މުޅި ދުނިޔެ ފުޓްބޯޅައިގެ އީދެއްގެ ތެރޭގައި އޮތް މި ދުވަސްވަރު ދިވެހިންގެ މެދުގައި ވެސް ވޯލްޑް ކަޕްގެ ފޯރި ފެންނަނީ ވަރަށް ގަދަކޮށެވެ. އެގޮތުން، އެންމެ ބޮޑަށް ފާހަގަކޮށްލެވެނީ މެޗުތަކުގެ ސްކޯ ދިމާކުރުމަށް ކުރިއަށްގެންދާ އެކި ލީގުތަކެވެ.
ބޮޑެތި މުބާރާތްތަކުގައި ސްކޯ ދިމާކުރުމުގެ މުބާރާތްތައް ފޯރިގަދަވެފައި ވާއިރު، "ގޯލްއާރް" އެޕްލިކޭޝަނަކީ ހަގީގަތުގައި މި ފަދަ ކަންކަމަށް ވަރަށް ފުރިހަމަ އަށް ފަރުމާކޮށްފައިވާ އެޕްލިކޭޝަނެކެވެ.
"ގޯލްއާރް" މެދުވެރުކޮށް މި ފަހަރުގެ ވޯލްޑް ކަޕްގެ މެޗުތަކުގެ ސްކޯ ދިމާކޮށްގެން އެއް ވަަަނަ އަށް ހޮވޭ ފަރާތަކަށް އިނާމެއްގެ ގޮތުގައި ރެޑްވޭވުން ހުށަހަޅާފައިވާ 65 އިންޗުގެ ޓީވީއެއް ލިބޭނެ އެވެ. އަދި، ދެވަނަ އާއި ތިންވަނަ އަށް ލިޓަސް ކަނެކްޓުން ވަނީ އަން ޕްލަސް ބްރޭންޑުގެ ފޯނަކާއި ވަޔަލެސް ބަޑްސް ހުށަހަޅާފަ އެވެ.
"ގޯލްއާރް" އަކީ ދިވެހި ޒުވާނުންތަކެއް އިސްނަގައިގެން ފަށާފައިވާ ޝައުގުވެރި މަސައްކަތެކެވެ. "ގޯލްއާރް" ވުޖޫދުވީ އެންމެ ފަހުން ބޭއްވި ޔޫރޯ ފުޓްބޯޅަ މުބާރާތުގެ ތެރެއިންނެވެ. އެ މުބާރާތުގައި ރާއްޖޭގެ ގިނަ އޮފީސްތަކުން މުވައްޒަފުންގެ މެދުގައި "ގޯލްއާރް" މެދުވެރިކޮށް ޕްރައިވެޓް ލީގުތައް ވެސް ވަނީ ބާއްވައިފަ އެވެ. އެ މުބާރާތުގައި "ގޯލްއާރް" އަށް ލިބުނު ތަރުހީބު ބޮޑެވެ.
އެއަށްފަހު ރާއްޖޭގައި މިދިޔަ އަހަރު ބޭއްވި ސާފް ޗެމްޕިއަންޝިޕުގައި ވެސް "އަދަދު" އިން ވަނީ "ގޯލްއާރް" އާއެކު ސްކޯ ދިމާކުރުމުގެ ލީގެއް ކުރިއަށް ގެންގޮސްފަ އެވެ. އަދި، މިއަހަރު ރާއްޖޭގައި ބޭއްވި އެންމެ ފޯރިގަދަ ފުޓްސަލް މުބާރާތް ކަމަށްވާ ކްލަބް މޯލްޑިވްސް ކަޕްގައި ވެސް ސްކޯ ދިމާކުރުމުގެ ލީގު ކުރިއަށްގެންދިޔައީ "ގޯލްއާރް" އިންނެވެ.
"ގޯލްއާރް" ގެ އިންޓަފޭސް. 100 އަށްވުރެ ގިނަ ޕްރައިވެޓު ލީގު އަންނަނީ ހިނގަމުން --- ފޮޓޯ: ގޯލްއާރް
ޕްރައިވެޓް ލީގަކީ ދުނިޔޭގެ ފުޓްބޯޅައިގައި މި ވަގުތު ވަރަށް ބޮޑު ޓްރެންޑެކެވެ. ޔޫރޯ ފުޓްބޯޅަ މުބާރާތުން ފެށި "ގޯލްއާރް" އެޕްގައި މިހާރު ވެސް އެކްޓިވްކޮށް ގިނަ ބަޔަކު ޕްރައިވެޓް ލީގުތައް ހަދައިގެން ކުޅެ އެވެ.
އެ އެޕުން މައުލޫމާތު ދޭ ގޮތުގައި ވޯލްޑް ކަޕް ފެށުމުގެ ކުރިން ވެސް 100 އަށްވުރެ ގިނަ ޕްރައިވެޓު ލީގު އެ އެޕުގައި ރެޖިސްޓްރީކޮށް އައީ ހިންގަމުންނެވެ. ދުނިޔޭގެ ނަން މަޝްހޫރު ލީގުތައް ވެސް މިހާރު "ގޯލްއާރް" އެޕްގައި ޕްރިޑިކްޓް ދަ ސްކޯ އާއި ޕްރައިވެޓް ލީގު ފަކްޝަން ކުރެވެން ހުރެ އެވެ.
މިފަހަރުގެ މުބާރާތާ ދިމާކޮށް ވެސް "ގޯލްއާރް" ގައި ބޮޑެތި އިނާމުތަކެއް ލިބޭ ލީގުތައް އަންނަނީ ހިންގަމުންނެވެ. އެގޮތުން، އުރީދޫ މޯލްޑިވްސްގެ ލީގު ފާހަގަކޮށްލެވެ އެވެ. "ގޯލްއާރް" ގެ ފަރާތުން ގެންދަނީ ވީހާވެސް ގިނަ ބަޔަކު މި ފޯރީގައި ބައިވެރިކުރުމުގެ ގޮތުން ބައިވެރިވެވޭނެ ގޮތްތަކުގެ މައުލޫމާތު އެސްއެމްއެސް މެދުވެރިކޮށް ވެސް ފޯރުކޮށްދެމުންނެވެ.
