ދިއްލީ އާއި ބޮޑެތި އެހެން ސިޓީތަކުގައި މުޒާހަރާކޮށްފި

އޭއޭޕީގެ މެމްބަރުން ބެންގަލޫރުގައި މުޒާހަރާ ކުރަނީ. -- ފޮޓޯ: އޭއޭޕީ

އޭއޭޕީގެ މެމްބަރުން ބެންގަލޫރުގައި މުޒާހަރާ ކުރަނީ. -- ފޮޓޯ: އޭއޭޕީ

ނިއު ދިއްލީގެ ޑެޕިއުޓީ ޗީފް މިނިސްޓަރު ހައްޔަރު ކުރުމުން، އެ ސިޓީ އާއި އިންޑިއާގެ އެހެން ބޮޑެތި ސިޓީތަކުގައި މުޒާހަރާކޮށްފި އެވެ.

ކޮރަޕްޝަންގެ ތުހުމަތުގައި މަނީޝް ސިސޯޑިއާ ފެޑެރަލް ފުލުހުންގެ ބެލުމުގެ ދަށަށް ގެންދިޔައީ ގިނަ ގަޑިއިރުތަކެއް ވަންދެން ސުވާލު ކުރުމަށް ފަހު އެވެ.

އެއީ ނިއު ދިއްލީގައި ރަލާ ގުޅޭ ސިޔާސަތުގެ ތަހުގީގެކެވެ. އެ ސިޔާސަތުގެ ދަށުން ރާ ވިއްކާ އާ ފިހާރަތަކެއް ހުޅުވި އެވެ. އެހެން ނަމަވެސް ފުލުހުން ތަހުގީގު ފެށުމުން އެ ސިޔާސަތު ތަންފީޒު ކުރުން ހުއްޓައިލި އެވެ.

ސިސޯޑިއާ އާއި އޭނާ ނިސްބަތްވާ އާއްމު އާދްމީ ޕާޓީ (އޭއޭޕީ) އިން ތުހުމަތުތައް ދޮގުކުރެ އެވެ. އެ ޕާޓީން ބުނީ ވެރިކަމުގައި އޮތް ބަރަތިޔަ ޖަނަތަ ޕާޓީ (ބީޖޭޕީ) އިން ސިޔާސީ ވާދަވެރިންނަށް ޓާގެޓް ކުރާ ކަމަށެވެ.

ދިއްލީގައި ވެރިކަން ކުރަނީ އޭއޭޕީއިންނެވެ. އެހެން ނަމަވެސް ފެޑެރަލް ފުލުހުން ރިޕޯޓު ކުރަން ޖެހޭ އިންޑިއާގެ މައި ސަރުކާރުގައި އޮތީ ބީޖޭޕީ އެވެ.

ހޯމަ ދުވަހު އޭއޭޕީގެ މެމްބަރުން ދިއްލީގައި އެ ޕާޓީގެ މައި އޮފީސް ކުރިމައްޗަށް އެއްވެ ބީޖޭޕީއާ ދެކޮޅަށް އަޑުއުފުލި އެވެ. މުޒާހަރާގެ ބައިވެރިން ބޭނުންވީ ބީޖޭޕީގެ އޮފީހާއި ކޯޓު ކައިރިއަށް ދިޔުމަށެވެ.

ދިއްލީގައި ސެކިއުރިޓީ ވަރުގަދަކޮށް ގިނަ އަދަދެއްގެ ފުލުހުން ހަރަކާތްތެރިވަމުންދާ އިރު، މުޒާހަރާގެ ބައިވެރިން ހައްޔަރު ކުރާ މަންޒަރު ބައެއް ވީޑިއޯތަކުން ފެނެ އެވެ.

ވެރިރަށް ދިއްލީގެ އިތުރުން ޕަންޖާބް ސްޓޭޓްގެ އެންމެ ބޮޑު ސިޓީ ޗަންދިގަރްގައި ވެސް އޭއޭޕީގެ މެމްބަރުން ދަނީ އަޑު އުފުލި އެވެ. ޕަންޖާބްގައި ވެސް ވެރިކަން ކުރަނީ އޭއޭޕީއިންނެވެ.

އޭގެ އިތުރުން މުމްބާއީ އާއި ބެންގަލޫރު އަދި ބޯޕާލް އާއި އެހެން ބޮޑެތި ސިޓީތަކުގައި ވެސް މީހުން ދަނީ މުޒާހަރާ ކުރި އެވެ.

ދިއްލީގައި ގިނަ މައްސަލަތަކެއްގައި އޭއޭޕީ އާއި ބީޖޭޕީގެ ހިޔާލު ތަފާތެވެ. ބީޖޭޕީއިން ތަކުރާރުކޮށް ތުހުމަތު ކުރަނީ އޭއޭޕީގެ އޮފިޝަލުން ކޮރަޕްޓް ކަމަށެވެ.

އެހެން ނަމަވެސް، އޭއޭޕީއިން ބުނަނީ ބީޖޭޕީ އާއި މައި ސަރުކާރުން ދިއްލީގައި އޭއޭޕީގެ މަސައްކަތަށް ހުރަސް އަޅަމުންދާ ކަމަށެވެ.

މިދިޔަ އަހަރު މަނީ ލޯންޑަރިންގެ ތުހުމަތުގައި ދިއްލީގެ ހެލްތު މިނިސްޓަރު ސަތުޔެންދްރަ ޖައިން ހައްޔަރު ކުރި އެވެ. އޭނާ އަދިވެސް ހުރީ ބަންދުކޮށްފަ އެވެ.

އޭއޭޕީ އުފެދުނީ މީގެ 10 އަހަރު ކުރިން ކޮރަޕްޝަނާ ދެކޮޅަށް ހިންގި ބޮޑު ހަރަކާތެއްގެ ތެރެއިންނެވެ. އެހެންވެ، އެ ޕާޓީއާ ދެކޮޅަށް ކޮރަޕްޝަންގެ ތުހުމަތު ކުރުމަކީ ޕާޓީއަށް ވަރަށް އަސަރު ކުރާ ކަމެކެވެ.

އޭއޭޕީގެ ލަނޑުދަނޑުއަކީ ބޮޑު ވަޒީރު ނަރެންދްރަ މޯދީގެ ބީޖޭޕީއާ ވާދަވެރި، ބޮޑު އިދިކޮޅު ޕާޓީއަކަށް ވުމެވެ. އޭއޭޕީއިން ވަނީ ދިއްލީ އާއި ޕަންޖާބް ސްޓޭޓްގެ ކޮންޓްރޯލް ހޯދައިފަ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox