މ. އަތޮޅު ރަށެއްގައި ދަރިވަރަކަށް ބިދޭސީ ޓީޗަރަކު އަނިޔާކުރި ކަމަށް ބުނާ މައްސަލައެއް ފެންމަތިވެ ތުހުމަތު ރައްދުވާ ޓީޗަރު އެޑިއުކޭޝަން މިނިސްޓްރީން މިއަދު ސަސްޕެންޑްކޮށްފި އެވެ.
އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީ އަހުމަދު އަލީ "އަދަދު"އަށް ވިދާޅުވީ އެފަދަ މައްސަލައެއް އެ މިނިސްޓްރީއަށް ރިޕޯޓް ކުރުމާ ގުޅިގެން ޓީޗަރަކު ސަސްޕެންޑްކުރީ މިއަދު ކަމަށެވެ.
"ދަރިވަރަކަށް ޖިސްމާނީ އަނިޔާއެއް ލިބުނު ކަމަށް މިނިސްޓްރީއަށް މައްސަލައެއް ހުށަހަޅާފައިވޭ. އެ މައްސަލަ ބެލުމަށް ޓަކައި ޓީޗަރު ވާނީ މިއަަދު ސަސްޕެންޑްކޮށްފައި،" އަހުމަދު އަލީ ވިދާޅުވި އެވެ.
އެނގިފައިވާ ގޮތުގައި ދަރިވަރަކަށް އަނިޔާކުރި ކަމަށް ތުހުމަތުކުރަނީ އެ ރަށުގައި ފިޒިކްސް ކިޔަވައިދޭ އިންޑިއާ ޓީޗަރެކެވެ. އަދި އެ މައްސަލަ އެޑިއުކޭޝަން މިނިސްޓްރީއާއި ފުލުހުން ވެސް ދަނީ ބަލަމުންނެވެ.
