ގިނަ ފާޑުކިޔުންތަކެއް އަމާޒުވެ ޖަރުމަނުގެ ޑިފެންސް މިނިސްޓަރު ކްރިސްޓީން ލެމްބްރެކްޓް އިސްތިއުފާ ދެއްވައިފި އެވެ.
މިނިސްޓަރު އިސްތިއުފާ ދެއްވި އިރު، ޖަރުމަނުގައި އުފެއްދި ޓޭންކުތަކެއް ޔޫކްރެއިނަށް ފޮނުވަން ހުއްދަ ދިން މައްސަލަ ވަނީ ހޫނުވެފަ އެވެ.
އޭގެ އިތުރުން ޔޫކްރެއިނަށް 5000 އަސްކަރީ ހެލްމެޓް ފޮނުވަން ނިންމިކަން އިއުލާން ކުރެއްވުމުން ވެސް ގިނަ ބަޔެއްގެ މަލާމާތް މިނިސްޓަރަށް އަމާޒުވި އެވެ.
ޖަރުމަނުގެ އަސްކަރީ ފައުޖު މިހާރަށް ވުރެ ވަރުގަދަ ކުރުމުގައި މިނިސްޓަރު ފެއިލްވެފައިވާ ކަމަށް މީހުން ވަނީ ތުހުމަތުކޮށްފަ އެވެ.
ޔޫކްރެއިން ހަނގުރާމަ ފެށުމާ އެކު އަސްކަރީ ފައުޖު ވަރުގަދަ ކުރަން ދައުލަތުގެ ބަޖެޓުން 100 ބިލިއަން ޔޫރޯ ހަމަޖެއްސި އެވެ.
އޭގެ އިތުރުން އަސްކަރީ ހެލިކޮޕްޓަރެއްގައި ފިރިހެން ދަރިފުޅާ އެކު ދަތުރެއް ކުރެއްވިކަން ފަޅާއެރުމުން ވެސް އެކަމަނާއަށް ފާޑުކިޔުން އަމާޒުވި އެވެ.
އެހެން ނަމަވެސް އެންމެ ބޮޑު ފާޑުކިޔުމެއް އަމާޒުވީ އާ އަހަރާ ދިމާކޮށް ޕޯސްޓު ކުރި ވީޑިއޯއެއްގެ މައްސަލައިގަ އެވެ.
އެ ވީޑިއޯގައި ބާލިންގެ އުޑުމަތިން ހަވާ އަރުވާ މަންޒަރު ފެންނަ އިރު ލެމްބްރެކްޓް ވާހަކަދެއްކެވީ ޔޫކްރެއިން ހަނގުރާމައިގެ ތެރެއިން ކުރިމަތިވެވަޑައިގެންނެވި "ޕޮޒިޓިވް" ކަންކަމާ ބެހޭ ގޮތުންނެވެ.
ޗާންސެލަރު އޯލާފް ޝޯލްޒްގެ ސޯޝަލް ޑިމޮކްރެޓްސް ޕާޓީއަށް ނިސްބަތްވާލެމްބްރެކްޓްގެ އިސްތިއުފާގެ ސިޓީގައި މީޑިއާއަށް ފާޑިވުދާޅުވި އެވެ.
