޖިލީހުގެ ސުޕަ މެޖޯރިޓީ އޮތް އެމްޑީޕީގެ ޕާލިމެންޓްރީ ގްރޫޕް ދެބައިވެފައި އޮތް ނަމަވެސް މަޖިލީހުގެ މެޖޯރިޓީ އަދިވެސް އޮތީ ރައީސްގެ ފެކްޝަނަށެވެ. ފަހުން އެމްޑީޕީއާ ގުޅުނު މެންބަރުންނާ އެކު 67 މެންބަރުން އެ ޕާޓީގައި ތިއްބެވިއިރު، އޭގެ ތެރެއިން ނަޝީދުގެ ފެކްޝަނުގައި ތިއްބެވީ ގާތްގަނޑަކަށް 13 މެންބަރުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox