ވާދަވެރި އާއްމު އިންތިހާބަކަށް ފަހު މެލޭޝިއާގައި ފުރަތަމަ ފަހަރަށް އެއްވެސް ބަޔަކަށް މެޖޯރިޓީ ކަށަވަރު ނުވާ ޕާލަމެންޓެއް އެކުލަވާލައިފި އެވެ.
އެންމެ ގިނަ ގޮނޑި ލިބުނީ އިދިކޮޅު ލީޑަަރު އަންވަރް އިބްރާހިމްގެ ފަޅިއަށެވެ. އެކަމަކު އެމަަނިކުފާނުގެ ޕަކަތަން ހަރަޕަން އެލަޔަންސަށް ވެސް މެޖޯރިޓީ ނުލިބުނެވެ.
ބޮޑު ވަޒީރު އިސްމާއިލް ސަބްރީ ޔައުގޫބްގެ ވެރިކަން ކުރާ ކޯލިޝަނަށް ލިބުނީ ބޮޑު ނާކާމިޔާބީއެކެވެ. އެ ކޯލިޝަނުން ވާދަކުރި 178 ގޮނޑީގެ ތެރެއިން ކަށަވަރުވީ އެންމެ 30 ގޮނޑި އެވެ.
މެލޭޝިއާގެ ސިޔާސީ ދާއިރާގައި އެންމެ ތަޖުރިބާކާރު ކުރީގެ ބޮޑު ވަޒީރު މަހާތީރް މުހައްމަދަށް 53 އަހަރުގެ ތެރޭގައި ފުރަތަމަ ފަހަރަށް އިންތިހާބަކުން ނާކާމިޔާބީއާ ކުރިމަތިވެވަޑައިގެންނެވި އެވެ.
ކުރިން ވެރިކަމުގައި އޮތް ޔުނައިޓެޑް މެލޭޒް ނެޝަނަލް އޯގަނައިޒޭޝަންގެ ތާރީހުގައި ކުރިމަތި ނުވާ ފަދަ ބޮޑު ލަދަކާ މި އިންތިހާބުގައި ކުރިމަތިވި އެވެ.
ޕާލަމެންޓުގެ އެންމެ ފުރަތަމަ ޒިންމާއަކީ ގާނޫނު ހަދާ މަޖިލީހުގެ ތިރިގޭގައި މެޖޯރިޓީ ސަޕޯޓް އޮތް ބޭފުޅަކު ބޮޑު ވަޒީރުގެ ގޮތުގައި އައްޔަން ކުރެއްވުމަށް ހުށަހެޅުމެވެ.
ކުރީގެ ބޮޑު ވަޒީރު މުހްޔިއްދީން ޔާސީން ވިދާޅުވީ މުހިއްމު ބައެއް ޕާޓީތަކުގެ ތާއީދާ އެކު އަލުން ބޮޑު ވަޒީރު ކަމަށް ވަޑައިގެންނެވުމަށް އުއްމީދު ކުރައްވާ ކަމަށެވެ.
