އަގުހުރި އިނާމުތައް ލިބޭ މޯލްޑިވްސް އިސްލާމިކް ބޭންކުގެ (އެމްއައިބީ) އުޖާލާ ރަމަޟާން ޕްރޮމޯޝަން ފަށައިފި އެވެ.
މޯލްޑިވްސް އިސްލާމިކް ބޭންކުގެ އުޖާލާ ދިރިއުޅުން ފެސިލިޓީން 25،000ރ. އަށްވުރެ މަތިން ވިޔަފާރި ކުރާ ކޮންމެ ފަރާތަކަށް ވެސް އެ ޕްރޮމޯޝަނުގައި ބައިވެރިވެވޭވެނެ އެވެ.
އެ ޕްރޮމޯޝަން ކުރިއަށް ދާނީ އަންނަ މާޗު މަހުގެ ނިޔަލަށެވެ.
އުޖާލާ ރަމަޟާން ޕްރޮމޯޝަނުގެ ދަށުން އެއްވަނައަށް ހޮވޭ ކަސްޓަމަރަކަށް ހުށަހަޅާފައި ވަނީ ދެމީހެއްގެ އުމްރާ ދަތުރެކެވެ.
އޭގެއިތުރުން އެ ޕްރޮމޯޝަނުގެ މުއްދަތުގައި ކޮންމެ ހަފްތާއަކު ގުރުއަތުން ހޮވާ ތިން ނަސީބުވެރިއަކަށް 5،000ރ. ލިބޭނެ އެވެ. އެހެންކަމުން ހަފްތާގެ އިނާމުތަކުގެ ގޮތުގައި ޖުމްލަ 24 ފަރާތަކަށް ފައިސާގެ އިނާމު ލިބޭނެ އެވެ.
އެމްއައިބީގެ އުޖާލާ ދިރިއުޅުން ސްކީމަކީ ރާއްޖޭގެ އެންމެ މަގުބޫލު އެއް ރީޓެއިލް ފައިނޭންސިން ސްކީމެވެ. އެ ސްކީމުގެ ދަށުން އެމްއައިބީއަށް މުސާރަ ޖަމާކުރާ ކަސްޓަމަރުންނަށް ހާއްސަ ރޭޓެއްގައި އެ ބޭންކުން ފައިނޭންސް ކޮށްދެ އެވެ.
އެ ސްކީމް މެދުވެރިކޮށް އެމްއައިބީން އެންވަޔަރަމެންޓު މިނިސްޓްރީއާ ގުޅިގެން ހަކަތަރި ލޭބަލް ޖަހާފައިވާ އާލާތްތަކަށް ދިހަ ޕަސެންޓުގައި ފައިނޭންސް ކޮށްދެ އެވެ.
އެމްއަބީ އުޖާލާ ދިރިއުޅުން ފެސިލިޓީއަށް އެމްއައިބީ އެޕްލައިނައު ޕޯޓަލް މެދުވެރިކޮށް ވެސް އެޕްލައި ކުރެވެ އެވެ. ޕޯޓަލް މެދުވެރިކޮށް އެމްއައިބީގެ ކޮންމެ ބުރާންޗަކަށް ވެސް އެޕްލައި ކުރެވޭނެ އެވެ.
