ގާހިރާ، މިސްރު (ނޮވެމްބަރު 12) - މިސްރުގެ އުތުރުން ނައިލް ޑެލްޓާ ސަރަހައްދުން ހިނގި ބަސް އެކްސިޑެންޓެއްގައި 19 މީހުން މަރުވެ ހަ މީހުންނަށް އަނިޔާވެއްޖެ އެވެ.
މިސްރުގެ ހެލްތު މިނިސްޓްރީން ބުނީ މިނީ ބަހެއް އެކްސިޑެންޓުވީ ދަކާހްލިއާ ޕްރޮވިންސްގައި ކަމަށެވެ. އެ ބަސް ދަތުރު ކުރަމުން ދިޔަ މަގުން ކަހާލައިގެން ގޮސް ބޮޑު ވަޅުގަނޑަކަށް ވެއްޓުނެވެ.
އެ ބަހަށް ބޮޑެތި ގެއްލުންތަކެއް ލިބުނެވެ. ރިޕޯޓުތައް ބުނާ ގޮތުން އެކްސިޑެންޓުވި ސަރަހައްދަށް މީހުން ޖަަމާވާތީ ރެސްކިއު ޓީމުގެ މަސައްކަތަށް އުނދަގޫވި އެވެ.
މިސްރުގެ ނޫސްތަކުން ބުނީ އެ ހާދިސާ ހިނގަން މެދުވެރިވީ ބަހަށް ދިމާވި ޓެކްނިކަލް މައްސަލައަކާ ހެދި ކަމަށެވެ. މިސްރުގައި ވަރަށް ގިނައިން މަގުމަތީގެ އެކްސިޑެންޓުތައް ހިނގަ އެވެ.
އެހާ ގިނައިން އެކްސިޑެންޓު ކުރިމަތިވަނީ މަގުތައް ރަނގަޅަށް ނުބެލެހެއްޓުމާއި ދަތުރު ކުރުމުގެ ގަވާއިދާ އެއްގޮތަށް އަމަަލު ނުކުރާތީ ކަމަށް ބެލެވެ އެވެ.
ވިހި އެކާވީސް ވަނަ އަހަރު، މިސްރުގައި ހިނގި މަގުމަތީގެ އެކްސިޑެންޓުތަކުގައި 7،000 މީހުން މަރުވި އެވެ. މިދިޔަ ޖުލައި މަހު ހިނގި އެކްސިޑެންޓެއްގައި 25 މީހުން މަރުވި އެވެ.
