ބޭނުންވާ ތަކެތި
- 8 ނުވަތަ 9 ފޮތި ޕާން
- 1/2 1 ޖޯޑު ކިރު
- 2 ނުވަތަ 3 މޭޒުމަތީ ސަމުސާ ވިޕިން ކްރީމް
- ތެޔޮފޮދެއް (ތެލު ލުމަށް)
ސިރަޕް
- 2 ޖޯޑު ފެން
- 2 ޖޯޑު ހަކުރު
- 2 ނުވަތަ ތިން ކާފޫރުތޮޅި
- ފިނިފެންމަލުގެ ފިޔައާއި ޕިސްޓާޗިއޯ (ގާނިޝް ކުރުމަށް)
ތައްޔާރު ކުރާނެ ގޮތް
އެންމެ ފުރަތަމަ ޕާން ފޮތިތަކުގެ ކައިރި ނަގާލާފައި ހިމުންކޮށް މުގުރައިލާށެވެ. އެއަށްފަހު ތެއްޔަކަށް ކިރުފޮދު ވަކިން އަޅައިގެން ކައްކާށެވެ. ކިރުފޮދު ކެކި ގަތުމުން ހިމުންކުރި ޕާންކޮޅު އޭގެތެރެއަށް އަޅައި އެއް ކުރާށެވެ. ދެން ވިޕިން ކްރީމް ކޮޅު އޭގެ ތެރެއަށް އަޅައި ފުށްގަނޑަކަށް ވަންދެން އެއްކުރަމުން ގެންދާށެވެ. ފުށްގަނޑަކަށްވުމުން ހިހޫ ވަންދެން ބެހެއްޓުމަށްފަހު ޝުގާ ސިރަޕް ތައްޔާރު ކުރާނީ އެވެ.
ފެނުގެ ތެރެއަށް ހަކުރު ކޮޅާއި ކާފޫރުތޮޅިކޮޅު އަޅައި 10 ވަރަކަށް މިނެޓު ވަންދެން ކައްކާށެވެ. ރަނގަޅަށް ހަކުރުކޮޅު އޮލަވުމުން އުނދުން ނިވާލާފައި ބަހައްޓާށެވެ.
ކުރިން ތައްޔާރު ކުރި ފުށްގަނޑުގައި ގުޅަ ވަށާށެވެ. ގުޅަ ވަށަން ފެށުމުގެ ކުރިން އަތުގައި ކުޑަ ތެޔޮ ފޮދެއް ހާކައިލަން ވާނެ އެވެ. ފުށްގަނޑުން ވަށަން ބޭނުންވާ ވަރަށް ގުޅަ ވެށުމުން ރަން މުށި ކުލަ އަރައިލަންދެން ތެލުލާނީ އެވެ. އެއަށްފަހު ނަގައި ތައްޔާރު ކުރި ހަކުރު ކޮޅު ތެރެއަށް ގުޅަތައް އަޅައި ޕިސްޓާޗިއޯ އާއި ފިނިފެންމަލުގެ ފިޔަތައް ބޭނުން ކޮށްގެން ގާނިޝް ކުރާނީ އެވެ.
titledesc
