ލަންޑަން (މާޗު 19) - ދާދި ފަހުން ޓޮޓެންހަމް ހޮޓްސްޕާސްގެ ކުޅުންތެރިންނާއި މެނޭޖްމަންޓަށް ފާޅުގައި ފާޅުކިއުންތައް އަމާުޒުކުރި ކޯޗު އެންޓޯނިއޯ ކޮންޓޭ މި ހަފުތާގައި ޓޮޓޭންހަމް ކޯޗުކަން ދޫކޮށްލުމަކީ ހައިރާންވާންޖެހޭ ކަމެއް ނޫނެވެ. ޓޮޓެންހަމް އާއި ކޮންޓޭއާދެމެދު ހިތްހަމަނުޖެހުންތަކެއް އޮންނަތާ ދުވަސްކޮޅެއްވެއްޖެ އެވެ.
ކުޅުންތެރިންނާއި މެނޭޖްމަންޓް އަދި ޓޮޓެންހަމް އިން ގެންގުޅޭ އުސޫލުތަކާއި ކްލަބްގެ ވައްޓަފާޅި އަށް ކޮންޓޭ ފާޅުގައި ފާޑުކިޔަން ފެށީއެ ޓީމުން ވަކިވުމުގެ ވިސްނުމެއް އޮތުމުން ކަމަށް ވެސް ބުރަވެވޭ ސަބަބުތަކެއް އެބަހުއްޓެވެ.
ޓޮޓެންހަމް އަށް އަނެއްކާ ވެސް ކޯޗު ވަކިވުމާ އެކު ބޮޑު އަދަދެއް ބަދަލެެއްގެ ގޮތުގަޢި ދޭންޖެހުނީ އެވެ. ރިޕޯޓްތަކުން ބުނާގޮތުގައި ކޮންޓޭގެ ކޮންޓުރެކްޓް ބާތިލްކުރުމުގެ ބަދަލުގެ ގޮތުގައި ޖުމްލަ 4.9 މިލިއަން ޑޮލަރު ޓޮޓެންހަމް އިން ދޭން ޖެހެ އެވެ.
މަގާމުން ވަކިވުމަށް ފަހު ކޮންޓޭ ސޯޝަލް މީޑިއާގައި އާންމުކުރި ބަޔާނެއްގައި ވަނީ ޓޮޓެންހަމްގައި ކުރި މަސައްކަތުގައި އެންމެ ބޮޑު އެއްބާރުލުމެއް ދިން އެއް ބަޔަކީ ސަޕޯޓަރުންކަން ފާހަގަކޮށް އެ މީހުންނަށް ޝުކުރު އަދާކޮށްފަ އެވެ.
ޓޮޓެންހަމް އިން ވަނީ 2013 ވަނަ އަހަރުން ފެށިގެން މިވީ 10 އަހަރު ތެރޭ އެ ޓީމުގައި މަސައްކަތްކުރި ހަ ކޯޗުންގެ ތެރެއިން، ފަސް ކޯޗަށް ބަދަލުގެ ގޮތުގައި ބޮޑެތި އަގުތަކެއްދީފަ އެވެ. ކޯޗުންނަށް ދޭ ބަދަލުގެ ގޮތުގައި، މިވީ މުއްދަތުގައި ޓޮޓެންހަމް އިން ވަނީ މިހާތަނަށް 67.5 މިލިއަން ޑޮލަރު ހަރަދުކޮށްފަ އެވެ.
އެންމެ ބޮޑު ބަދަލެއް ލިބިފަިވަނީ ޕޯޗުގަލްގެ ކޯޗު ހޯސޭ މޮރިނީއޯ އަށެވެ. މޮރީނިއޯ އަށް ބަދަލެއްގެ ގޮތުގައި 24.6 މިލިއަން ޑޮލަރު އެވެ.
އޭގެ ކުރިން ހުރި ޓޮޓެންހަމަށް ކޯޗުކޮށްދިން ބައެއް ކޯޗުންނަށް ވަޒީފާ އިން ވަކިކުރިއިރު، ދޭން ޖެހުނު ބަދަލަށް ބަލާއިރު، މައުރީސިއޯ ޕޮޗެޓީނޯ އަށް ދިނީ 15.3 މިލިނަން ޑޮލަރު ދިނެވެ. ޒުވާން ކޯޗު، އަންދްރޭ ވިޔަސް ބޮއަސް އަށް 5.5 މިލިއަނަ ޑޮލަރު ދިންއިރު، މިދިޔަ 10 އަހަރު ތެރޭ ބަދަލުގައި އެއްވެސް އެއްޗެއް ނުދީ ޓޮޓެންހަމް އިން ވަކިކުރި ހަމައެކަނި ކޯޗަކީ ޓިމް ޝާވުޑް އެވެ.
